10 A ɡɛ waa nɔ bwa ɛ kondiile ne konnyɔɔla ne bwara sarama waa aa ɛ nawee wa. Bwadabii waa a bwa, aa wone ɡel nɛn tea ɛɛ to. Korowiirii kpɔa tɛ o nɛra ásɛ baa teŋɛ a ta dɛ́ ka tel kɛŋɔ o ŋwɛnɛfale la aa bala.
Asɛ men Ɛsekeɛl ŋɔ, “Akai Nemenɛ Korowii, le n bechale saŋ ba le fini, n ta konlale kɛɛ kon olchɔɡa aa kpoo kpɔe leɡe n nyoa bwa. Kondikwaa aa ɛ kii kwaa ta n nyoa joɛ bwa.”
A chɛ kɛ ó ka sɔ nee bɔr waa do ɡoroŋ, dɛ́ berɛ kpɔ laalafala do. Ásɛ dɛ le ka kpɔ o ne Israel tena saraha kwaa baa fuah la fuh, dɛ́ soŋe o ne Israel tena bwa wechɔɡa, ásɛ n kpɔ kɛ ba.
A chɛ kɛ ó do sɔfo laala aa do ɡoroŋ baa kpɔ yapondɛɛɡe nyara. O yapebora waa lawɛ o bwadabi, ne batakaare baa dɛ doo mun ta ne o kiriso, dɛ o yal waa kpɔ vɔwɛ nyu. A do ɡoroŋ nomanta, a chɛ kɛ ó sɔ nee mɔɔ dɛ́ doa.
Taraken nɔ haa jemɛ Korowii nɔ, kɛɛ taraken nɔ Korowii aa jemɛ heyaa nɔ, ɛrɛɛ a ɛ asɛ he berɛ dɛɛ nyin he berɛ habɔɔ, dɛ́ kpɔ he te tɛ kwaa aa wola kpeɡri bɛlbwa dɔe, ne waa aa dɔ wesoma nɔɔ? Ɛrɛɛ he berɛ dɛɛ nyin he kpɔ he te tɛa ásɛ a vɔrɔwe heyaa ja nɔɔ?
O ɡbaɡba bwadabii o kpɔ ɛ ɡɛ dɛ sewɛ dɛ laa Mosis Mmara la laa kpɔ ya nɛ, ásɛ banɔ la baa dɛ teŋɛ a ta la bɛ ba te pere le banɔ la baa wola a ta teŋɛ la nɛ. Onee wona kpɔ ya bwa pɛ, dɛ beɡre yaa ya ɛ nɛmbeŋkpoŋ, dɛkalkɛŋɔ ya bwa ne onee pɛa. Gɛɛ o ɛ dɛ ɡel ya dɔ nyopɛo.
Anomanta, dɛ nomɛlbwa dɛ pwah heyaa kwaa ane haa dɛ di, ne kwaa haa dɛ nyɔ, ne he tɔpejena dii benanyoa ne Korobifala Tɔpejena, ne Ona Tɔpera ta naa, he bɛ on dawɛ.
Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,
He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.
Yaa berɛ bol Korowii nee sɔe wa, ne nɔɔra kpɔe dɛ dawɛ nɛra nɛ, ne ɡɛ lala bwa aa ba ir seo ta, ne ɡɛ Korowii aa ba bol nɛra waa dɛ́ pa bole dɛ́ bɔ ba ba wechɔɡa kem aa wola jaɡaa dɔ waa kpa.