Hibru 6:8 - mzwDBL

⁸ Kɛ dɛ harɛ bɛlbwa le kpɔɡa ne sɔɔhne aa, o ta tɔnɔ dɔe. O cheɡɛ Korowii taahna nyoa. Baa fuuh.

Hibru 6:8 ပူးပေါင်းရင်းမြစ်များ

Mumpar 4:11

N taahne, dɛ doŋi le harɛ nɔ ta, haa won parɛ o ta kpa, he nime haa kpoo la nomanta.

Mumpar 5:29

dɛ pa o sɔn Nowa dɛ ŋɔ, “Bie nɔɔ dɛ́ ba tɛ yaa bosɔɔhna, dɛ́ lɛ yaa le Korowii taahna waa taah harɛ nɔ dɛ ɡel yaa koh ya tomare ta la ta.”

2 Samoɛl 23:7

Buni kon kɛɛ lampeaa chɛ kɛ nɛn won kpɔ lawa, ásɛ a fuh kwaraa.”

Job Tɔn 31:40

ate Korowii ɡel mea a fe aa le la, jabalnadaŋɛre le chiɡ a naa ta, ane ɡe soo siwi aa le la, kpɔɡa le chiɡ a naa ta.” Job nyoa wobol la chiɡo.

Yela 107:34

dɛ ɡel harɛ waa wera berɛ harɛ komɛlbwa aa wola won do wer o ta, nyubinikpeɡ tena ba fa aa soɡe bela la wa.

Aesaya 27:4

N baah ta daa koo nɔ waa cheɡa tɛ n nɛra la nɛɛ dii, kɛ dɛ jabalnadaŋɛre ne sɔɔhne aa cheɡa tɛ ba dɔma, leɔ dɛ tɔ ba nɛɛ tenaa, mɛɛ jo ba binii dɛ́ chɔɡ ba.

Jeremia 17:6

Naate ɛɛ doo kɛŋɔ dajeɡa waa cheɡɛ pua hɛŋle ɡbo harɛ ta. Wobɛlbwa aa werii do tɛo. Harɛ waa hola dɛ peɡri, nomɛlbwa aa wola won so o ta, komɛlbwa ɡe aa wola won kpeɡ o ta la, o taa wɛɛ ba cheɡa.

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Ɛsekeɛl 20:47

Bol kɔr la be ŋɔ men Nemenɛ Korowii ŋɔ, ‘Cheɡ deŋne dɛ no! N dɛ ba ɡela nii ba fuih, ásɛ dɛ chɔɡ he daa bwa, anɔ la aa hola ne anlwɛɛne bwa. Nomɛlbwa toole dɛ́ won dime nii la. Aa le weekaŋle harɛbɔree dɛ́ fuh ba kaa weekaŋle nyunduabɔr, ásɛ a nyaa nomɛlbwa.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Matiu 3:10

He do kɛŋɔ daa. Daa bɛlbwa waa wola nɔndɛɛɡa nɔnɛ la, baa teŋoo ta dɛ́ fuuh. Gɛɛ Korowii ɡe ɡɔɔ o kpanfɛ nɛra baa wola ba liire charɛ la nɛɛ dɛɛ ba ba teŋna ta, dɛ́ kpɔ ba do nii ta bá fuh.

Matiu 7:19

Daa bɛlbwa waa wola nɔndɛɛɡa nɔnɛ la, baa teŋo ta dɛ́ fuuh.

Amanesoma Mak Aa Chwera Tɔn 11:14

Belaa Yeesu taah fiɡ daa la ŋɔ, “Nomɛlbwa aa he nɔna dii ba kpa bwa.” Waa ŋɔ ɡɛ la, o habɔteŋra la noɔ.

Amanesoma Mak Aa Chwera Tɔn 11:21

Belaa Pita lii ɡɛ aa ɛa mɔɔ daa la sewɛ la, dɛ ŋɔ Yeesu be ŋɔ, “Nomoa, na. Fiɡ daa la haa taahno la sewɔ!”

Amanesoma Jɔn Aa Chwera Tɔn 15:6

Dɛ he bɛlbwa ta o te kpɔe pɛl mɛ naa, wɛɛ ɛo kɛŋɔ daa kpale baa teŋo ta asɛ o hol la. Kpala aa do ken la, pae ba paa dɛɛ do nii ta, aa fuh.

Mmarare 29:28

Bandia kohona nee Korowii ir ba le ba harɛ ta, dɛ ba taɡ ba ta hɔɔhra harɛ ta, ba ta do bela ba le fini la.’

Hibru 10:27

Ɔmee taa yaa ba soɡa dɛɛ kpa Korowii Tɔpere waa dɛ ba nɛra waa bola dɛ́ pa bole, dɛ do banɔ la baa cheɡɛ o nɛɛ wechɔɡa nii aa dɛ lawɛ kohona la ta.

Hibru 12:17

He nao kɛŋɔ waa bera baa nyin kɛŋɔ o mɛɛ swee tɛo ɡɛ baa sweera dɛɛ tɛ binomoa la, o ta ɡɛ dɔe kpa. O siwi swɛɛrɔ wɛɛ nyin o dɔ ɡɛ a fe aa chɛa kɛ o dɔ, hale dɛ wi. Kɛ waa o ɡbaɡba aa ɛa la, o ta wone bera a do ɡɛ a fa aa doa kpa.

Wepila 20:15

Nomɛlbwa baa nyiŋi Mkpa Tɔn la bini dɛ nyin o sɔn kahonɛ la, dɛ ba kpɔɔ ka ta nii la ta.