Hibru 6:18 - mzwDBL

¹⁸ Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.

Hibru 6:18 ပူးပေါင်းရင်းမြစ်များ

Mumpar 19:22

Ɛ warane, dɛ́ chwa kaa. Dɛ he ta bela telaa, maa won ɛ wobɛlbwa.” A waa ba pa bwɛɛ la sɔn Soar.

1 Koranar 2:28

Joab aa wola Absalɔm chae o di kora dɛ cha Adonija la, waa noa kɛŋɔ ba kpo Adonija la, o chwao ka jo Korowii Tɛnte Dea la bini, dɛ ka lawɛ kwaa aa do kɛŋɔ nyeɡlare dɛ paaɡe kon baa dɛ ɛ saraha o ta loŋkoni la kpoŋe.

Yela 110:4

Korowii baɡɛ nyoa waa wola o liiree charɛ ŋɔ, “Hɛɛ ɛ sɔfoo saŋ bɛlbwa dɛɛ la kɛŋɔ Mɛlkesɛdɛk.”

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Sɛɡla 3:18

Nɛra baa dɔ wejema la, ba na som, o dɛ tɛ mkpa kohona.

Sɛɡla 4:13

Lawɛ waa haa hwela la bini saŋ bɛlbwa, dɛ bɛ ɡel a le he nɔn ta, nyiŋi a ta kɛrɛdɛ, anee he mkpa.

Aesaya 27:5

Kɛ dɛ n nɛra dɔma dɛ nyin kɛ n kpɔ nɔn tɔ ba nɛ aa, n ne ba baah ɛɛ do werii.”

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Aesaya 56:4

Waa Korowii aa dɛ bol ɡɛ nɛra la be laanee kɛŋɔ, “Dɛ nɛra baa fɔɡɛ ba lure dɛ di n Ona Tɔpere la, dɛɛ ɛ waa aa dɛ su n siwi, dɛɛ di kasinteŋ n fɔo la ta naa,

Aesaya 64:7

Nomɛlbwa toole dɛɛ soŋe, nomɛlbwa aa nyin kɛŋɔ he chao. He kpɔ he te sɔh yaa, dɛ koh ya wechɔɡa waa dɛ ta yaa.

Sekaria 9:12

Hé berɛ ba kaa, he nɛra baa lawɛ heyaa kaa bojaŋ harɛ ta, taraken he dɔ hwɛɡa, hé berɛ ba kaa he harɛ bosɔɔhna aa lɔ o ta. Taraken n dɛ ŋɔ he be, mɛɛ tɛ heyaa anɔ la haa paŋa la bele anɛɛ.

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Matiu 3:7

Jɔn aa naa kɛ Farisii ne Saduki tena ɡe warɔ dɛɛ ba o be ó sɔ ba Korowii nee la, o ŋɔ ba be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa la! Umee ŋɔ he be ŋɔ hɛɛ wonoo chwa le Korowii bandia ta nɔ?

Amanesoma Luk Aa Chwera Tɔn 2:25

A ɡɛ saŋ la dɛ baa bɛl lɔ Jerusalam baa yerɔ Simeon. O ɛ nɛndɛɛɡe, dɛɛ ɔmɛ Korowii, dɛ o dɛ nyiŋi naate waa dɛ ba ó ba lɛ Israel tena ŋwɛnɛ. Dɛ Korowii Domadɛɛɡe ir o nɛ,

Tɔn Pɔɔl Aa Chwerɛ Rom Tena 15:5

Korowii waa dɛ tɛ nɛn bambile dɛɛ do ɡbemba la, on dɛ tɛ heyaa nyopɛo teŋa haa dɛ teŋɛ Yeesu Kristo nɛɛ la ta,

Tɔn Pɔɔl Aa Chwerɛ Rom Tena 3:25

Korowiirii le Yeesu Kristo ŋɔ ó ba fuɡe o chal ta, dɛ́ soŋe ya wechɔɡa, ásɛ o bandia le nɛra baa yarada Yeesu Kristo seo waa la nɛ. Korowiirii fa saahna ɛ ɡɛ dɛ́ baɡle kɛ o waa toɡrɔ, dɛkalkɛŋɔ a saŋ la, nɛra aa dɛ ɛ wechɔɡa la, o laa sie kpɔ ba be. A fe chɛ kɛ ó tɛr nɛwɛnyini deŋne, kɛ o lawɛ bambile.

Tɔn Pɔɔl Aa Chwerɛ Rom Tena 3:4

Akai! Dɛ nɛwɛnyini bwa ɛ nyosonteŋna kwara naa, Korowii te wa ɛɛ dɔ kasinteŋii saŋ bɛlbwa. Anee Korowii Tɔn la bol la. O baɡle Korowii waa ŋɔ, “He wobol ɛɛ baɡloo kɛŋɔ he dɔ kasinteŋ, hɛɛ dɛɛ di bole he waa taa.”

Tɔn Pɔɔl Aa Chwerɛ Rom Tena 5:5

Hwɛɡa yaa dɔa nɔ, aa pɛɛ ɛ, dɛkalkɛŋɔ Korowii tɛ yaa o Domadɛɛɡe la ásɛ ya jemɛ o nyina waa dɛ nyin yaa kohona.

