Hibru 8:1 - mzwDBL

¹ Waa yaa dɛ bol laanee kɛŋɔ ya dɔ Sɔfonomoa. O soɡe nomombɔr Korowijen kookara la jwɛɛh nyundua.

Hibru 8:1 ပူးပေါင်းရင်းမြစ်များ

1 Webena 29:11

Henee kana dɛ do kpeɡri, dɛ dɔ jirima dɛ dɔ sɔn kohona, dɛkalkɛ kwaa aa lɔ nyundua ne harɛ bwa ɛ he kwa. Henee dɛɛ di kora, dɛ ɡwaa nomɛlbwa.

Job Tɔn 37:22

Korowii jirima le weekaŋle nyunduabɔr dɛɛ ba kɛ suuɡaswɛm, ya na o jirima waa kana la dɛɛ ɔmɛ.

Yela 104:1

N dɛ kpɛɛ Korowii n bambile bwa ne, Korowii maa dɛ tomɛ, he kan kohona! He kpɔ he kan ne he jirima tɔ kɛŋɔ yal ken,

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Yela 145:12

ásɛ nomɛlbwa jemɛ he wejena haa dɛ ɛ, ne jirima he kora aa dɔa wa.

Yela 21:5

He chao o pɔ o dɔma nɛ, dɛ ɡel o ɛ nɛnjen, dɛ tɛo sɔn o dɔ jirima kohona.

Aesaya 24:14

Nɛra baa dɔ ba nyu la ɛɛ ɡo yela silɛɛ nee. Banɔ la baa lɔ wee cholibɔr ɛɛ baɡle jirima Korowii aa dɔa.

Maeka 5:4

O balaa, wɛɛ nyiŋi o nɛra nɛɛ kɛ peteɡre, Korowii kpeɡri ne o sɔn waa kana ne, ásɛ o nɛra bwara sɔɔh ba. Harɛ nɔ ta nɛra bwa ɛɛ na kan Korowii aa doa ɡɛ saŋ.

Amanesoma Mak Aa Chwera Tɔn 16:19

Ya Dɔɔ Yeesu aa bol waa ba be tonɛ la, Korowii kpɔɔ kaa nyundua, o ka so nomombɔr o diɡ ta.

Ɛfesos 6:20

Maa ɛ Yeesu nachiɡe dɛɛ bol Amanesoma nɔ ba koh a waa do mɛ dea nɔ. Hɛ́ɛ soŋe Korowii ásɛ n ta dɔ bambile dɛɛ baɡla ɡɛ aa chɛ kɛ mɛɛ baɡla.

Kolosi 3:1

Dɛ he ne Yeesu Kristo bwaa pɛa ir seo ta te naa, amɔ te hé swɛɛ siwi dɛ́ ɡel he bambile che kwaa aa lɔ nyundua la ta. Belaa Yeesu do dɛ so nomombɔr Korowii diɡ ta.

Hibru 1:13

Korowii ta nyundua toroma la bɛlbwa be ŋɔe ŋɔ, “So nomombɔr n diɡ ta ka tel kɛŋɔ maa ba he dɔma ne harɛ he tiɡri ba nɛ.”

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Hibru 10:12

Kerabeŋkpoŋ ɡboo Yeesu Kristo te ɛ nɛwɛnyini wechɔɡa saraha, a den maɡre, aa wola hiaih kɛŋɔ o ɛ bɛl kpa, dɛ ka so nomombɔr Korowii diɡ ta.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

Hibru 4:14

Ya dɔ Sɔfonomonjen waa wona la Korowii sie tenten. Onee Korowii Bie Yeesu la. Anomanta, hé ɡel ya lawɛ o waa la yaa dɛ yarada la bini kpoŋe kiŋkiŋ.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.