Hibru 5:12 - mzwDBL

¹² Haa lea hweli waa nɔ biɡro, a chɛ kɛ saŋ nɔ he fe aa jema dɛɛ baɡle nɛra a wa. Kɛ he ta do kɛ nɛra baa pa mun dɛɛ hweli Korowii wa, asɛ a chɛ kɛ ba le mun ta dɛ́ baɡ ba a wa. A fe aa chɛ kɛ he won dɛɛ di kondikwaa tenten la, elee he ta ɛɛ ɔr.

Hibru 5:12 ပူးပေါင်းရင်းမြစ်များ

2 Samoɛl 16:23

Saŋ la, dɛ Ahetofɛl bol wobɛlbwa naa, Kooro Devid ne Absalɔm dɛ yaradao kɛŋɔ a ɛ waa waa bɔɔra le Korowii be.

Ɛsra 7:10

Sɔfo Ɛsra le o te cheɡ dɛ tɛ Korowii Mmarare la hwela ne a bini nyiŋa, asɛ dɛɛ chaɡle Korowii waa ne mmarare aa lɔ Israel harɛ ta.

Yela 34:11

N bii, hé ba dɛ́ ba cheɡ deŋne no n be, mɛɛ baɡle heyaa ɡɛ haa kpɔ duure tɛ Korowii.

Aesaya 28:13

Baa wobɛlbwa Korowii aa dɛ bol ba be mun no. Ba bol waa la sie, dɛ ba bolɔ ba habɔɔ tɔpere bɛlbwa, asɛ ba le habɔɔ dɛ ka choɡli, dɛ foɡri, dɛ jo bel ta ba laɡ ba.

Aesaya 55:1

Korowii ŋɔ, “Hé banɔ la nyɔɡre aa dɛ kpo heyaa la, nee lole, hé ba nyɔ! He ta suuɡa dɔe yaa, hé ba, hɛɛ dɔ kondikwaa di pɛɛpɛɛ! Sen ne na-elnee lole, suuɡa ne laa baa yawa, yoɡ ɡe toole a ta!

Matiu 17:17

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile, dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ!”

Amanesoma Mak Aa Chwera Tɔn 9:19

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ.”

We-ɛɛla 7:38

A ɡɛ Mosis nɔ ne ya naawa ne nyundua torome waa bol waa o be Sinai Bwejen ta laanee fa dɛ cheme pua hɛŋle ɡbo harɛ la ta. Belaa Korowii kpɔ o waa aa wola ɡarɛ, aa wola tonɛ ɡe la, tɛo ŋɔ ó ba ŋɔ ya be.

Tɔn Pɔɔl Aa Chwerɛ Rom Tena 3:2

Ya Juu tena na som taeh dɛ ɡwaa nɛra baa kaa la ŋwɛnɛ bɛlbwa ta. Anɔ la aa tɔ sie laanee kɛŋɔ yanee Korowii tɔ sie kpɔ o waa do ya nɔn ŋɔ ya baɡle nɛra.

1 Kɔrent 14:19

Kɛ dɛ n lɔ asɔre, dɛ bol n bwɛɛ wobol tama asɛ nɛra won no aa, a bɔ kɛŋɔ maa kpɔ wobofala bol waa kohona nɛra ta a mun noɛ.

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

Galaasia 4:3

Gɛɛ a fa do ya ɡba nɛ. Dɛ ya do kɛ bechale ken, asɛ koŋkwaa aa dɛ di kpeɡri harɛ bonɔ la ɛɛ di kpeɡri ya nɛ.

Felepae 3:1

Yabala, waa aa kaa laanee kɛŋɔ, hé ɡel he sie lɛ he ne ya Dɔɔ pɛɛ la ta. Wesiwi beŋkpoŋii n berɛ chwerɛ dɛɛ tɛ heyaa la, kɛ aa men ha. A dɛ ba ɡela he won che kiŋkiŋ.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Hibru 10:32

Hé lii ɡɛ he fa aa doa ɡɛ saŋ Korowii waa la aa chaah he sie la. He na wahala ɡa, kɛ he ta habɔɔ leɛ.

Hibru 5:11

Waa yaa dɔa dɛ bol he be dɛ le ɡɛ waa nɔ ta la warɔ, kɛ a bini baɡla kpeɡri, dɛkalkɛŋɔ haa waa mun no.

Hibru 5:13

Nomɛlbwa o ta aa dɛ ɔr Korowii waa ta la, bechalaa on. Waa waa jemɛ, waa wedɛɛɡa aa dɛ su Korowii siwi jemɛ.

Hibru 6:1

Yaa jemɛ Yeesu Kristo weloɡla la nomanta la, siee a chɛ kɛ yaa kaa, dɛɛ la nomonome bini. Yaa berɛ pa mun bol ɡɛ aa chɛ kɛ ya charɛ liire le ya wechɔɡa aa dɛ kaa ya ne seo ta la ta, ne ɡɛ aa chɛ kɛ ya yarada Korowii dɛ kpɔ ya te tɛo waa kpa.

1 Pita 2:2

Hé ɡel he siwi swɛɛ Korowii Waa la noe ta kɛŋɔ bechasɔɔhne siwi yon swɛɛ elnee ta la, a che a ta he won kpeɡ he lɛɛ waa la ta.

1 Pita 4:11

Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.