Hibru 4:8 - mzwDBL

⁸ Josua aa ba a saŋ la tena ne ba harɛ ta la, dɛ ba fe dɔ ona Korowii aa bol o waa la aa, Korowii fe ta berɛ bol tɔpefale waa kpa.

Hibru 4:8 ပူးပေါင်းရင်းမြစ်များ

1 Webena 7:27

Elisama lolɛ Nun, asɛ Nun ɡe lolɛ Josua.

Yela 105:44

O kpɔ nɛra bane harɛre ne ba kooni tɛɛ ba a berɛ ba kapɛrɛ kwa,

Yela 78:55

O tɔ sie doŋi nɛra baa soɡe harɛ la ta, dɛ bɔne harɛ la denaa ta tɛ Israel tena, dɛ kpɔ ba ka so ba deene la ta.

We-ɛɛla 7:45

A ɡɛ Korowii Tɛnte Dea nɔ baa kpɔ tɔne baŋro nɔ baa di ya naawa nɔn ta saŋ bɛl. Ba ɡe naanaree serewa dɛ kpɔ tɛɛ ba. Ba ne Josua aa dɛ valɛ la bwa, dɛ ba cheɡɛ a ɡɛ debaŋre la tɔne. Baa dɛ kaa la bwa dɛ Korowii dɛ doŋi nɛra baa lɔ ba sie bwɛɛre la ta la asɛ baa so a ta. Gɛɛ dea la do ba be ka tel saŋ la Devid aa baa di kora la.

Mmarare 12:9

dɛkalkɛŋɔ he ta dɔe tel bela haa onɛ dɛ́ dɔ kapɛrɛ kwaa Korowii haa dɛ tomɔ nɔ aa kpɔa dɛɛ ba heyaa tɛɛ la.

Mmarare 25:19

Dɛ Korowii baa kpɔ harɛ la tɛ heyaa dɛ kpɔ nɔn tɔ he nɛɛ he dɔma baa bar heyaa cheme nɔ be pera aa, hé nyiŋi kɛrɛdɛ dɛ́ kpoo Amalɛk tena la bwa, dɛ́ he ba ásɛ ba waa tonɛ. He bɛ ɡɛ waa nɔ soh!”

Hibru 1:1

A saŋ la dɛ Korowii cheɡɛ o keamere nɛɛ dɛɛ bol waa ya naawa be. Kera aŋwɛnɛ bwaa o bol waa ba be. Dɛ ŋwɛnɛre waa cheɡɛ a ta dɛɛ bol waa ba be fuuh.

Hibru 4:9

He nyiŋo na naa, ona Korowii aa kwaara cheɡ o nɛra la ta lole bá ba onɛ, kɛŋɔ Korowii aa Ona Tɔpenuanɛ wee la ta la.

Josua 1:15

dɛ́ ka tel kɛŋɔ Korowii aa ɡela ba bwara sɔɔh ba ɡɛ waa ɛa tɛ heyaa la, ka tel kɛŋɔ ba ɡe aa kaa dɔ harɛ Korowii haa dɛ tomɔ aa kpɔa tɛɛ baa la. Mɔɔ he berɛ kaa he ɡbaɡba harɛ Korowii bonɔɔ Mosis aa kpɔa tɛ heyaa o do Jɔɔdan Moo wee leebɔr la ta.”

Josua 11:23

Josua yoo lɛ ɡɛ harɛ la bwa, ɡɛ Korowii aa ŋɔ o bonɔɔ Mosis be la. O bɔna tɛ Israel deene fi dɛ anɛ la, asɛ bɛlbwa dɔ o bɔr. A habɔɔ deŋnesɔɔhna ba harɛ la ta, bɛlbwa ta yoi kpa.

Josua 22:4

Gɛ Korowii haa dɛ tomɔ aa ɡela he bala la dɔ bosɔɔhna ɡɛ waa baɡɛ nyoa la nomanta, hé berɛ kaa harɛre Korowii bonɔɔ Mosis aa kpɔa tɛ heyaa Jɔɔdan Moo wee leebɔr la ta.

Josua 23:1

Korowii baa ɡel Israel tena dɔ ba te ba dɔma nɔn ta biɡri, dɛ Josua hwɛɛhrɔ kɛrɛdɛ,