Hibru 5:8 - mzwDBL

⁸ Yeesu ɛ Korowii Bie, kɛ o na wahala, dɛ che a ta dɛ won pwɛr o te dɛ no o Mɛɛ deŋna wa.

Hibru 5:8 ပူးပေါင်းရင်းမြစ်များ

Aesaya 53:5

Ya wechɔɡa waa ba doo bol, ya wechɔɡa waa ba lɔɔro. Gɛ aa ɛ yá dɔ bosɔɔhna waa o dɔ deŋnetɛra, á che a ta ya dɔ bokpeɡa.

Matiu 3:15

Anee Yeesu ŋɔ, “Taraken nɔ te, sɔ mɛ. He sɔ mɛ naa, ɡɛɛ yaa ba wona ɛ wedɛɛɡa aa dɛ su Korowii siwi la bwa.” Asɛ mɔɔ Jɔn sɛh dɛ sɔɔ nee la.

Amanesoma Jɔn Aa Chwera Tɔn 10:18

Lao seo laa mɛɛ ba sewa nɔ. N tetoosewee mɛɛ ba sewa. N dɔ kpeɡri kɛ ń kpɔ n te tɛ dɛ́ sewɛ, dɛ́ berɛ dɔ kpeɡri kɛŋɔ ń ir seo ta. Gɛɛ n Mɛɛ ŋɔ ń ba ɛ.”

Amanesoma Jɔn Aa Chwera Tɔn 15:10

He dɛ teŋɛ waa maa kpɔa tɛ heyaa la ta naa, haa he tenee laa kpɔ n nyina maa dɛ nyin heyaa la ta, kɛŋɔ maa teŋɛ waa n Mɛɛ aa kpɔa tɛ mɛ la ta maa wola n te laa kpɔ o nyina ta la.

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Amanesoma Jɔn Aa Chwera Tɔn 6:38

dɛkalkɛŋɔ n ɡbaɡba tetoowa waa laa n le nyundua ba. Naate waa tom mɛ la tetoowa waa n ba.

Felepae 2:8

Waa baa ɛ nɛwɛnyini la, o pwɛr o te dɛɛ no o Mɛɛ Korowii nyoa wobol, dɛ ɡel ba kpoo. Hale daɡaɡre ta kwaraa ba kpoo.

Hibru 1:2

Fini tɔpera nɔ aa ka mun nɔ te, o Bie nɛɛ o che dɛɛ bol waa ya be. Korowii Bie nɔɔ o kpɔ cheɡ kɛŋɔ o toole naa, onee lole dɛ dɔ komɛlbwa. O nɛɛ Korowii che dɛ ta komɛlbwa.

Hibru 1:5

Korowii ta o nyundua toroma la bɛlbwa be ŋɔe ŋɔ, “N Biee hen, fini n berɛ he Mɛɛ” bwa. O ta ba bɛlbwa waa bolɛ ŋɔ, “Mɛɛ ɛ o Mɛɛ, ásɛ o ɛ n Bie” bwa.

Hibru 1:8

O bol o Bie la waa ja, dɛ ŋɔ, “Korowii, he kora ɛɛ cheo saŋ bɛlbwa dɛɛ la. Kasinteŋii hɛɛ ba kpoŋa dɛɛ di kora he nɛra nɛ.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.