Hibru 7:7 - mzwDBL

⁷ Ya bwa jemɔ kɛŋɔ nomoaa sweera dɛɛ tɛ bechala.

Hibru 7:7 ပူးပေါင်းရင်းမြစ်များ

Mumpar 49:28

Gɛɛ Israel deene fi dɛ anɛ la waa do. Gɛɛ ba mɛɛ Jekɔb bol ɡɛ saŋ waa sweera tɛɛ ba la.

2 Samoɛl 6:20

A habɔɔ Kooro Devid aa kaa dem dɛ ka soŋe andɛɛɡa tɛ o dem tena la, Kooro Sɔɔl bihaah Mikal leɔ ba chemo dɛ ŋɔ, “Na ɡɛ Israel kooro aa lɛ sɔn tɛ o te fini ɡɛ. O ɛ o te kɛ ɡɛne dɛɛ sa o bitoli sie!”

1 Koranar 8:55

dɛ kpɔ takpeɡ swee andɛɛɡa tɛ Israel tena baa chema la bwa dɛ ŋɔ,

2 Webena 30:27

Sɔfore ne Lewi dea tena la iro, dɛ swee andɛɛɡa tɛ nɛra la, asɛ Korowii no ba wesoŋa le nyundua dɛ ɛ tɛɛ ba.

2 Kɔrent 13:14

Yá Dɔɔ Yeesu Kristo na he sum dɛɛ cha heya, Kórowii baɡle o nyina he nɛ, ásɛ Kórowii Domadɛɛɡe la ne he bwa pɛ.

Mmarare 32:1

Waa aa lɔ Mosis yel la bini laanee nɔ. “Nyundua ne harɛ hé no n be, hé cheɡ deŋne dɛ́ no waa maa dɛ ba bola nɔ.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Hibru 7:6

Lewi dea laa Mɛlkesɛdɛk le. Kɛ Abraham ɡe bɔne o kwaa bini bɔre fi, dɛ kpɔ bɔrbeŋkpoŋ tɛo, asɛ Mɛlkesɛdɛk swee andɛɛɡa tɛ o kwaraa Korowii aa baɡɔ nyoa la.

Hibru 7:8

Lewi luɡe ta sɔfore baa dɛ lɛ kwaa fi bɛlbwa bɔrbeŋkpoŋa la, ba dɛ sewɛ. Mɛlkesɛdɛk te aa lɛa la, Korowii Tɔn baɡlɔ kɛŋɔ o lole saŋ bɛlbwa.