Hibru 6:1 - mzwDBL

¹ Yaa jemɛ Yeesu Kristo weloɡla la nomanta la, siee a chɛ kɛ yaa kaa, dɛɛ la nomonome bini. Yaa berɛ pa mun bol ɡɛ aa chɛ kɛ ya charɛ liire le ya wechɔɡa aa dɛ kaa ya ne seo ta la ta, ne ɡɛ aa chɛ kɛ ya yarada Korowii dɛ kpɔ ya te tɛo waa kpa.

Hibru 6:1 ပူးပေါင်းရင်းမြစ်များ

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Matiu 21:29

‘Maa la,’ asɛ a habɔɔ la, o berɛ charɛ o liire dɛ ka ɛ toma koo la ta.

Matiu 21:32

dɛkalkɛ Jɔn o fa aa dɛ sɔ nɛra Korowii nee la ba he be dɛ ba chaɡle heyaa ŋwɛnɛdɛɛɡe la ŋɔ hé kpɔ o ta, asɛ he vɛh o waa la yaradae. Kɛ toɔ lɛɛra ne jwamane tenaa bera yarada o waa la. Hale haa bera na ɡɛ la, he ta he liire charɛ dɛ berɛ ba yaradao.”

Matiu 3:2

“Hé charɛ he liire le he wechɔɡa ta, dɛkalkɛ Korowii Kora pu heyaa tonɛ.”

Matiu 4:17

Gɛ saŋ laanee Yeesu pa mun bol waa dɛɛ chaɡle nɛra ŋɔ, “Hé charɛ he liire le he wechɔɡa ta, dɛkalkɛ Korowii Kora la pu heyaa tonɛ.”

Matiu 5:48

A chɛ kɛŋɔ hé we-ɛɛla bwa do kaih, ɡɛ he Mɛɛ waa lɔ nyundua la waa aa do kaih la.”

Matiu 7:25

Bwaala nɛo, nenapala suuɡi, asɛ peujena ta. Kɛ dea la ta chole, dɛkalkɛ dɛ o chɔŋɛ bwe ta.

Amanesoma Mak Aa Chwera Tɔn 1:1

N dɛ nyin n baɡle heyaa amanesoma aa le Korowii Bie Yeesu Kristo waa la ta. A mumparee nɔ.

Amanesoma Mak Aa Chwera Tɔn 6:12

Belaa ba ɡe le dɛ ka bol waa la ŋɔ nɛ́ra charɛ ba liire dɛ́ le wechɔɡa ta.

Amanesoma Luk Aa Chwera Tɔn 6:48

Naate do kɛŋɔ nɛn waa dɛ ba o dea doe, dɛ kwi o mun pae bɔɔ ka jaɡɛ bwetal ta mɔɔ dɛ ma dea la. Nee aa pala ba jo dea la mun la, o ta chole, dɛkalkɛ o doo kɛrɛdɛ.

Amanesoma Jɔn Aa Chwera Tɔn 12:44

Belaa Yeesu kpɔ takpeɡ dɛ ŋɔ, “Nomɛlbwa waa yarada mɛ la, n laa wɛɛ yarada. Naate waa tom mɛ laanee wɛɛ yarada la.

Amanesoma Jɔn Aa Chwera Tɔn 14:1

Yeesu berɔ ŋɔ, “He bɛ ɡel he bambile chɔɡ! Hɛ́ɛ yarada Korowii ásɛ dɛɛ yarada n ɡe.

Amanesoma Jɔn Aa Chwera Tɔn 5:24

Kasinteŋ, n dɛ ŋɔ he be, nomɛlbwa waa no n waa dɛɛ teŋɛ a ta asɛ dɛ yarada n Mɛɛ waa tom mɛ la, onee dɔ mkpa aa wola jaɡa dɔe la. Maa naate waa bol dɛ́ pa bole kpa, dɛkalkɛ o le seo nɔn ta dɛ berɛ dɔ Korowii mkpa.

We-ɛɛla 11:18

Baa no ɡɛ la, ba nyoa sɔɔhnɔ, asɛ ba jam Korowii dɛ ŋɔ, “Amɔ te Korowiirii tɛ nɛra baa wola Juu tena ɛɛ la ɡe ŋwɛnɛ, ásɛ ba charɛ ba liire, dɛ́ le ba wechɔɡa ta, dɛ́ dɔ ba nyu!”

We-ɛɛla 17:30

Saŋ la nɛwɛnyini fa aa wola Korowii ŋwɛnɛ jemɛ kɛrɛdɛ la, o laa sie kpɔ ba wechɔɡa ta. Kɛ taraken te, o ŋɔ hárɛ ta bobɛlbwa nɛra charɛ ba liire, dɛ́ le ba wechɔɡa ta,

We-ɛɛla 2:38

Anee Pita ŋɔ ba be ŋɔ, “A chɛ kɛŋɔ hé bini bɛlbwa charɛ o liire dɛ́ le wechɔɡa ta, dɛ́ ɡel ba sɔɔ Korowii nee ásɛ o teŋɛ Yeesu Kristo nɛ, ásɛ Korowii kpɔ o wechɔɡa kɛo. He ɛ ɡɛ naa, Korowii ɛɛ tɛ heyaa o Domadɛɛɡe laanee,

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

We-ɛɛla 26:20

N tɔ sie la Damaskɔs, dɛ la Jerusalam, dɛ ɡaaɡe Juda harɛ la te bwa, dɛ la harɛre a nɛra aa wola Juu tena ɛɛ ɡe ta. Maa dɛ ɡaaɡe la bwa, dɛ n dɛ ŋɔ ba be ŋɔ bá charɛ ba liire, dɛ́ le ba wechɔɡa ta, dɛ́ ba Korowii be, ásɛ dɛ ɡel ba we-ɛɛla chaɡle kɛ ba charɛ ba liire dɛ le ba wechɔɡa ta.

