Hibru 9:14 - mzwDBL

¹⁴ ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Hibru 9:14 ပူးပေါင်းရင်းမြစ်များ

2 Samoɛl 4:11

Ɛrɛɛ mɛɛ ba nɛn waa wola wechɔɡa bɛlbwa ɛɛ dɛ chɔ o dea mpa ta nyubinikpeɡ tena ka kpoo waa bola ɔ? A ta chɛ kɛ o seo ɡure he nyu ta ń kpoo heyaa bɔ kem le harɛ nɔ ta naa?”

2 Koranar 19:16

Ir nyu ne, dɛ́ no n wesoŋa nɔ, no waa Koojen Senakerib aa ba a ne, dɛ baa chɛɡre hen Korowii haa lole saŋ bɛlbwa nɔ.

Job Tɔn 15:16

nɛn te pɔɔh, wechɔɡa suu kɛŋɔ waa dɛ nyɔ ne.

Yela 51:2

Sɔ n wechɔɡa ta, kɛŋɔ baa kpɔ nee dɛɛ yaɡle doŋa la, ásɛ wechɔɡa bɛlbwa le n nɛ,

Kaala 12:5

Kondɛɛre ombal waa wola kirihiah bɛlbwa dii, dɛ di benanyoa laanee chɛ kɛ hé lawɛ ba ɛ ɡɛ waa nɔ. He ta pebie dɔe yaa, bohnee chɛ kɛ hé lawɛ.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 53:9

O ne wechɔɡ-ɛɛraa ba pɛ huɡe, dɔɔhna lalbɔɔ binii o chɔ. A lole kɛ o ta wechɔɡa ɛɛ, kɛɛ dɛ teŋe nyosone bwa.”

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Ɛsekeɛl 45:18

Waa Nemenɛ Korowii aa dɛ bol laanee nɔ. Korobiloɡle la tɔpere waa tɔ sie ta, a chɛ kɛ he lawɛ nabale waa wola kirihiah bɛlbwa dii dɛ́ kpo, dɛ́ ba laa doŋa kpɔ n Dea la ta.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Lewi Dea Tena 22:20

Nomɛlbwa bɛ kon waa di kirihiah kpɔ ba ɛ saraha tɛ men Korowii, dɛkalkɛ maa lɛ dɛ́ kpɔ ɛ waa waa dɛ nyin tɛo.

Nɛra Kura 28:11

Korobie bɛlbwa tɔpeloɡle ta la, hé kpɔ nabali anɛ ne pebal dɛ pebali anuanɛ a bɛlbwa aa di benanyoa, aa wola kirihiah bɛlbwa dii ɛ saraha tɛ Korowii.

Nɛra Kura 28:3

Kwaa haa kpɔ ba ɛ saraha dɛ́ fuah dɛɛ tɛo tɔpere bɛlbwa laanee, pebali anɛ bɛlbwa aa di benanyoa waa wola kirihiah bɛlbwa dii.

Nɛra Kura 28:9

Ona Tɔpere ta, hé kpɔ pebali anɛ bɛlbwa aa di benanyoa, aa wola kirihiah bɛlbwa dii, dɛ́ kpɔ men baa nama a kper kɛrɛdɛ kuruware anɛ koo ɔleve noo ta, á ɛ mea ne sen saraha.

Matiu 12:28

Korowii Domadɛɛɡe kpeɡri nee mɛɛ doŋi kwaa aa dɛ ir nɛra nɛɛ la. Anomanta, hé jemɛ kɛŋɔ Korowii Kora dii la telo tonɛ.

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Matiu 7:11

Dɛ he wechɔɡ-ɛɛra nɔ kwara jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola kondɛɛɡaa kpɔ tɛ nɛra baa dɛ soŋo wɔ?

Amanesoma Luk Aa Chwera Tɔn 1:74

kɛŋɔ wɛɛ lɛ yaa le ya dɔma nɔn taa ásɛ ya tomɔ yaa wola ɔmɛ,

Amanesoma Luk Aa Chwera Tɔn 12:24

Hé ta sie nyiŋi jumbii na. Aa kwaa du, aa komɛ, a ta bela aa komɛ kwaa dɛɛ do dɔe. Korowiirii dɛɛ tɛa kondikwa. He ɡwaa jumbii bam!

Amanesoma Luk Aa Chwera Tɔn 12:28

Kpɔɡa haa naa a do wer fini, ásɛ kere ɡbo dɛ a serewɔ ba fuah nɔ, dɛ Korowii ɡelɔ a do wer ken naa, ɛrɛɛ waa wola won tɔ heyaa yal ɡwaala ɔ? He yarada aa kanɛ kwara!

