Hibru 4:7 - mzwDBL

⁷ Korowii berɔ kwaa do tɔpefale, dɛ pa o sɔn “fini.” A habɔɔ aa biɡra la, Korowii cheɡɛ Devid nɛɛ dɛ bol ɡɛ tɔpere nɔ wa. Anee n faa bol la. “Dɛ he no Korowii waa fini naa, he bɛ deŋnekpeɡ ɛ.”

Hibru 4:7 ပူးပေါင်းရင်းမြစ်များ

1 Koranar 6:1

Israel tena aa ira le Ijipt harɛ ta bene lafraanaarɛ fifraanuatoro habɔɔ Kooro Solomɔn ba di kora Israel harɛ ta. Waa di kora bene anaarɛ, korobinɛɛte baa dɛ yerɔ Siv taa o ɡel ba pa mun dɛɛ ma Korowii Dea la.

Yela 95:7

Onee Korowii yaa dɛ tomɛ, o nɛraa yan wɛɛ nyiŋi ya nɛɛ kɛŋɔ peteɡre yon dɛɛ nyiŋi peera nɛɛ la ken. Waa Korowii aa dɛ bol he be fini laanee nɔ,

Matiu 22:43

Anee Yeesu berɛ pɛɛ ba ŋɔ, “Aah ɛrɛ waa Korowii Domadɛɛɡe la aa ir Devid nɛɛ la o berɛ yerɔ o dɔɔ nɔɔ? Devid fa ŋɔ,

Amanesoma Mak Aa Chwera Tɔn 12:36

Dɛkalkɛŋɔ Korowii Domadɛɛɡe fa ir Devid nɛɛ dɛ ɡel o baɡle Kristo waa dɛ ŋɔ, ‘N Naa Korowii ŋɔ n Dɔɔ be ŋɔ ó ba so nomombɔr o diɡ ta ka tel kɛŋɔ waa ba o dɔma ne harɛ ásɛ o tiɡri ba nɛ.’

Amanesoma Luk Aa Chwera Tɔn 20:42

Aah Devid ɡbabir bol waa Korowii Yela Tɔn la bobɛl ŋɔ, ‘N Naa Korowii ŋɔ n Dɔɔ be ŋɔ so nomombɔr n diɡ ta

We-ɛɛla 2:29

Yabala, mɛɛ wonoo bol n naa Devid wa, dɛkalkɛŋɔ ya bwa jemɛ o waa kɛrɛdɛ. O sewɔ, ba huɡo, hale o ŋwam ta lole fini nɔ.

We-ɛɛla 2:31

Devid na chaahna dɛ won jemɛ waa Korowii aa dɛ ba ɛɛ kerekere. Anomanta, Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa la seo ta ira waa o faa bol ŋɔ Korowii ta o waa soɛh lalabwɛ, o ta bɔɔ bini chɔe pɔh la.

We-ɛɛla 28:25

Pɔɔl bol waa tonɛ asɛ baa ba peɡra. Dɛ ba bwa liire ta beŋkpoŋ ɛɛ, baa tɔŋle dɔŋa. O berɔ bol webeŋkpoŋ ja, mɔɔ ba bwa peɡre. O waa waa bola laanee kɛŋɔ, “Korowii Domadɛɛɡe cheɡɛ o keame Aesaya nɛɛ bol waa ya naawa be, dɛ kpelaa o ŋɔ. O bolɔ ŋɔ,

Hibru 3:15

Korowii Tɔn bolɔ ŋɔ, “Dɛ he no Korowii waa fini naa, he bɛ deŋnekpeɡ ɛ kɛŋɔ he naawa fa aa ɛ deŋnekpeɡ dɛ vɛh o waa noe dɛ jo o nɛɛ la.”