Hibru 5:7 - mzwDBL

⁷ Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.

Hibru 5:7 ပူးပေါင်းရင်းမြစ်များ

Yela 22:24

Korowii aa nyaara vɛh ba wenaale ta, waa habɔɔ berɛ dɛɛ kpo ba, ba wio noo waa, o dɛ cha ba.”

Yela 69:1

N Naa Korowii, lɛɛ mɛ, n wenaale do kɛŋɔ nee aa sua dɛ ba maɡɛ n baŋa ta.

Yela 88:1

N Naa Korowii, henee ɛ n Lɛɛ, chɔɔ ne jwaana bwaa n kpɔ n wii dɛɛ bil he sie.

Aesaya 49:8

Korowii ŋɔ, “Dɛ saŋ telo kɛŋɔ ń lɛ heya aa, mɛɛ na he sumii dɛ́ cha heya. Mɛɛ nyiŋi heyaa, dɛ́ ɡel he ne nɛra bwa fɔwɛ fɔo. Mɛɛ ɡeloo he ka so he harɛ waa chɔɡa dɛ chɔ pɛɛpɛɛ la ta ja.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Lewi Dea Tena 2:2

Dɛ́ kpɔ ba tɛ Arɔn bibaala sɔfore la. Ásɛ sɔfo la ka fuah saraha kon la ta, á baɡle kɛŋɔ a bwaa n lɛ. Anɔɔ ɛ saraha ba yon fuah a sɔɔh ɛɛ do som men Korowii be.

Matiu 27:46

Wekee saŋ aa baa tel la, Yeesu do lɔŋɔ kpeɡri nɛɛ dɛ ŋɔ, “Eli, Eli, lama sabaktani?” O munii kɛŋɔ, “N Mɛɛ Korowii, n Mɛɛ Korowii, ɛrɛɛ he chwa mɛ nɔɔ?”

Matiu 27:50

Belaa Yeesu berɛ do lɔŋɔ kohona, asɛ dɛ ɡel o doma kaa, o den sewɛ.

Amanesoma Mak Aa Chwera Tɔn 15:34

Wekee saŋ aa tela la, Yeesu do lɔŋɔ kpeɡri nɛɛ dɛ ŋɔ, “Eli, Eli, lama sabaktani?” O munii kɛŋɔ, “N Mɛɛ Korowii, n Mɛɛ Korowii, ɛrɛɛ he chwa mɛ nɔɔ?”

Amanesoma Mak Aa Chwera Tɔn 15:37

Belaa Yeesu do lɔŋɔ kohona, asɛ o doma le o sewɛ.

Amanesoma Luk Aa Chwera Tɔn 23:46

Yeesu kpɔ takpeɡ do lɔŋɔ dɛ ŋɔ, “N Mɛɛ, he nɔn taa n lileo do!” Waa bol ɡɛ tonɛ la, o doma le, o sewɛ.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Amanesoma Jɔn Aa Chwera Tɔn 11:35

Yeesu wio.

Amanesoma Jɔn Aa Chwera Tɔn 11:42

N te jemɔ kɛ tɔpere bwaa hɛɛ no n wa. Nɛra baa ja n nɛɛ bonɔ nɔ waa mɛɛ bol ɡɛ, ásɛ ba won jemɛ kɛŋɔ henee tom mɛ la.”

Amanesoma Jɔn Aa Chwera Tɔn 17:1

Yeesu aa bol waa nɔ tonɛ la, o ha sie dɛ nyiŋi nyundua asɛ dɛ jam Korowii ŋɔ, “N Mɛɛ, tɔpere la telo. Tɛ men maa ɛ he Bie jirima ásɛ n ɡe won kpɔ jirima tɛɛ.

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

Galaasia 4:4

Korowii Tɔpere La aa tela la, o tomɛ o ɡbaɡba Bie, asɛ nɛŋhaah lolɔ harɛ nɔ ta, asɛ o ɛ nɛra baa dɛ teŋɛ Mosis Mmara ta la bɛl.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Hibru 10:10

Yeesu Kristo aa ɛ Korowii tetoowaa dɛ kpɔ o bwadabii ɛ saraha kerabeŋkpoŋ a den tonɛ la nomanta, o laa ya bwa wechɔɡa kpɔ ya nɛ, dɛ ɡel ya ɛ Korowii nɛra.

Hibru 10:5

A waa Yeesu aa dɛ ba harɛ ta bala la, o ŋɔ Korowii be ŋɔ, “Konaatena ne koŋkwaa baa kpɔa ɛ saraha dɛɛ tɛɛ la, he sie aa a ta lɛ. Kɛ he ɛ bwadabii bɛl tɛ mɛ.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Hibru 2:14

Nɛra Yeesu aa dɛ yer ba bechale la, baa ɛ nɛwɛnyina dɛ dɔ bwadabii ne chal nomanta la, o ɡbabir baa berɛ nɛwɛnyini dɛ do kɛ ban, dɛ dɔ bwadabii ne chal. O ɛ ɡɛ, ásɛ dɛ won che o seo waa dɛ ba sewa ta dɛ chɔɡ naate seo aa tɛo kpeɡri nɛra nɛɛ la. Onee Bɔnsam.

1 Jɔn 4:3

Nomɛlbwa waa dɛ tɔŋle Yeesu nɛwɛnyini ɛɛ la ta Domadɛɛɡe la dɔe le Korowii be. Kpeɡri naate aa dɔa la le Yeesu Kristo dɔm tenten la be. He noɔ kɛ wɛɛ bao. Taraken, on bala la.

2 Jɔn 1:7

Nyosonteŋna tenten balɔ taraken. Banee wola yarada kɛŋɔ Yeesu Kristo ba harɛ nɔ ta kɛŋɔ nɛwɛnyini la. Nomɛlbwa waa wola ɡɛ yarada la, o ɛ nyosonteŋni dɛ ɛ Yeesu Kristo dɔm.