Hibru 8:8 - mzwDBL

⁸ Kɛ Korowii nao kɛŋɔ o nɛra chɔɡ fɔobene la, a waa o ŋɔ, “Saŋ bɛl ɛɛ bao, ásɛ n ne Israel ne Juu tena fɔwɛ fɔofale bɛl.

Hibru 8:8 ပူးပေါင်းရင်းမြစ်များ

Aesaya 55:3

Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.

Jeremia 23:5

Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.

Jeremia 23:7

Tɔpera ane dɛ ba ásɛ nɛra aa n sɔn taa ŋwɛɛ ŋɔ, ‘Korowii waa lole saŋ bɛlbwa, dɛ lawɛ Israel tena le Ijipt harɛ ta kpa.’

Jeremia 30:3

Tɔpera ane dɛ ba, ásɛ n lawɛ n nɛra Israel ne Juda tena le harɛfala ta, dɛ́ berɛ kpɔ ba ba harɛ maa kpɔa tɛ ba naawa ŋɔ ba konee la ta. Men Korowiirii bola.”

Jeremia 31:27

“Men Korowii bolɔ ŋɔ, tɔpera ane dɛ ba ásɛ n ɡel nɛra ne kondɛɛra ba su Israel ne Juda harɛ bwa ta.

Jeremia 31:38

Tɔpera ane dɛ́ ba ásɛ ba berɛ kwaa ma bwɛjen Jerusalam n sɔn ta, dɛ́ le Hananɛl Dejaŋ wee cholibɔr, dɛ́ kaa Loŋkora Doonyoa la ta.

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Ɛsekeɛl 37:26

N ne baa fɔwɛ deŋnesɔɔhna fɔwee o do le saŋ bɛlbwa dɛɛ la. Mɛɛ ɡeloo ba do kpeɡri ba mun ya kohona, ásɛ n kpɔ n Dea la ba cheɡ ba harɛ ta saŋ bɛlbwa dɛɛ la.

Matiu 26:28

Sen nɔɔ cheɡa tɛ n chal maa dɛ ba nɛra kɛrɛdɛ waa koeh dɛ́ fuɡe ta ásɛ Korowii che a ta dɛ́ kpɔ ba wechɔɡa kɛ ba. Á ɛ fɔo dɛ́ chɔ Korowii ne nɛwɛnyini baah ta.

Amanesoma Mak Aa Chwera Tɔn 14:24

Asɛ o ŋɔ ba be ŋɔ, “Sen nɔ cheɡɔ tɛ n chal maa dɛ ba nɛra kɛrɛdɛ waa koeh dɛ́ fuɡe ta. Á ɛ fɔo dɛ chɔ Korowii ne nɛwɛnyini baah ta.

Amanesoma Luk Aa Chwera Tɔn 17:22

Asɛ Yeesu ŋɔ o habɔteŋra la be ŋɔ, “Aa ba tel saŋ bɛlee ásɛ hɛɛ nyin dɛ fe dɔ Men Nɛn Bie la kɛŋɔ n ne haa soɡa tɔpebeŋkpoŋ ɡbo ɡba, kɛ haa ɡɛɛ dɔ.

Amanesoma Luk Aa Chwera Tɔn 22:20

Gɛ tentenee baa di kwaa la tonɛ la, o kpɔ numol ne sen la tɛɛ ba dɛ ŋɔ, “Sen nɔɔ cheɡa tɛ n chal maa dɛ ba he waa koeh dɛ fuɡe ta. Aa ɛ fɔofalee dɛ́ chɔ Korowii ne nɛwɛnyini baah ta.”

Amanesoma Luk Aa Chwera Tɔn 5:38

Senfala chɛ loŋfala.

1 Kɔrent 11:25

Baa dia tonɛ la, o laa numol ne sen ane kpɔ, dɛ ŋɔ, “Sen nɔɔ cheɡa dɛ tɛ n chal. Aa ɛ fɔofalee dɛ́ chɔ Korowii ne nɛwɛnyina baah ta. Hɛ́ɛ nyɔ dɛ́ kpɔ dɛɛ lii mɛ.”

2 Kɔrent 3:6

Korowii ɡelɔ ya won dɛɛ ɛ o fɔofale la toma. A ɡɛ fɔofale nɔ ta mmara baa chwera waa ɛɛ, Korowii Domadɛɛɡe waa. Mmara baa chwera la dɛ ba seo ne, kɛ Korowii Domadɛɛɡe la te dɛ ba mkpa ne.

Mmarare 29:14

He nɛra haa cheɡɛ bonɔ ɡbo waa laa Korowii ne he fɔwɛ fɔo o ŋwɛɛ ntam la.

Hibru 12:24

Yeesu bee he ba. On cheɡɛ nɛwɛnyini ne Korowii baah ta dɛ fɔwɛ fɔofale la. Bela waa kpɔ o chal merɛ laanee he ba. O chal soŋe wedɛɛɡa dɛɛ tɛ yaa. A ta do kɛŋɔ Ebel chal aa ba taahna ne la.

Hibru 7:22

A ɡelɔ Yeesu ɛ ajinamuu te, ásɛ nɛwɛnyina nyiŋi dɛ́ na fɔofale Korowii aa fɔwa dɛ tɛ yaa la wera waa wera dɛ ɡwaa ombene la.

Hibru 8:13

Korowii aa dɛ bol fɔofale waa nɔ, onloɡle la berɛ ombene. Waa berɛ ombene nɔ, o kpeɡri tonɔ, wɛɛ ba nyoɡra.

Hibru 8:6

Taraken nɔ, ba tɛ Yeesu sɔfore toma o ɡwaa harɛ bonɔ sɔfore. Fɔofale la waa cheɡɛ nɛwɛnyini ne Korowii baah ta dɛ fɔwɛ la ɡe ɡwaa ombene la, dɛkalkɛŋɔ a cheɡɛ Korowii nyobaɡa aa do wer la ta.

Hibru 9:15

Yeesu cheɡɔ tɛ nɛwɛnyini ne Korowii baah ta taraken dɛ fɔwɛ fɔo dɛ tɛ nɛwɛnyini ne Korowii, ásɛ nɛra Korowii aa lee ba ŋɔ ba ɛ o nɛra la won dɔ kwaa waa baɡ ba nyoa la saŋ bɛlbwa dɛɛ la. Baa wonoo dɔa saŋ bɛlbwa dɛɛ la, dɛkalkɛ wechɔɡa ba fa aa dɛ ɛ fɔobene la ta la, Yeesu Kristo aa baa sewɛ la, o bɔ a kem. O sewɔ ásɛ ba wechɔɡa la bɛ won dɔ kpeɡri ba nɛɛ kpa.