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

1 Kɔrent 13:10

Anɔ la aa wera ka tonɛ la saŋ telaa, tama yaa dɔa taraken nɔ bwa ɛɛ tonɔɔ.

1 Kɔrent 2:6

Ya dɛ bol wejema waa te dɛɛ baɡle nɛra ba sie aa chaah Korowii waa ta kɛrɛdɛ. Wejema yaa dɛ baɡle a waa nɔ ta harɛ nɔ ta nɛra ne ba nɛnjena wejema ɛɛ. Ba te, ɛɛ baa ɛ pɛɛpɛɛ.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

2 Kɔrent 7:10

Nɛwɛnyini tea bini chɔɡɔ ɡɛ Korowii aa dɛ nyin kɛ wɛɛ ɛ aa, a ɡelɔ wɛɛ charɛ o liire. A ɡɛ waa nɔɔ dɛɛ ba Korowii mkpa ne. Anomanta, a ta chɛ kɛ ya ɡel ya tea bini chɔɡ a ta. Kɛ harɛ bonɔ tebinichɔɡ te, seo nee aa ba.

Ɛfesos 2:1

He fa do kɛŋɔ he sewɔ Korowii be. He wechɔɡaa ɡela he beɡre ɡɛ.

Ɛfesos 2:5

o ir yaa seo la ya wechɔɡa nomanta yaa sewa la ta, dɛ berɛ koh pɛɛ ya ne Yeesu Kristo aa pɛa la waa dɛ tɛ yaa mkpafale. Korowii suna waa sune he nɛɛ la taa a che dɛ lɛ heya.

Ɛfesos 4:12

Gɛɛ o ɛ dɛ cha nɛra bá ɡe won ɛ o toma dɛ́ cha dɔŋa Yéesu Kristo bwadabii la won do kpeɡri,

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.

Kolosi 3:14

Anɔ nɔ habɔɔ, hɛ́ɛ nyin nɛn. Nɛnnyinii dɛ́ won ɡel he dɔ nyopɛo dɛ́ ɛ anɔ bwa kɛrɛdɛ ka tonɛ.

Kolosi 4:12

Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

1 Timoti 6:19

Dɛ ba dɛ ɛ ɡɛ naa, an dɛɛ ba kerekere kondɔɔh aa wola chɔɡ bwa nyina cheɡ ba nyundua. A taa baa ba wona dɔ mkpa tenten la.

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Hibru 11:6

Nɛn ta yarada dɔe yaa, o waa aa won lɛ Korowii sie. Nomɛlbwa waa ba Korowii be la, a chɛ kɛ o dɔ yarada kɛŋɔ Korowii lole, dɛ́ yarada kɛŋɔ nomɛlbwa waa dɛ nyin o jemɛ Korowii la, Korowii dɛ chao.

Hibru 12:13

Hé ɡel he we-ɛɛla toɡre ásɛ he bala baa ɡwɛɡra Korowii nɛɛ teŋa ta dɛ do kɛ nɛn waa dɛ duɡri la bɛ he ŋwɛnɛre aa wola toɡrɛ la ta kpɔ dɛ ba lɔ na. A chɛ kɛ he toɡre he ŋwɛnɛre ásɛ ba kpɔ a ta dɛ́ dɔ bokpeɡa.

Hibru 7:11

Gɛ saŋ Korowii aa tɛ o nɛra Mmara la, ɡɛ saŋee Lewi dea tena pa mun dɛɛ di sɔfore. Dɛ nɛra fe ɛɛ wonoo che saraha Lewi dea sɔfore la fa aa ɛa dɛɛ tɛɛ ba la ta dɛ ɛ nɛndɛɛɡa ka tonaa, a fe ta hiaih kɛŋɔ Sɔfo waa do kɛŋɔ Mɛlkesɛdɛk berɛ ba, dɛ́ ɡel onɔ la waa le Lewi dea dɛ do kɛŋɔ Arɔn.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Jems 1:4

Hé dɔ bambile wobɛlbwa ta dɛ́ ka tonɛ, ásɛ dɛ won che a ta dɛ́ jemɛ wa, dɛ́ dɔ dadɛɛɡe, ásɛ wobɛlbwa bɛ heyaa nya harɛ nɔ ta.

1 Pita 1:21

O nɛɛ a che he yarada Korowii. Korowii ɡee iru seo ta dɛ tɛo jirima. Anomanta, he yarada ne he hwɛɡa haa dɛ hwɛɡɛ la, Korowii nɛɛ a bwa do.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

1 Jɔn 4:12

Nomɛlbwa ta Korowii nae ka. Kɛ dɛ ya dɛ nyin dɔŋa aa, anee Korowii ɛɛ ba yaa lawɛ pɛl o nɛ, ásɛ o nyina la do ya be kɛrɛdɛ ka tonɛ.