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Amanesoma Jɔn Aa Chwera Tɔn 3:34

Nɛn Korowii aa tomɔ la, Korowii wobolee wɛɛ bol, dɛkalkɛ Korowii tɛo o Domadɛɛɡe la tɛɛ tenten.

We-ɛɛla 1:2

ka tel awola Korowii aa kpɔɔ kaa nyundua la. O cheɡɛ Korowii Domadɛɛɡe la kpeɡri ta dɛ baɡle baala la waa kpɔ ba ŋɔ bá ɛ o toroma la waa baa dɛ ba ɛɛ la, asɛ Korowii kpɔɔ kaa nyundua.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

We-ɛɛla 15:9

O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ.

Tɔn Pɔɔl Aa Chwerɛ Rom Tena 1:20

Dɛ́ le ɡɛ saŋ Korowii aa ta harɛ la, o bwara waa nɛwɛnyini aa wola wone dɛɛ na siwi ne, kɛŋɔ o kpeɡri aa wola jaɡa dɔe ne o dor bwa, o ɡelɔ nɛwɛnyini na a bwa. Nɛwɛnyini wono che Korowii kwaa waa taa ta, dɛ na o kpeɡri ne ɡɛ waa doa. Anomanta, nɛwɛnyini aa won ŋɔ baa jemɛ kɛ Korowii lole.

Tɔn Pɔɔl Aa Chwerɛ Rom Tena 1:4

asɛ o Korowii ɛɛ ɡe be pera la, Korowii cheɡɛ o seo ta ira la ta, dɛ baɡle kpeɡri ne kɛŋɔ o Korowii Biee on.

Tɔn Pɔɔl Aa Chwerɛ Rom Tena 11:12

Israel tena wechɔɡa baa ɛa la ba wedɛɛɡa ne ba tɛ nɛwɛnyina, asɛ ba chola baa chola dɛ paŋɛ kwaa Korowii be la ɡe ba wedɛɛɡa tenten ne dɛ ba tɛ nɛra baa wola Israel tena ɛɛ. Israel tena chola la kwaraa aa ba wedɛɛɡa ne ba tɛ nɛwɛnyina nɔ, dɛ ba bwa lɛ Korowii wa aa, ɛrɛɛ aa ba doe yɔ?

Tɔn Pɔɔl Aa Chwerɛ Rom Tena 11:24

Korowii laa ɡela ba teŋe he nɛra haa do kɛ kpɔɡ baah ɔleve daa kpala, dɛ ba vɔrɔwe marɛ kobaah ɔleve daa muŋkpul ta nɔ naa, ba fe aa an ɡɛ ɛ wubwa. Aah dɛ Korowii won he nɛra haa do kɛ kpɔɡ baah ɔleve daa kpala kwara kɛɛ, dɛ vɔrɔwe marɛ kobaah kwaa kwaraa ta a maɡre aa, Israel tena baa do kɛ kobaah ɔleve daa kpala waa kɛa ta la, ɛrɛ waa dɛ o berɔ kpɔ ba vɔrɔwe marɛ ba buɡ ta aa wola maɡre ɔ?

Tɔn Pɔɔl Aa Chwerɛ Rom Tena 6:13

He bɛ he bwadabii bobɛlbwa kpɔ dɛɛ ɛ wechɔɡa. A chɛ kɛŋɔ hé kpɔ he te tɛ Korowii kɛŋɔ nɛra baa sewa dɛ ir, dɛ charɛ ba soɡa ne ba dor. Hé kpɔ he bwadabii bobɛlbwa tɛ Korowii, dɛ kpɔa dɛɛ ɛ waa aa toɡra.

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

1 Kɔrent 15:45

Ba chwerɔ do Korowii Tɔn bini ŋɔ, “Korowii ta nɛnloɡle, dɛ yerɔ Adam, asɛ o dɔ mkpa dɛ do le.” Kɛ muŋkaa Adam la te ɛ Korowii doa nɛn dɛɛ tɛ mkpa. Onee Yeesu Kristo.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

2 Kɔrent 6:16

Voɡa ɛɛ wonoo che Korowii Dea a maɡre aa? Ya bwadabii nɔɔ Korowii waa lole saŋ bɛlbwa la dea. Anee Korowii ɡbabir bol la. O bolɔ ŋɔ, “Mɛɛ ba so n nɛra bee, dɛ́ do ba baah, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Galaasia 2:19

A ɡɛ Mmara laanee pili n sie dɛ ɡel n jemɛ waa dɛ chwa o ta teŋa. Mosis Mmara la te be pera te naa, n do kɛŋɔ nɛn waa sewa. N ne Mmara la toole wobɛlbwa bini kpa, ásɛ n won do le tɛ Korowii.

