Hibru 6:20 - mzwDBL

²⁰ Yeesu aa ɛ Sɔfonomoa saŋ bɛlbwa dɛɛ la kɛŋɔ Mɛlkesɛdɛk la, o koh ya waa dɛ tɔ sie ya nɛɛ jo bela mɔɔ ya ɡe ba.

Hibru 6:20 ပူးပေါင်းရင်းမြစ်များ

Yela 110:4

Korowii baɡɛ nyoa waa wola o liiree charɛ ŋɔ, “Hɛɛ ɛ sɔfoo saŋ bɛlbwa dɛɛ la kɛŋɔ Mɛlkesɛdɛk.”

Nɛra Kura 18:28

Gɛɛ aa ba ɛɛ he ɡe won kpɔ he saraha kwaa aa le Israel tena be bɔrbeŋkpoŋ la ɛ saraha tɛ mɛ. Anɔ la aa ɛ men Korowii bɔr dɛ le a ta la chɛ kɛ hé kpɔ tɛ Arɔn waa ɛ sɔfo la.

Tɔn Pɔɔl Aa Chwerɛ Rom Tena 8:34

Aah dɛ umee dɛ́ won pa ba bolchɔɡe ɔ? Yeesu Kristo kɛɛ? Sewaa o te koh ya waa sewɛ, kɛ a ɡbo laa. O berɔ ir seo ta dɛ ka so nomombɔr Korowii diɡ ta, dɛ soŋo dɛɛ tɛ yaa.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 2:10

Korowiirii ta komɛlbwa, asɛ a che o kpeɡri ta komɛlbwa ɡe do le. Waa ɡela Yeesu na wahala la, maɡraa a maɡre kɛrɛdɛ. Waa dɛ nyin o lɛ nɛndamanta dɛ ɡel ba ɛ o bii, dɛ do o be dɛ dɔ jirima la waa o ɡel Yeesu waa ɛ ba Sitɔɔ la ɡbaɡba kpɔ a ɡɛ ŋwɛnɛ la ta, dɛ na wahala dɛ won ɛ ba Sitɔdɛɛɡe kaih ka tonɛ dɛ lɛɛ ba la.

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

Hibru 4:14

Ya dɔ Sɔfonomonjen waa wona la Korowii sie tenten. Onee Korowii Bie Yeesu la. Anomanta, hé ɡel ya lawɛ o waa la yaa dɛ yarada la bini kpoŋe kiŋkiŋ.

Hibru 5:10

Korowii bol o waa dɛ ɛo Sɔfonomoa kɛŋɔ Mɛlkesɛdɛk fa aa ɛ Sɔfo la.

Hibru 5:6

Korowii bol bobɛl ɡe ŋɔ, “Hɛɛ ɛ Sɔfoo saŋ bɛlbwa dɛɛ la kɛŋɔ Mɛlkesɛdɛk.”

Hibru 8:1

Waa yaa dɛ bol laanee kɛŋɔ ya dɔ Sɔfonomoa. O soɡe nomombɔr Korowijen kookara la jwɛɛh nyundua.

Hibru 9:12

Yeesu Kristo jo Korowii Boɡoroŋ Tenten la. Waa jo bela la, boohna ne nabie chal laa o kpɔ jo bela. O ɡbaɡba chalee o kpɔ jo bela, dɛ lɛ yaa ta aa wola jaɡaa dɔ bwa. Kerabeŋkpoŋii o jo bela. A ta hiaih kɛŋɔ o jo bela kpa.

Hibru 9:24

Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

1 Jɔn 2:12

N bidɛɛɡa, n chwerɛ waa nɔ dɛɛ tɛ heya, dɛkalkɛ Korowii koh Yeesu waa dɛ kpɔ he wechɔɡa kɛ heya.