Hibru 6:6 - mzwDBL

⁶ Anɔ bwa habɔɔ la, ba ɡel Korowii waa ba fa aa dɛ yarada la! A kpeɡri kɛ ba charɛ ba liire dɛ́ le ba wechɔɡa ta dɛ berɛ ba yaradao, dɛkalkɛŋɔ ba kaa ɛ kɛŋɔ baa kwaara kpaa Korowii Bie la dɛɛ pɛl o daɡaɡre ta, dɛ ɡel sihiih kpoo nɛra baah ta. Ba ɛo dawɛ ba nyu ta.

Hibru 6:6 ပူးပေါင်းရင်းမြစ်များ

Yela 51:10

N Naa Korowii, ɡel n bambile bini to, dɛ́ tɛ mɛ dadɛɛɡe.

Aesaya 1:28

Nɛra baa kpaŋe o nɛ, ne wechɔɡ-ɛɛra la, wɛɛ pɛo chɔɡ ba bwa. Asɛ nɛra ba ɡe aa vɛoh la, ó kpoo ba ɡe.

Matiu 19:26

Yeesu ha sie nyiŋ ba dɛ ŋɔ, “Nɛwɛnyini bee a do kpeɡri, kɛ Korowii be te, wobɛlbwa aa kpeɡe.”

Amanesoma Luk Aa Chwera Tɔn 11:48

Kwaa haa maa chɔŋre Korowii keamere la ŋwama la ta la baɡlɔ kɛŋɔ he ɡbabir sɛh waa he naawa aa ɛa la ta.

2 Timoti 2:25

dɛɛ baɡle nɛra o ne ba liire aa wola beŋkpoŋ ɛɛ la waa taa ne. Bɛl lole naa, Korowii ɛɛ na ɡɛ nɛra la sumii, dɛ́ ɡel ba charɛ ba liire, ásɛ ba won jemɛ kasinteŋ waa la,

Hibru 10:26

Korowii aa pili ya sie ya jemɛ o kasinteŋ nɔ, dɛ ya ta saahnɔ do wechɔɡa ta dɛɛ ɛ aa, saraha bɛlbwa toole bobɛlbwa dɛ fee ya wechɔɡa ya nɛɛ kpa.

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 4:14

Ya dɔ Sɔfonomonjen waa wona la Korowii sie tenten. Onee Korowii Bie Yeesu la. Anomanta, hé ɡel ya lawɛ o waa la yaa dɛ yarada la bini kpoŋe kiŋkiŋ.

Hibru 6:4

Nɛra baa yarada Korowii waa ka la, ɛrɛɛ bá ɛ dɛ charɛ ba liire dɛ́ le ba wechɔɡa ta dɛ berɛ yaradao jaɔ? Korowii chaah ba sie o waa nɔ ta ka, asɛ ba na Korowii doa koŋkɛɛle la som la bɛl, asɛ dɛ tɛɛ ba o Domadɛɛɡe la ka.

2 Pita 2:21

Dɛ ba fe ta Korowii ŋwɛnɛtoɡre la waa noɛ ka aa, a fe bɔ ba nɛɛ dɛ ɡwaa kɛŋɔ baa jemɛ Korowii ŋwɛnɛ la dɛ vɛh waa o ɡbaɡba aa ŋɔa báa ɛ la ɛɛ.

1 Jɔn 5:16

Dɛ he na he dɔŋ wɛɛ ɛ wechɔɡa aa, soŋe Korowii tɛo. Wɛɛ tɛo mkpaa. N ŋɔ ɡɛ naa, banɔ la baa wola seo wechɔɡa ɛɛ laanee n ŋɔ hé soŋe tɛ. Wechɔɡa ane lole, dɛ he ɛa aa, a chɛ kɛŋɔ hé sewɛ. N ta ŋɔe ŋɔ hé soŋe Korowii tɛ nɛn a te bɔr.