Hibru 5:1 - mzwDBL

¹ Sɔfonomoa bɛlbwa waa dɛ ɛ toma Korowii Dea la, o dɔŋa nɛwɛnyini binii ba yon leo, dɛ kpɔɔ ŋɔ ó ɛ Korowii toma dɛɛ tɛɛ ba, dɛ́ kpɔ jam kwaa dɛɛ tɛ Korowii, dɛ́ kpo kondɛɛra dɛ́ fuah dɛɛ tɛo ba wechɔɡa wa.

Hibru 5:1 ပူးပေါင်းရင်းမြစ်များ

Lewi Dea Tena 8:2

“Kpɔ Arɔn ne o bibaala ne ba sɔfo batakaani, ne noo baa kpɔa dɛɛ do ba sɔfore ta, ne nabal baa kpɔ ɛ wechɔɡa kpɔe dɛ kɛ saraha, ne pebala anɛ dɛ paanoo iisi aa wola toole a ta wɛɡrɛ la ba n Dea Cheremibɔr la doonyoa,

Lewi Dea Tena 9:7

O berɔ ŋɔ Arɔn be ŋɔ, “Kpɔ he wechɔɡa kpɔe dɛ kɛ saraha kwa, ne saraha kwaa haa fuah la ba saraha kon la ta ba soŋe he ne nɛra la bwa wechɔɡa. Kpɔ nɛra la saraha kwaa la ɡe ba soŋe ba wechɔɡa tɛɛ ba ɡɛ Korowii aa ŋɔa la.”

Tɔn Pɔɔl Aa Chwerɛ Rom Tena 15:17

N ne Yeesu Kristo aa pɛa nomanta, n won n te maŋkurae toma maa ɛa dɛɛ tɛ Korowii nɔ ta.

1 Kɔrent 15:3

Gɛ Korowii aa baɡ mɛ laanee n baɡle heyaa la. O baɡle waane aa ɛ wejena kɛŋɔ ɡɛ Yeesu Kristo aa koh ya wechɔɡa waa dɛ sewɛ ɡɛ Korowii Tɔn aa baɡle o waa mɔɔ a ɛ la.

Hibru 10:11

Juu tena sɔfore te la, tɔpere bwaa ba che ba sɔfore toma ta dɛ teŋɛ dɛɛ ɛ saraha siwibeŋkpoŋ. Kɛ a ɡɛ saraha nɔ aa won laa nɛn wechɔɡa kpɔ o nɛɛ bwa.

Hibru 10:12

Kerabeŋkpoŋ ɡboo Yeesu Kristo te ɛ nɛwɛnyini wechɔɡa saraha, a den maɡre, aa wola hiaih kɛŋɔ o ɛ bɛl kpa, dɛ ka so nomombɔr Korowii diɡ ta.

Hibru 11:4

Yaradaa Ebel dɔ, asɛ o kwaa waa kpɔa ɛ saraha tɛ Korowii won su siwi, dɛ ɡwaa o dɔɔ Keen kwa, asɛ Korowii lɛa dɛ penao kɛŋɔ o ɛ nɛndɛɛɡe o waa su o siwi. O fe sewɔ, kɛ o yaradae waa yarada Korowii nomanta, waa waa ɛa la chɔɔ ba le fini ba ta ɛɛ bola.

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.

Hibru 7:27

O ta doe kɛŋɔ Lewi dea Sɔfonomonome la baa dɛ ɛ wechɔɡa saraha tɔpere bɛlbwa la. Ba te chɛ kɛ ba tɔ sie ɛ ba ɡbaɡba wechɔɡa saraha mɔɔ dɛ ɛ nɛra la ɡe wechɔɡa saraha. Saraha beŋkpoŋ ɡboo Yeesu ɛ, bɛl ta jae kpa. O kpɔ o te ɡbaɡba ɛ saraha.

Hibru 8:3

Sɔfonomoa bɛlbwa tomaa kɛŋɔ wɛɛ fuh kwaa dɛɛ tɛ Korowii, dɛɛ ɛ saraha ɡe. Anomanta, a hiaoh kɛŋɔ ya Sɔfonomoa nɔ ɡe dɔ kwaa waa kpɔ dɛɛ tɛ Korowii.

Hibru 8:4

Dɛ o fe lɔ harɛ bonɔ naa, o fe aa Sɔfo ɛɛ ba, dɛkalkɛŋɔ sɔfore lɔ harɛ ta dɛɛ ɛ saraha ɡɛ Mosis Mmara aa baɡla la.

Hibru 9:9

A ɡɛ waa nɔ cheɡɔ dɛ tɛ fini nɔ. A baɡlɔ kɛŋɔ saraha ɛɛ ne konaatena fuih dɛɛ tɛ Korowii aa won ɡel nɛn baa fuh kwaa la dɛɛ tɛo la tea to.