Hibru 5:9 - mzwDBL

⁹ Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

Hibru 5:9 ပူးပေါင်းရင်းမြစ်များ

Yela 45:17

N yel la ɛɛ ɡeloo hé dɔ sɔn kohona dɛɛ la, ásɛ harɛre nɛra kpɛɛre, saŋ bɛlbwa dɛɛ la.

Yela 51:6

Kasinteŋ ne waa aa weraa hɛɛ nyin, anomanta, tɛ mɛ he wejema.

Yela 51:8

Gel n no silɛɛ ne hɛɡra ɡbɔɡa, a lole kɛŋɔ he lɔ mɛ bil, n hoɡa bini ɛɛ wee mɛ, mɛɛ berɔ dɔ silɛɛ ja.

Aesaya 45:22

Harɛre nɛra bwa, hé ba n be, dɛ́ ba dɔ he nyu. N ɡboo Korowii, Dɔɔ bɛlbwa toole kpa.

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Aesaya 55:3

Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Sekaria 6:15

Nɛra ɛɛ le bojaŋaa ba, dɛ́ ba cha bá kwaa ma Korowii Dea la. Ásɛ he jemɛ kɛ Koranar Bwa Kooroo tom mɛ he be. Dɛ hɛɛ teŋɛ waa Korowii haa dɛ tomɔ aa do heyaa a ta kɛrɛdɛ tenaa, ɡɛ waa nɔ ɛɛ ɛo.”

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

Amanesoma Luk Aa Chwera Tɔn 13:32

Anee Yeesu ŋɔ ba be ŋɔ, “Hé ka ŋɔ baradeɛre te la be ŋɔ, ‘Mɛɛ so lee dɛɛ doŋi kwaa aa dɛ ir nɛra nɛ, dɛɛ chah weela tena tɔpera anɛ mɔɔ dɛ́ tonɛ n toma.’

Amanesoma Jɔn Aa Chwera Tɔn 19:30

Yeesu aa nyɔa tonɛ la, o ŋɔ, “A tonɔ,” asɛ dɛ ɡure o nyu dɛ ɡel o doma le, o sewɛ.

We-ɛɛla 3:15

Korowii nɛn nɛwɛnyini aa che o nɛɛ dɛ́ dɔ mkpa la, onee he kpo la, asɛ Korowii lawɔ ir seo ta. Ya na a ɡɛ waa nɔ. A danseɛ yaa di la.

We-ɛɛla 4:12

Dɛ Yeesu laa aa, nomɛlbwa toole dɛ́ won lɛ yaa. Nomɛlbwa toole harɛ nɔ ta bobɛlbwa yá yerɔ o won lɛ yaa ka ja Yeesu nɛ.”

We-ɛɛla 5:32

Nae yaa na waa nɔ la waa yaa di a danseɛ la. Korowii Domadɛɛɡe waa kpɔa tɛ nɛra baa dɛ teŋɛ o ŋwɛnɛ ta la ɡe cheɡɛ ya nɛɛ dɛɛ di waa nɔ danseɛ.”

Tɔn Pɔɔl Aa Chwerɛ Rom Tena 1:5

O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.

Tɔn Pɔɔl Aa Chwerɛ Rom Tena 10:16

Amanesoma la balɔ, kɛ Israel tena bwa laa sɛh a ta teŋa. Korowii keame Aesaya ɡbaɡba fa bolɔ ŋɔ, “N Naa Korowii, umee yarada waa yaa bol ba be laɔ?”

Tɔn Pɔɔl Aa Chwerɛ Rom Tena 15:18

Waa Yeesu Kristo aa cheɡɛ n nɛɛ dɛ ɛ he nɛra haa wola Israel tena ɛɛ bini la, maa lii kɛŋɔ mɛɛ won bol anfala ane ja a ta. A ɡbo waa n jemɛ. Anee kɛŋɔ taraken haa yarada Korowii waa nɔ. Waa Yeesu aa cha mɛ mɛɛ bol dɛɛ baɡle heya, ne waa waa cha mɛ mɛɛ ɛ,

Tɔn Pɔɔl Aa Chwerɛ Rom Tena 2:8

Nɛra baa dɛ ɛ ba tetoowa, baa wola Korowii waa aa ɛ kasinteŋ ta teŋɛ, dɛɛ ɛ wechɔɡa la, Korowii bwaawee ɛɛ ir ba nɛɛ taeh.

