Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hibru 9:2 - mzwDBL

2 asɛ o do Korowii Tɛnte Dea la bini. Pateesan teŋe dea la doonyoa, asɛ bɛl ɡe bɔne dea la bini anɛ. Dea la boloɡle la sɔne Boɡoroŋ. A ɡɛ Boɡoroŋ la bɔr belaa kandea da ne teebur, dɛ paanoo baa kpɔa dɛɛ cheɡ Korowii sie la do.

အခန်းကိုကြည့်ပါ။ ကော်ပီ




Hibru 9:2
21 ပူးပေါင်းရင်းမြစ်များ  

Kpɔ akaasia daa kwaa teebur, dɛ́ ɡel o jaŋne ɛ naɡale atoro, o paɡri ɛ naɡale beŋkpoŋ ne tama, ásɛ o daŋa ɡe ka tama ó ɡwaa naɡale anɛ.


Kpɔ paanoo haa kpɔ baa tɛ mɛ la dɛɛ dawɛ teebur nɔ ta saŋ bɛlbwa.


Berɛ kpɔ suuɡaswɛm tenten loɡɛ kandea da. Le o mun ta kaa o nyundua chɛ kɛŋɔ ó ɛ suuɡaswɛm beŋkpoŋ. Ɛ o numoli á do kɛŋɔ daa fee yon pili la, dɛ́ ɛ anɔ la aa jaa bwa do kandea daa la ta suuɡaswɛm beŋkpoŋ la ne.


Korowii berɔ ŋɔ Mosis be ŋɔ, “Kpɔ jisepondɛɛɡe ne jiseburum ne jisekɔl dɛ jiseswɛm sɔh pateesanre fi, dɛ́ ɡel nɛn waa dɔ kwaa sɔeh wejema ɛ Kerobim dawɛ a ta, dɛ́ kpɔ kwaa Tɛnte Dea waa ɛ n dobɔr tɛ mɛ.


Kpɔ paateesan la saɡɛ bune la ta, dɛ́ kpɔ N Ne Nɛwɛnyina Fɔo Daka la ba cheɡ o habɔɔ. Pateesan laanee dɛ́ pere Boɡoroŋ la le Boɡoroŋ Tenten la ta.


Kpɔ teebur la ba cheɡ pateesan waa lɔ weekaŋle nyunduabɔr pera n Tɛnte Dea la, ásɛ dɛ kpɔ kandea daa la ɡe cheɡ o baŋ bɛl weekaŋle harɛbɔr.


Korowii berɔ ŋɔ Mosis be ŋɔ, “Kenii hɛɛ ba ɛɛ dɛ́ le Arɔn ne o bibaala cheɡ bá do ɡoroŋ, ásɛ dɛɛ ɛ n toma kɛŋɔ sɔfore. Lawɛ nabale ne pebala anɛ aa wola kirihiah bɛlbwa dii,


Hé ɛ wobɛlbwa maa do heyaa nɔ tɛ Arɔn ne o bibaala la, dɛ́ kpɔ tɔpera anuanɛ ɛ we-ɛɛla do ba sɔfore toma ta.


“Baŋre n Tɛnte Dea waa ɛ n Dea Cheremibɔr la, korobiloɡle tɔpere waa tɔ sie la ta.


Kpɔ teebur la ba cheɡ o bini, dɛ́ kpɔ o koŋkwaa bwa dawɛ o ta. Kpɔ kandea daa la ɡe ba cheɡ, dɛ́ kpɔ kandere la ba chɔŋɛ a ta.


O jo Korowii Dea dɛ kpɔ paanoo aa ɛ Korowii kwa, o ne o nɛra di. Mmara fe aa ŋwɛnɛ tɛ kɛ bá fee di ɡɛ paanoo la, sɔfore ɡboo fe dɔ ŋwɛnɛ kɛ bá dia.


Nomɛlbwa aa kandea choŋi dɛ́ kpɔ kon dɛɛ pi o ta. Kɛ ba dɛ choŋu dɛ́ kpɔ chɔŋɛ kon ta, ásɛ o chaah tɛ nɛra baa lɔ dem bela la bwa.


A ta hiaih kɛ o teŋɛ dɛɛ jo Boɡoroŋ Tenten la dɛ́ kpɔ o te ɛ saraha bena bɛlbwa ɡɛ Juu tena Sɔfonomoa aa dɛ jo ba kon ta chal aa wola o ɡbaɡba bwara chal ɛɛ ne la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