Ɛfesos 2:5

o ir yaa seo la ya wechɔɡa nomanta yaa sewa la ta, dɛ berɛ koh pɛɛ ya ne Yeesu Kristo aa pɛa la waa dɛ tɛ yaa mkpafale. Korowii suna waa sune he nɛɛ la taa a che dɛ lɛ heya.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Mmarare 15:21

Dɛ kondɛɛre la bɛlbwa di kirihiah o nakpala kɛɛ o sibie kɛɛ o bobɛl aa, he bɛ on kpɔ ka ɛ saraha tɛ Korowii.

Mmarare 17:1

Mosis berɔ ŋɔ, “He bɛ nao kɛɛ pee waa di kirihiah kpɔ ka ɛ saraha tɛ Korowii haa dɛ tomɔ nɔ. O kii ɡɛ kwaa la.

Mmarare 31:27

Mosis ŋɔ sɔfore la be ŋɔ, “N jemɛ he lwɛmkpeɡ ne he habɔɔ bera dɛ́ kpo Korowii wa. Hale n ne haa lole n ta sewɛ mɔɔ nɔ, he fa berɛ habɔɔ kpo Korowii. Hɛ́ɛ ɛo ɡwaa ɡɛ n seo habɔɔ.

Mmarare 33:27

Korowii waa lole saŋ bɛlbwa dɛ lɛ heya, o nɔn waa do kpeɡri laanee o kpɔ dɛɛ cha heya. Wɛɛ doŋi he dɔmaa le he sie dɛɛ ŋɔ, “Hé chɔɡ ba!”

Mmarare 5:26

Nɛwɛnyini besoo no Korowii waa lole saŋ bɛlbwa wobol le nii ta kɛ yan, dɛ ta dɔ o nyu dɛ so le nɔ?

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

1 Timoti 1:17

Yá kpɔ duure tɛ Koojen la o Kora dii aa wola jaɡa dɔe, waa wola sewɛ bwa, baa wola won on na, o ɡbo aa ɛ Korowii la, dɛɛ ɡuŋu harɛ fini ne tɔpere bɛlbwa. Aamen.

1 Timoti 3:15

ásɛ dɛ n baa biɡri aa, tɔ́n nɔ baɡle ɡɛ aa chɛ kɛ yá banɔ la Korowii aa kpɔ yaa ɛ o dem tena nɔ so dɛɛ ɛ ya wa. Yanee Korowii waa lole saŋ bɛlbwa la toroma, o kpɔ o kasinteŋ waa la tɛ ŋɔ yá lawɛ a bini kpoŋe kiŋkiŋ, kɛ pila yon lawɛ dea kpoŋe la.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Hibru 10:10

Yeesu Kristo aa ɛ Korowii tetoowaa dɛ kpɔ o bwadabii ɛ saraha kerabeŋkpoŋ a den tonɛ la nomanta, o laa ya bwa wechɔɡa kpɔ ya nɛ, dɛ ɡel ya ɛ Korowii nɛra.

Hibru 10:12

Kerabeŋkpoŋ ɡboo Yeesu Kristo te ɛ nɛwɛnyini wechɔɡa saraha, a den maɡre, aa wola hiaih kɛŋɔ o ɛ bɛl kpa, dɛ ka so nomombɔr Korowii diɡ ta.

Hibru 10:2

Dɛ saraha la fe wono ɡel ba le ba wechɔɡa ta kwaraa naa, ba fe ta a ɛɛ ɡelaa? Dɛ a fe wono dɛɛ fee ba wechɔɡa ba nɛ aa, ba liire fe aa ban ha a waa we ba nɛɛ kpa.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Hibru 11:21

Jekɔb aa dɛ ba sewa la, o swee andɛɛɡa tɛ Josef bii banɛ la bwa. Dɛ o kpoŋe daŋɡbala dɛ pi o ta dɛɛ duu Korowii. Jekɔb aa dɛ yarada Korowii waa o won ɛ anɔ bwa.

Hibru 13:12

Gɛ tentenee Yeesu ɡe na wahala dɛ sewɛ bwɛjen Jerusalam dahara, asɛ dɛ kpɔ o chal dɛ laa doŋa kpɔ nɛwɛnyina nɛɛ ásɛ ba ɛ Korowii nɛra.

Hibru 3:12

Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.

Hibru 6:1

Yaa jemɛ Yeesu Kristo weloɡla la nomanta la, siee a chɛ kɛ yaa kaa, dɛɛ la nomonome bini. Yaa berɛ pa mun bol ɡɛ aa chɛ kɛ ya charɛ liire le ya wechɔɡa aa dɛ kaa ya ne seo ta la ta, ne ɡɛ aa chɛ kɛ ya yarada Korowii dɛ kpɔ ya te tɛo waa kpa.