Tɔn Pɔɔl Aa Chwerɛ Rom Tena 6:17

Korowii jam! Wechɔɡa fa aa yawɛ heyaa yom, asɛ taraken nɔ he no o waa baa chaɡle heyaa dɛ kpɔ he te tɛo he bambile bwa ne nɔ,

2 Kɔrent 10:5

Nɛwɛnyina wejema baa dɛ maŋkuraa dɛɛ tɔŋle waa la, a ne webaɡla baa dɛ maŋkuraa kohona dɛɛ tɔŋle waa asɛ nɛra jemɛ Korowii kahonɛ la do kɛ dekpeɡa yaa dɛ ba wona paɡre la. Ya berɔ dɔ kpeɡri dɛ won berɛ nomɛlbwa liire, asɛ ba no Yeesu Kristo be.

Felepae 2:12

Anomanta, n dandɛɛɡa, ɡɛ haa dɛ no n waa dɛɛ teŋɛ a ta ɡɛ saŋ n fa aa lɔ he be la, a hiaoh kohona kɛŋɔ maa wola toole he be nɔ, hé ta kpoŋe ɡɛ. Korowii aa lɛ heyaa nɔ, hé kpɔ duure ne ɔmee dɛ́ɛ teŋɛ toma haa dɛ tomɛ Korowii la ta,

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

2 Timoti 2:10

Anomanta, n koh nɛra Korowii aa lee ba la waa dɛ lawɛ bambile wobɛlbwa ta, ásɛ Yeesu Kristo lɛ ba ɡe, dɛ berɛ tɛɛ ba jirima aa wola jaɡa dɔe bwa.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

Hibru 11:40

Korowii lii waa aa wera cheɡ ya fini nɔ tena, dɛ ŋɔ a ɡɛ nɛra la ɡbo aa won do kaih ka tonɛ, nemenɛ kɛŋɔ ya ne ba bwa aa pɛa dɛ do kaih.

Hibru 11:8

Yarada taa a che Korowii aa le Abraham ŋɔ ó kaa harɛ waa baɡɔ nyoa la ta la, o le dɛ kaa. Waa dɛ kaa la, dɛ waa bela waa dɛ kaa jemɛ.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 2:10

Korowiirii ta komɛlbwa, asɛ a che o kpeɡri ta komɛlbwa ɡe do le. Waa ɡela Yeesu na wahala la, maɡraa a maɡre kɛrɛdɛ. Waa dɛ nyin o lɛ nɛndamanta dɛ ɡel ba ɛ o bii, dɛ do o be dɛ dɔ jirima la waa o ɡel Yeesu waa ɛ ba Sitɔɔ la ɡbaɡba kpɔ a ɡɛ ŋwɛnɛ la ta, dɛ na wahala dɛ won ɛ ba Sitɔdɛɛɡe kaih ka tonɛ dɛ lɛɛ ba la.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Hibru 9:12

Yeesu Kristo jo Korowii Boɡoroŋ Tenten la. Waa jo bela la, boohna ne nabie chal laa o kpɔ jo bela. O ɡbaɡba chalee o kpɔ jo bela, dɛ lɛ yaa ta aa wola jaɡaa dɔ bwa. Kerabeŋkpoŋii o jo bela. A ta hiaih kɛŋɔ o jo bela kpa.

Hibru 9:15

Yeesu cheɡɔ tɛ nɛwɛnyini ne Korowii baah ta taraken dɛ fɔwɛ fɔo dɛ tɛ nɛwɛnyini ne Korowii, ásɛ nɛra Korowii aa lee ba ŋɔ ba ɛ o nɛra la won dɔ kwaa waa baɡ ba nyoa la saŋ bɛlbwa dɛɛ la. Baa wonoo dɔa saŋ bɛlbwa dɛɛ la, dɛkalkɛ wechɔɡa ba fa aa dɛ ɛ fɔobene la ta la, Yeesu Kristo aa baa sewɛ la, o bɔ a kem. O sewɔ ásɛ ba wechɔɡa la bɛ won dɔ kpeɡri ba nɛɛ kpa.

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

Tɔn Jud Aa Chwera 1:21

Korowii dɛ nyin heya, anomanta, hɛ́ɛ pɛlo, dɛ́ɛ kpa ya Dɔɔ Yeesu Kristo waa dɛ sune nɛra nɛɛ la, ásɛ o tɛ heyaa mkpa aa wola jaɡa dɔe.