Hibru 8:5 - mzwDBL

⁵ Ba sɔfore toma baa dɛ ɛ la, chaaraa baa chaa ɡɛ baa dɛ ɛa Korowii doa la. A tenten laa. A waa Mosis fa aa dɛ ba Korowii Tɛnte Dea baa dɛ tomɔ o bini la ɛɛ la, Korowii ŋɔ o be ŋɔ, “Nyiŋi dɛ ɛ komɛlbwa kɛrɛdɛ kɛŋɔ maa baɡle bwe la doa la.”

Hibru 8:5 ပူးပေါင်းရင်းမြစ်များ

1 Webena 28:12

O kpɔ ɡɛ dea la mar aa dɛ ba doe tɛo ɡɛ Korowii Doma la aa kpɔa do o liire bini. O dembaahna ne deene aa baro baa kpɔ laala a yoɡ aa kpeɡa, ne koŋkɛɛla baa kpɔa baa tɛ Korowii dɛɛ cheɡ a bini bwa.

1 Webena 28:19

Kooro Devid ŋɔ, “Anɔ bwa, Korowiirii tɛ mɛ ɡɛ o Dea la mar aa doa wejema, n won no a mun, dɛ chwera bil.”

Kaala 25:40

Nyiŋi kɛrɛdɛ dɛ́ ɛa ɡɛ tenten maa baɡle bwejen la doa la.”

Kaala 25:9

Gɛ maa baɡle heyaa hé ɛ Tɛnte Dea ne o dor ne o bini kwaara la, ɡɛ tentenee chɛ kɛŋɔ he ɛo.

Kaala 26:30

Gɛ maa chaɡle bwejen la doa laanee chɛ kɛŋɔ he baŋre n Tɛnte Dea la.

Kaala 27:8

Daa chɛ kɛ he kpɔ kwaa saraha kon la, dɛ́ ɡel o bini chɔ bɔɔ ɡɛ tenten maa chaɡle bwejen la doa la.

Nɛra Kura 8:4

Gɛ baa ɛ kandea daa la, suuɡaswɛm ɡbosoo nee ba loɡɔ, le o mun ta kaa o numoli aa do kɛ daa fee la ta. Gɛ tenten Korowii aa baɡle Mosis laanee o ɛo.

Matiu 2:12

Baa dɛ ba kaala la, Korowii cheɡɛ deera ta dɛ ja ba ŋɔ ba bɛ Hɛrɔd be la kpa, asɛ ba berɛ che ŋwɛnɛfale ta kaa ba bwɛ.

We-ɛɛla 7:44

Ya naawa aa lɔ pua hɛŋle ɡbo harɛ ta la, dɛ ba dɔ tɔne ane baa dɛ baŋra kɛŋɔ dea ken, asɛ a ɡɛ dea la ɛ Korowii Dea Cheremibɔr. Gɛ Korowii aa baɡle Mosis laanee ba kwaaro.

Kolosi 2:17

A ɡɛ waa nɔ fa tɔ sie chiɡ dɛɛ baɡle waa aa dɛ ba ɛɛ kerekere la kɛŋɔ nɛn lileo aa tɔ o sie, waa wola o ɡbaɡba ɛɛ la. Yeesu Kristo waa la aa bala la, anee waa la tenten.

Hibru 10:1

Tɔe Mosis Mmara la tɔ wedɛɛɡa a fa aa lɔ sie dɛɛ ba bala la sie dɛ che tɛa. A fa ta wedɛɛɡa la tenten ɛɛ kɛŋɔ nɛn lileo aa wola o ɡbaɡba ɛɛ la. Anomanta, saraha Mmara la aa ɡela baa ɛ bena bɛlbwa la aa won ɡel nɛra baa dɛ ba a ne la ɛ nɛndɛɛɡa ka tonɛ.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Hibru 13:10

Juu tena sɔfore baa dɛ ɛ toma Korowii Tɛnte Dea bini la ta ŋwɛnɛ dɔe kɛŋɔ ba di ya saraha kwaa yaa dɛ di la ane.

Hibru 9:9

A ɡɛ waa nɔ cheɡɔ dɛ tɛ fini nɔ. A baɡlɔ kɛŋɔ saraha ɛɛ ne konaatena fuih dɛɛ tɛ Korowii aa won ɡel nɛn baa fuh kwaa la dɛɛ tɛo la tea to.

Josua 22:28

Asɛ ya ŋɔ, ‘Dɛ ba baa bɔɔ ya ne ya naanar aa, yaa ŋɔɔ, “Hé na kon baa dɛ ɛ saraha o ta dɛɛ tɛ Korowii ya naawa aa maa la siwi. Kwaa fuih kɛɛ kwaa kpoora o ta dɛɛ tɛ Korowii waa laa ba mao, kɛ o ɛ ya ne he baah danseɛ kon.” ’

Wepila 15:5

Anɔ habɔɔ la, n berɔ na Korowii Dea waa lɔ nyundua la baa pilu cheɡ. Korowii Dea Cheremibɔr baa baŋro wɛɛ baɡle kɛŋɔ Korowii lɔ o nɛra bini laanee.