Hibru 5:2 - mzwDBL

² A ɡɛ Sɔfonomoa nɔ ɛɛ wonoo dɛɛ sune nɛra baa wola waa jemɛ dɛɛ koni la nɛ, dɛkalkɛŋɔ o ɡba kwaraa ta kpeɡri dɔe dɛ́ won dɛɛ vɛh wechɔɡa ɛɛ.

Hibru 5:2 ပူးပေါင်းရင်းမြစ်များ

Kaala 32:8

Ba charɛ ba liire warane dɛ le waa maa do ba a ta la ta. Ba kpɔ suuɡaswɛm ɛ nabale dɛɛ ɡuŋu, dɛ kpoo koŋkwaa ɛ saraha dɛɛ tɛo, dɛ ŋɔ yabala Israel tena, voɡ waa tɔ ya sie dɛ kpɔ yaa le Ijipt harɛ laanee la.”

Aesaya 29:24

Nɛra baa ɡɛna ɛɛ hweli waa dɛ́ no a mun, banɔ la baa dɛ naɡre waa la ɡe sɛh baa baɡ ba wa.”

Aesaya 30:11

Hé ɡel ɡɛ haa dɛ ɛ la. He bɛ Israel Nɛŋɡoroŋ la waa bol ya be kpa.’ ”

Amanesoma Luk Aa Chwera Tɔn 22:32

Kɛ n soŋe Korowii tɛɛ ásɛ he yarada nyoa bɛ sɔɔh. Dɛ he berɔ berɛ he liire ba n be naa, hé lawɛ he bala la bá do wɔrɔbe.”

2 Kɔrent 11:30

Dɛ mɛɛ maŋkura n tenee yaa, waa aa dɛ chaɡle kɛ n ɛ nɛŋɡwɛɡre la taa mɛɛ ba n te maŋkurae.

2 Kɔrent 12:5

N ŋɔ n maŋkura n te naa, ɡɛ nɛn nɔɔ mɛɛ ba kpɔe maŋkura n te. Maa n ɡbaɡba we-ɛɛlaa kpɔ maŋkura n te, nemenɛ n nɛŋɡwɛɡre ɛɛ ɡbo ta.

Galaasia 4:13

Kɛ he dɛ lii waa aa ɡela n ba he be loɡla la dɛ ba bol Yeesu Kristo Amanesoma la waa laɔ? Dɛ n bwara dɛ wee mɛ.

Ɛfesos 4:18

Ba sibie tɔɔɡɔ. Ba nya liire, dɛkalkɛŋɔ ba ɛ deŋnekpeɡ tena. A waa ɡela baa wola Korowii mkpa dɔe la.

1 Timoti 1:13

A lole kɛ n fa dɛ ɛ Yeesu Kristo la nɛnhɛla, dɛɛ ɛo hɔhɔrɔwa, n siwi sao mɛɛ yoo. Kɛ Korowii na n sum, dɛkalkɛ maa wola Korowii yarada dɔe n bini la, dɛ maa jemɛ ɡɛ maa dɛ ɛ.

Hibru 12:13

Hé ɡel he we-ɛɛla toɡre ásɛ he bala baa ɡwɛɡra Korowii nɛɛ teŋa ta dɛ do kɛ nɛn waa dɛ duɡri la bɛ he ŋwɛnɛre aa wola toɡrɛ la ta kpɔ dɛ ba lɔ na. A chɛ kɛ he toɡre he ŋwɛnɛre ásɛ ba kpɔ a ta dɛ́ dɔ bokpeɡa.

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.

Hibru 2:18

Bɔnsam daahno na dɛ ɛo hɔhɔrɔwa ó fe ɛ wechɔɡa, kɛ o ta on wone. Anomanta, wɛɛ wonoo cha nɛra Bɔnsam aa dɛ daah ba dɛɛ na la.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.

Hibru 7:28

Baa nyiŋi Mosis Mmara ta dɛɛ kpɔ Sɔfonomonome la, nɛra baa wola wone dɛɛ vɛh wechɔɡa kɛŋɔ nɛwɛnyina bwa aa doa laanee baa kpɔ. Kɛ Mosis Mmara la habɔɔ la, waa Korowii aa bola dɛ ŋwɛɛ o ɡbaɡba la, an ɡela o Bie ɛ Sɔfonomoa. O te vɛh wechɔɡa dɛ do kaih saŋ bɛlbwa dɛɛ la.

Hibru 9:7

Dea la bonɛɛte la te la, Sɔfonomoa ɡboo dɛɛ jo o bini. O ɡba kwaraa la, kerabeŋkpoŋ ɡboo wɛɛ jo bela bena bɛlbwa. O ta chal kpoŋaa, waa bela jo. A nee o kaa soŋe o wechɔɡa ne nɛra la wechɔɡa baa ɛa baa wola jemɛ kɛŋɔ ba ɛ wechɔɡa la.

Jems 5:19

Yabala, dɛ he bini bɛl nyoɡrɔ le kasinteŋ ŋwɛnɛ la ta, asɛ he bini bɛl ɡe won berɛ chao dɛ baɡlo, asɛ o berɛ ba teŋɛ kasinteŋ ŋwɛnɛ la ta ja aa, dɛ naate waa chao la ɛ waa taeh.

1 Pita 2:25

He fa do kɛ peera aa kpaŋa, kɛ taraken te, he ba he Dɔɔ waa dɛ nyin he nyu la be.

Sitɔɔla 2:17

Kɛ ba vɛh sitɔɔla la be noe, dɛ kpɔ ba te tɛ voɡa dɛɛ toma. Ba ta doe kɛŋɔ ba naawa ba fa aa dɛ no Korowii wa dɛɛ teŋɛ waa waa do ba a ta la ta. Ba vɛh o ŋwɛnɛ ta teŋa buɡ ta.