Hibru 7:27 - mzwDBL

²⁷ O ta doe kɛŋɔ Lewi dea Sɔfonomonome la baa dɛ ɛ wechɔɡa saraha tɔpere bɛlbwa la. Ba te chɛ kɛ ba tɔ sie ɛ ba ɡbaɡba wechɔɡa saraha mɔɔ dɛ ɛ nɛra la ɡe wechɔɡa saraha. Saraha beŋkpoŋ ɡboo Yeesu ɛ, bɛl ta jae kpa. O kpɔ o te ɡbaɡba ɛ saraha.

Hibru 7:27 ပူးပေါင်းရင်းမြစ်များ

Ɛsekeɛl 43:19

A chɛ kɛ he lawɛ nabale ɛ wechɔɡa kpɔe dɛ kɛ saraha tɛ Lewi dea tena baa ɛ sɔfore dɛ ɛ Sadɔk naanar. Banee dɛɛ ba n sie dɛ baa tom mɛ. Men Nemenɛ Korowiirii bola.

Lewi Dea Tena 16:11

Arɔn chɛ kɛ ó lawɛ nabale la waa kpɔ ba ɛ o ɡbabir wechɔɡa kpɔe dɛ kɛ saraha, dɛ́ soŋe o ne o dem tena wechɔɡa name, dɛ́ teŋe o baŋa, dɛ́ kpɔ ɛ wechɔɡa kpɔe dɛ kɛ saraha la.

Lewi Dea Tena 16:15

A habɔɔ la, ó kpɔ booh la, dɛ́ kpo ɛ wechɔɡa kpɔe dɛ kɛ saraha tɛ nɛra la, dɛ́ kpɔ o chal la ba pateesan la habɔɔ, dɛ́ ɛa ɡɛ tenten waa ɛ nao la chal la. Ó merɛ ane N Ne Nɛwɛnyina Fɔo Daka tɔ la ta, dɛ́ merɛ ane ɡe o sie bela.

Lewi Dea Tena 16:6

Árɔn tɔ sie kpɔ nabale la ba ó ɛ wechɔɡa kpɔe dɛ kɛ saraha, dɛ́ kpɔ soŋe o ne o dem tena wechɔɡa, ásɛ n kpɔ kɛ ba.

Tɔn Pɔɔl Aa Chwerɛ Rom Tena 6:10

O seo waa sewa la, kerabeŋkpoŋii o sewɛ dɛ pɔ kpeɡri wechɔɡa aa dɔa la nɛ. Taraken soɡa waa soɡa nɔ, o soɡoo tɛ Korowii.

Ɛfesos 2:22

Pɛɛ he ne waa pɛa la nomanta, he ɡba ja dea la Korowii aa dɛ ma o ɛ o dobɔr la ta. O Domadɛɛɡe la aa soɡe he nɛɛ la nomanta, he ɛ o dobɔr.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Hibru 5:1

Sɔfonomoa bɛlbwa waa dɛ ɛ toma Korowii Dea la, o dɔŋa nɛwɛnyini binii ba yon leo, dɛ kpɔɔ ŋɔ ó ɛ Korowii toma dɛɛ tɛɛ ba, dɛ́ kpɔ jam kwaa dɛɛ tɛ Korowii, dɛ́ kpo kondɛɛra dɛ́ fuah dɛɛ tɛo ba wechɔɡa wa.

Hibru 5:3

Gɛ o yon kpo kwaa ɛ saraha dɛɛ tɛ nɛra ba wechɔɡa waa la, ɡɛɛ wɛɛ ba ɛɛ dɛɛ tɛ o tenten, dɛkalkɛŋɔ o ɡba ɡe dɛ ɛ wechɔɡa.

Hibru 8:4

Dɛ o fe lɔ harɛ bonɔ naa, o fe aa Sɔfo ɛɛ ba, dɛkalkɛŋɔ sɔfore lɔ harɛ ta dɛɛ ɛ saraha ɡɛ Mosis Mmara aa baɡla la.

Hibru 9:12

Yeesu Kristo jo Korowii Boɡoroŋ Tenten la. Waa jo bela la, boohna ne nabie chal laa o kpɔ jo bela. O ɡbaɡba chalee o kpɔ jo bela, dɛ lɛ yaa ta aa wola jaɡaa dɔ bwa. Kerabeŋkpoŋii o jo bela. A ta hiaih kɛŋɔ o jo bela kpa.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Hibru 9:25

A ta hiaih kɛ o teŋɛ dɛɛ jo Boɡoroŋ Tenten la dɛ́ kpɔ o te ɛ saraha bena bɛlbwa ɡɛ Juu tena Sɔfonomoa aa dɛ jo ba kon ta chal aa wola o ɡbaɡba bwara chal ɛɛ ne la.

Hibru 9:26

Dɛ bena bɛlbwaa wɛɛ jo bela dɛ kpɔ o te ɛ saraha aa, bena bɛlbwaa o fe ɛɛ ba wahala nae dɛ kpoŋe le harɛ mumpar ba le fini. Kɛ kerabeŋkpoŋ ɡboo o ba harɛ nɔ ta tɔpere tama waa kaa nɔ ta, dɛ ba kpɔ o te ɛ saraha dɛɛ laa nɛra wechɔɡa kpɔ, waa wola ɡɛɛ ɛ kpa.

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

Hibru 9:7

Dea la bonɛɛte la te la, Sɔfonomoa ɡboo dɛɛ jo o bini. O ɡba kwaraa la, kerabeŋkpoŋ ɡboo wɛɛ jo bela bena bɛlbwa. O ta chal kpoŋaa, waa bela jo. A nee o kaa soŋe o wechɔɡa ne nɛra la wechɔɡa baa ɛa baa wola jemɛ kɛŋɔ ba ɛ wechɔɡa la.