Hibru 7:16

Nɛwɛnyini sɔfore dii mmara ta laa a che o ɛ Sɔfo. O mkpa aa wola jaɡa dɔe la kpeɡri taa a che o ɛ Sɔfo.

Hibru 7:27

O ta doe kɛŋɔ Lewi dea Sɔfonomonome la baa dɛ ɛ wechɔɡa saraha tɔpere bɛlbwa la. Ba te chɛ kɛ ba tɔ sie ɛ ba ɡbaɡba wechɔɡa saraha mɔɔ dɛ ɛ nɛra la ɡe wechɔɡa saraha. Saraha beŋkpoŋ ɡboo Yeesu ɛ, bɛl ta jae kpa. O kpɔ o te ɡbaɡba ɛ saraha.

Hibru 9:12

Yeesu Kristo jo Korowii Boɡoroŋ Tenten la. Waa jo bela la, boohna ne nabie chal laa o kpɔ jo bela. O ɡbaɡba chalee o kpɔ jo bela, dɛ lɛ yaa ta aa wola jaɡaa dɔ bwa. Kerabeŋkpoŋii o jo bela. A ta hiaih kɛŋɔ o jo bela kpa.

Hibru 9:26

Dɛ bena bɛlbwaa wɛɛ jo bela dɛ kpɔ o te ɛ saraha aa, bena bɛlbwaa o fe ɛɛ ba wahala nae dɛ kpoŋe le harɛ mumpar ba le fini. Kɛ kerabeŋkpoŋ ɡboo o ba harɛ nɔ ta tɔpere tama waa kaa nɔ ta, dɛ ba kpɔ o te ɛ saraha dɛɛ laa nɛra wechɔɡa kpɔ, waa wola ɡɛɛ ɛ kpa.

Hibru 9:7

Dea la bonɛɛte la te la, Sɔfonomoa ɡboo dɛɛ jo o bini. O ɡba kwaraa la, kerabeŋkpoŋ ɡboo wɛɛ jo bela bena bɛlbwa. O ta chal kpoŋaa, waa bela jo. A nee o kaa soŋe o wechɔɡa ne nɛra la wechɔɡa baa ɛa baa wola jemɛ kɛŋɔ ba ɛ wechɔɡa la.

Hibru 9:9

A ɡɛ waa nɔ cheɡɔ dɛ tɛ fini nɔ. A baɡlɔ kɛŋɔ saraha ɛɛ ne konaatena fuih dɛɛ tɛ Korowii aa won ɡel nɛn baa fuh kwaa la dɛɛ tɛo la tea to.

1 Pita 1:19

Yeesu Kristo waa do kɛ saraha pebie doŋa bɛlbwa aa wola toole o nɛ, waa wola kirihiah bobɛlbwa dii la, o ɡbaɡba chal nee Korowii yawɛ heya.

1 Pita 2:22

“O ta wechɔɡa ɛɛ bwa. Nyosonwaa ta o nyoa leɛ bwa.”

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

1 Pita 4:2

Le fini dɛɛ kaa, hé kpɔ Korowii tetoora dɛɛ tɔ sie he soɡa bini harɛ bonɔ. He bɛ kwaa nɛwɛnyina aa dɛ pɛlɛ a ta la nɛɛ dɛɛ teŋɛ kpa.

1 Jɔn 1:7

Korowii waa aa chaahna la, dɛ ya dɛ ɛ ya waa bwa a chaah kɛ on aa, dɛ ya ne yabala pɛo dɛ ɛ beŋkpoŋ. Dɛ Korowii Bie Yeesu chal la laa ya wechɔɡa bɛlbwa dɛɛ kpɔ ya nɛ.

1 Jɔn 3:5

He jemɔ kɛŋɔ Yeesu Kristo ba harɛ nɔ ta, ásɛ dɛ ba laa wechɔɡa kpɔ, dɛ́ tɔ a ŋwɛnɛ. O te, dɛ wechɔɡa toole o nɛ.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

1 Samoɛl 17:26

Anee Devid bɔɔ nɛra baa cheɡɛ o jwɛɛh la ŋɔ, “Dɛ nomɛl wono kpo Filisti baa nɔ dɛ le Israel tena sihiih nɔ ta naa, bɔkwaa wɛɛ ba dɔe yɔ? Umee Filisti te nɔ waa wola Korowii tomɛ, dɛ ɡe won dɛɛ muɡli Korowii waa lole saŋ bɛlbwa laa tena baah nɔɔ?”