Hibru 6:9 - mzwDBL

⁹ N dandɛɛɡa, yaa dɛ bol anɔ bwa nɔ, he te la, he wa aa yaa ɡwaŋɛ. Ya jemɔ kɛ he we-ɛɛla ɛɛ do werii a baɡle kɛŋɔ Korowii lɛ heya.

Hibru 6:9 ပူးပေါင်းရင်းမြစ်များ

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Amanesoma Mak Aa Chwera Tɔn 16:16

Nomɛlbwa waa yarada ásɛ ba sɔɔ nee la, Korowii ɛɛ kpɔ o wechɔɡaa kɛo. Kɛ naate waa wola yaradae la, wɛɛ di bolchɔɡee.

We-ɛɛla 11:18

Baa no ɡɛ la, ba nyoa sɔɔhnɔ, asɛ ba jam Korowii dɛ ŋɔ, “Amɔ te Korowiirii tɛ nɛra baa wola Juu tena ɛɛ la ɡe ŋwɛnɛ, ásɛ ba charɛ ba liire, dɛ́ le ba wechɔɡa ta, dɛ́ dɔ ba nyu!”

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

1 Kɔrent 10:14

Anomanta, n daamanar, hé laa he te kpɔ voɡa waa ta.

2 Kɔrent 12:19

Yaa dɛ ŋɔ ken nɔ, he dɛ lii kɛŋɔ ya sɔnee yaa kwaa he be kɛɛ? Akai! Korowii siee yaa bola, pɛɛ ya ne Yeesu Kristo aa pɛa la nomanta. Yabala, wobɛlbwa yaa bol la, he wer waa yaa bola, ásɛ he won che kiŋkiŋ.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

2 Kɔrent 7:10

Nɛwɛnyini tea bini chɔɡɔ ɡɛ Korowii aa dɛ nyin kɛ wɛɛ ɛ aa, a ɡelɔ wɛɛ charɛ o liire. A ɡɛ waa nɔɔ dɛɛ ba Korowii mkpa ne. Anomanta, a ta chɛ kɛ ya ɡel ya tea bini chɔɡ a ta. Kɛ harɛ bonɔ tebinichɔɡ te, seo nee aa ba.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Hibru 10:34

He na nɛra baa do ba dea la sum, dɛ cha ba ba wahala nae ta. Ba lɛ he kwaa haa dɔa bwa, kɛ he sie ta kie. He sie lɛo, dɛkalkɛŋɔ he jemɔ kɛ he dɔ komɛl waa wola jaɡa dɔe dɛ ɡwaa anɔ la haa paŋa la.

Hibru 10:39

Ya ta nɛra baa dɛ le habɔɔ dɛɛ nyoɡre la ɛɛ. Nɛra baa dɛ yarada dɛɛ dɔ mkpa laanee yan.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.

2 Pita 3:1

N dandɛɛɡa, tɔn nɔɔ n tɔn nɛɛte maa chwerɛ heya. N tɔne anɛ nɔ bwa bini la, n dɛ lii heyaa ásɛ he do wɔrɔbe waa nɔ ta, dɛ́ dɔ tepoŋ.

1 Jɔn 2:7

Yabala, waa nɔ maa dɛ chwerɛ heyaa nɔ ta wefala ɛɛ. Webena la yaa baɡle heyaa le mumpar la, anee ta.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.