Hibru 7:22 - mzwDBL

²² A ɡelɔ Yeesu ɛ ajinamuu te, ásɛ nɛwɛnyina nyiŋi dɛ́ na fɔofale Korowii aa fɔwa dɛ tɛ yaa la wera waa wera dɛ ɡwaa ombene la.

Hibru 7:22 ပူးပေါင်းရင်းမြစ်များ

Mumpar 43:9

Mɛɛ cheo tɛ wobɛlbwa. Dɛ n ta o ne balɛ ba tɛɛ naa, bɔɔ mɛ. Dɛ n ta o ne balɛ sɔnɔnɔɔ ba tɛɛ naa, n nɛɛ wobɛlbwa dawɛ.

Mumpar 44:32

Anɔ la aa jaa laanee kɛŋɔ, n lɛ bie nɔ waa dawɛ n nɛ. N baɡɛ n mɛɛ nyoa kɛŋɔ dɛ n ta o ne balaa, menee waa dawɛ n nɛ n soɡa bini bwa.

Yela 119:122

Nyiŋi men maa ɛ he bonɔɔ nɛɛ kɛrɛdɛ, bɛ men ɡel tɛ mbarafo tena bá fiɡ mɛ.

Sɛɡla 20:16

Nomɛl di hɔɔh ajinamuu he be naa, lɛ o yal cheɡ, dɛ naate ta he bini bɛl ɛɛ yaa, lɛ o komɛl cheɡ awɔba.

Sɛɡla 6:1

N bie, a balɔ kɛŋɔ he di ajinamuu tɛ he dɔŋ, dɛ he baɡɛ nyoa waane ta tɛ nomɛl aa,

Aesaya 38:14

N wio n taa do jeɡaa kɛŋɔ kweah aa dɛ si ken. N ha sie nyiŋi nyundua dɛ ba koh. N Naa Korowii, ba lɛɛ mɛ le n wenaale bwa maa dɛ na nɔ ta.

Daneɛl 9:27

Nomoa la ne nɛra baa wara ɛɛ fɔwɛ fɔwee bene anuanɛ. Bene anuanɛ la baah ta la, wɛɛ ɡeloo ba ɡel kwaa baa kpoora dɛɛ ɛ saraha, ne koŋkɛɛla baa dɛ ba a ne Korowii Dea la ne bala. Ásɛ o kpɔ konchɔɡechɔɡe waa dɛ paɡre bwɛɛ la ka pa Korowii Dea doa bobɛl waa do jaŋne kaa nyundua, ásɛ o do bela ka tel kɛŋɔ chɔɡa aa dɛ ba o nɛɛ bala aa bala, ɡɛ Korowii aa bola la.”

Matiu 26:28

Sen nɔɔ cheɡa tɛ n chal maa dɛ ba nɛra kɛrɛdɛ waa koeh dɛ́ fuɡe ta ásɛ Korowii che a ta dɛ́ kpɔ ba wechɔɡa kɛ ba. Á ɛ fɔo dɛ́ chɔ Korowii ne nɛwɛnyini baah ta.

Amanesoma Mak Aa Chwera Tɔn 14:24

Asɛ o ŋɔ ba be ŋɔ, “Sen nɔ cheɡɔ tɛ n chal maa dɛ ba nɛra kɛrɛdɛ waa koeh dɛ́ fuɡe ta. Á ɛ fɔo dɛ chɔ Korowii ne nɛwɛnyini baah ta.

Amanesoma Luk Aa Chwera Tɔn 22:20

Gɛ tentenee baa di kwaa la tonɛ la, o kpɔ numol ne sen la tɛɛ ba dɛ ŋɔ, “Sen nɔɔ cheɡa tɛ n chal maa dɛ ba he waa koeh dɛ fuɡe ta. Aa ɛ fɔofalee dɛ́ chɔ Korowii ne nɛwɛnyini baah ta.”

1 Kɔrent 11:25

Baa dia tonɛ la, o laa numol ne sen ane kpɔ, dɛ ŋɔ, “Sen nɔɔ cheɡa dɛ tɛ n chal. Aa ɛ fɔofalee dɛ́ chɔ Korowii ne nɛwɛnyina baah ta. Hɛ́ɛ nyɔ dɛ́ kpɔ dɛɛ lii mɛ.”

Hibru 12:24

Yeesu bee he ba. On cheɡɛ nɛwɛnyini ne Korowii baah ta dɛ fɔwɛ fɔofale la. Bela waa kpɔ o chal merɛ laanee he ba. O chal soŋe wedɛɛɡa dɛɛ tɛ yaa. A ta do kɛŋɔ Ebel chal aa ba taahna ne la.

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Hibru 7:23

Anɔ la aa jaa laanee kɛŋɔ dɛ Lewi dea sɔfore la dɛ serewe. Anomanta, a ɡelɔ nɛra baa di sɔfore la warɛ.

Hibru 8:13

Korowii aa dɛ bol fɔofale waa nɔ, onloɡle la berɛ ombene. Waa berɛ ombene nɔ, o kpeɡri tonɔ, wɛɛ ba nyoɡra.