Hibru 6:10 - mzwDBL

¹⁰ Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

Hibru 6:10 ပူးပေါင်းရင်းမြစ်များ

Nehemia 13:22

Asɛ n ŋɔ Lewi dea tena la be ŋɔ, bá sɔ ba doŋa bwa ta Korowii be pera, dɛ́ kaa daah doonyoa la, ɡɛ aa ɛ ásɛ ba di Ona Tɔpere la, o do ɡoroŋ. N Naa Korowii, lii n waa anɔ ɡe ta ja, dɛ́ sune n nɛɛ ɡɛ he nyina kohona aa doa la.

Nehemia 13:31

N baɡle saŋ aa chɛ kɛŋɔ bá kpɔ daa baa kpɔ dɛɛ fuh saraha kwaa ne ba koo kondikonloɡla dɛɛ ba. N Naa Korowii maa dɛ tomɛ, lii n wa, dɛ́ sune n nɛ.

Nehemia 5:19

N Naa Korowii maa dɛ tomɛ, lii n wa, dɛ́ ɛɛ mɛ kɛrɛdɛ, waa bwa maa ɛa tɛ nɛra nɔ wa.

Yela 20:3

Ó lii sarahare haa tɛo bwa, ásɛ dɛ lɛ sarahare haa fuah tɛo la.

Kaala 1:20

Anomanta, Korowii nyiŋi haahna baa dɛ lɛ haahna lol la nɛ, dɛ ɡel Israel tena mun ya kohona.

Sɛɡla 14:31

He dɛ do nyaara weweele aa, he dɛ chɛɡɛ Korowii waa ta ba, kɛ he dɛ ɛɛ ba kɛrɛdɛ naa, he dɛ tɛ Korowii jirima.

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Wejereme 11:1

Kpɔ he paanoo ta nee sie, tɔpera ane habɔɔ la, wɛɛ berɔ ba he be.

Jeremia 18:20

A chɛ kɛ bá kpɔ wechɔɡa bɔ wedɛɛɡa kem aa? Kɛ ba kwi nafuɡe dɛɛ nyin mɛ dɛ́ lawɛ. Lii kɛŋɔ n fa cheɡɛ he sie, dɛ bol ba waa tɛɛ ba ŋɔ, hé laa he bandia kpɔ ba nɛ.

Jeremia 31:16

Kenii Korowii ɛɛ bol, “Hé ɡel wii haa dɛ wi la, dɛ́ fee he siniire. Anɔ la haa ɛa tɛ he bii aa pɛɛ ɛɛ ba, hɛɛ dɔ a kembɔree, ba bwa ɛɛ berɔɔ le ba dɔma harɛ taa ba.

Matiu 10:42

Kasinteŋ, dɛ nomɛlbwa koh n wa, dɛ tɛ n habɔteŋra bechale nɔ bini bɛlbwa nesɔna o nyɔ aa, waa o kembɔr paŋa ba bwa.”

Matiu 20:7

Belaa ba chaŋo ŋɔ, ‘Nomɛlbwa ta yaa o toma ta kpɔe.’ Anee baa la ŋɔ, ‘Gɛɛ te naa, hé ɡe kaa n koo ta bela ka ɛ toma.’

Matiu 25:17

Gɛ tentenee onɔ la waa dɔ bɔre anɛ la ɡe berɛ dɔ a dɔŋa ja o kwaa ta.

Amanesoma Mak Aa Chwera Tɔn 9:41

Kasinteŋ, nomɛlbwa waa koh kɛ he ɛ men Kristo nɛra dɛ́ tɛ heyaa nee hé nyɔ la, waa o kembɔr paŋa ba bwa.

Amanesoma Jɔn Aa Chwera Tɔn 13:20

Kasinteŋ, n dɛ ŋɔ he be, nomɛlbwa maa tomɔ ásɛ he lɛo la, dɛ menee he lɛ. Gɛɛ nomɛlbwa waa lɛɛ mɛ la ɡe, dɛ naate waa tom mɛ laanee o lɛ.”