Felepae 2:1

Haa dɔ ɡbemba pɛɛ he ne Yeesu Kristo aa pɛa la ta, o nyina ɡee larawe heyaa bwara, he dɔ Korowii Domadɛɛɡe ɡe wɛɛ cha heya, dɛ dɔ nɛnnyin he chal do dɔŋa nɛɛ nɔ,

Kolosi 1:23

Dɛ he ta kpoŋe waa haa dɛ yaradaa la bini, he ta habɔɔ leɛ, dɛ dɔ hwɛɡa le Amanesoma la baa bola baɡle heyaa he no la ta kɛŋɔ nomɛlbwa aa won chɔɡ he liire he bɛ dɛɛ hwɛɡɛ kpa aa, amɔ hɛɛ wonoo che o sie. Ba dɛ bol Amanesoma nɔ bobɛlbwa. N ɡbabir dɛ bola, dɛkalkɛŋɔ Korowiirii lee mɛ.

Kolosi 1:27

bá na dɛ́ jemɛ ɡɛ waa dɛ nyin kɛ ó ɛ nɛra baa wola Juu tena ɛɛ la baah. O waa waa pili a bini la ɛ wedɛɛɡa aa ɛ wejena dɛɛ kpo nyoa. Anee kɛ Yeesu Kristo Doma soɡe he nɛ, he dɔ hwɛɡa o be kɛ tɔpebɛl hɛɛ dɔ jirima o bee.

Kolosi 1:5

Amanesoma aa ɛ kasinteŋ la aa ba he be loɡla la, he no hwɛɡa aa dɛ tɛ la wa. He yarada ne nɛnnyin la le kwaa haa dɛ hwɛɡɛ a ta la ta. Korowii ɡe kwaa a bwa cheɡ heyaa Korowii doa kɛrɛdɛ ken.

1 Tesalonika 1:10

dɛ so kpa o Bie Yeesu waa dɛ ba nyundua lee dɛ ba la. Onee o chum seo ta la. Onee lɛ yaa le Korowii bandia waa dɛ ba bala la ta.

1 Timoti 1:1

Men Pɔɔl maa ɛ Yeesu Kristo torome laanee chwerɛ tɔn nɔ. Korowii waa ɛ ya Lɛɛ ne Yeesu Kristo yaa dɛ hwɛɡɛ o nɛɛ laanee do mɛ ŋɔ mɛ́ɛ bol o waa nɔ.

1 Timoti 6:12

Yarada haa dɛ yarada Korowii nɔ, yodɛɛɡee hɛɛ yo ɡɛ la. Anomanta, yo kɛrɛdɛ dɛ́ dɔ mkpa aa wola jaɡa dɔe la. A ɡɛ mkpa nɔɔ Korowii lee ŋɔ he ba dɔ ɡɛ saŋ haa cheɡɛ kiŋkiŋ dɛ bol ɡɛ haa yarada Yeesu Kristo baɡle nɛnlaa la.

2 Timoti 2:13

Dɛ ya ta kasinteŋ tena ɛɛ yaa, o te ta ɛ kasinteŋ te, waa won beɡre o te.”

Taetos 1:2

Korowii mkpa aa wola jaɡa dɔe la hwɛɡaa n dɔ. Korowii waa wola nyosone teŋe laanee baɡɛ ɡɛ mkpa nɔ nyoa bil mɔɔ dɛ ta komɛlbwa.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

Hibru 3:11

N baah aa dia la, n ŋwɛɛrɔ ŋɔ, ‘Baa ona maa tɛɛ ba ŋɔ bá ba onɛ ɡɛ maa dɛ onɛ la dɔe ba bwa.’ ”

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Hibru 6:17

Dɛ Korowii dɛ nyin o baɡle nɛra baa dɛ ba kon waa baɡ ba nyoa ŋɔ wɛɛ ɛo tɛɛ ba la kɛŋɔ waa o liire chara ba bwa, a waa o ŋwɛɛ la.

Hibru 7:19

A ɡɛ Mosis Mmara nɔ fa ta wone ɡel nɛwɛnyina ɛ nɛndɛɛɡa ka tonɛ. Kɛ taraken te, ya dɔ wefala dɛɛ hwɛɡɛ a ta a ɡwaa ambena la, dɛ che a ta dɛ́ won tuuh dɛɛ tel Korowii.

Hibru 7:21

Yeesu te la, ŋwɛɛraa Korowii ŋwɛɛ dɛ cheɡo Sɔfo. Ba baɡle a waa Korowii Tɔn bini ŋɔ, “N Naa Korowii ŋwɛɛrɔ, waa nyoa bera ba. ‘Hɛɛ ɛ Sɔfoo saŋ bɛlbwa dɛɛ la.’ ”

Josua 20:3

ásɛ nomɛlbwa waa wola saahnɛ dɛ kpo o dɔŋ la chwa ka so bela, dɛ́ lɛ o nyu le nɛn waa sewa la nɛn bɛl waa dɛ nyin dɛ kpoo bɔ kem la nɔn ta.

1 Jɔn 1:10

Dɛ ya ŋɔ ya ta wechɔɡa ɛɛ te naa, dɛ ya yerɛ Korowii nyosonteŋni. O waa la ɡe toole ya bini.

1 Jɔn 5:10

Anomanta, nomɛlbwa waa yarada Korowii Bie la, naate dɔ ɡɛ danseɛ nɔ o ɡbabir bambile bini, dɛ won jemɛ kɛŋɔ a ɛ kpela. Kɛ nomɛlbwa waa wola Korowii yarada la ɡelɔ Korowii waa la ɛ nyosone, dɛkalkɛŋɔ naate aa ɡɛ Korowii aa bol o Bie la waa la yarada.

1 Samoɛl 15:29

Korowii Israel tena aa dɛ tomɔ la dɔ jirima, waa nyosone teŋe, waa o liire ɡe charɛ. Nɛwɛnyini laa on ó charɛ o liire.”