We-ɛɛla 10:31

dɛ ŋɔ, ‘Kɔnɛɛleɔs! Korowii no he soŋa haa dɛ soŋo dɛ na he chae haa dɛ cha nyaara la bwa.

We-ɛɛla 10:4

Asɛ o ha sie nyiŋu ɔmee ne dɛ ŋɔ, “Ɛrɛɛ yɔ? A som aa, n Dɔɔ?” Asɛ nyundua torome la ŋɔ, “He soŋa haa dɛ soŋe Korowii, ne he chae haa dɛ cha nɛra la lɛ o sie, o dɛ ba he chae.

We-ɛɛla 11:29

Belaa Yeesu habɔteŋra la ŋɔ baa pu siee ta suuɡa ɡɛ ba bɛlbwa aa wona laanee, dɛ́ ka tɛ ba bala asɔre tena baa lɔ Juda harɛ la mɔɔ lɔr la ba.

Tɔn Pɔɔl Aa Chwerɛ Rom Tena 12:13

Hɛ́ɛ tɛ he dɔŋa asɔre tena ba soɡa bini aa kpeɡa tɛɛ ba he kwaa haa dɔa la ane. He bɛ hɔɔhra dɛɛ doŋi he deremi.

2 Kɔrent 9:1

A ta hiaih kwaraa kɛŋɔ n chwerɛ heyaa chae asɔre tena aa dɛ cha Korowii nɛra ba wa aa toɡra dɛ do Juda harɛ la wa.

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Galaasia 6:10

Anomanta, saŋ bɛlbwa, dɛ ŋwɛnɛ lole naa, yáa cha nomɛlbwa, a laa kɛŋɔ nɛra ya ne baa dɛ di lola Yeesu Kristo nɛɛ teŋa nɔ ta nɔ.

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

1 Tesalonika 1:3

Gɛɛ tɔpere bɛlbwa ɡe yaa bol N Naa Korowii waa bera ɛ ya Mɛɛ la be he yarada haa yaradao dɛ won kpɔ dɛɛ ɛ o toma, ne he nyina haa dɛ nyinu dɛ ɡel he sie beɡre o toma ta, ne hwɛɡa haa dɔa ya Dɔɔ Yeesu Kristo be dɛ won dɛɛ lawɛ bambile wobɛlbwa ta la.

1 Timoti 6:18

Ŋɔ ba be báa ɛ wedɛɛɡa, ásɛ wedɛɛɡa berɛ ba kondɔɔh, bá won ba tea tae dɛɛ kɛ nɛra bwa kwa.

2 Timoti 4:8

Kon waa ka mɛ taraken laanee kompoŋ Korowii aa dɛ́ ba nɛndɛɛɡa baa yoa le, ba waa su o siwi la vɔwa. N Dɔɔ waa kpɔ kasinteŋ bol waa dɛɛ pa bole laanee dɛɛ ba n tɛɛ, awola waa ba bol nɛra bwa waa dɛ́ pa bole la. N ɡbo laa dɛɛ ba ɡɛ kembɔr la dɔe. Nɛra baa dɛ pɛlɛ o nɛɛ dɛɛ nyiŋu ŋwɛnɛ la bwa ɛɛ dɔɔ.

Hibru 10:32

Hé lii ɡɛ he fa aa doa ɡɛ saŋ Korowii waa la aa chaah he sie la. He na wahala ɡa, kɛ he ta habɔɔ leɛ.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

1 Jɔn 1:9

Dɛ ya bol ya wechɔɡa baɡle Korowii aa, o ɛ nɛndɛɛɡe dɛ ɛ kasinteŋ te dɛɛ teŋɛ o nyobaɡa ta. Wɛɛ kpɔɔ kɛ yaa, dɛ́ laa doŋa bwa kpɔ ya nɛ.