Hibru 4:13 - mzwDBL

¹³ Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Hibru 4:13 ပူးပေါင်းရင်းမြစ်များ

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

2 Webena 6:30

noa nyundua bela haa soɡa la, dɛ́ kpɔ kɛ ba. He ɡboo jemɛ nɛn bambile bini wa, che waa bɛlbwa aa ɛa ta dɛ́ tɛr o deŋne.

Job Tɔn 26:6

Lalabwɛɛ chɔ pɛɛ Korowii siwi ta, komɛlbwa toole dɛ́ tɔ o ta waa wola on na.

Job Tɔn 34:21

O sie lɔ nɛra we-ɛɛla ta, dɛɛ na ba naɡale bɛlbwa.

Job Tɔn 38:17

Nomɛl baɡle bela baa kpɔa dɛɛ jo lalabwɛɛ waa ɛ biro la ta kaa?

Yela 139:4

Mɔɔ n pili nyoa dɛ́ bol waa la, dɛ he jemɛ waa maa bol bwa.

Yela 44:21

he fe nao, dɛkalkɛ, he jemɛ ya nyu bini liire aa sɔah bwa.

Yela 7:9

N Naa Korowii, he waa toɡrɔ, he jemɛ nɛwɛnyini bambile bini, ne o liire bwa wa. Gel nyubinikpeɡ tena naɡrenyin waa bwa ba a jaɡa, dɛ́ ɡel nɛra ba wa aa toɡra do le.

Yela 90:8

Ya wechɔɡa chɔ he sie, hɛɛ na anɔ la yaa ɛa dɛɛ sɔh bwa.

Sɛɡla 15:11

Korowii dɛ na lalbɔɔ ne lalabwɛɛ waa bwa, a ta do kɛŋɔ nɛwɛnyini bambile bini.

Sɛɡla 15:3

Korowii dɛ na bobɛlbwa, o dɛ nyiŋi wechɔɡ-ɛɛra ne wedɛɡ-ɛɛra bwa.

Sɛɡla 5:21

Korowii dɛ na wobɛlbwa haa dɛ ɛ, o jemɛ he vala bini bwa.

Wejereme 12:14

Wobɛlbwa yaa dɛ ɛ la, Korowii ɛɛ bol a waa, dɛ́ pa bole, andɛɛɡa ne anchɔɡa bwa, hale anɔ la aa sɔah bwa.

Jeremia 16:17

Korowii dɛ na waa bwa baa dɛ ɛ, a bwa chɔ o sie. Gɛɛ baa wola won kpɔ ba wechɔɡa ɡe sɔɔh.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Jeremia 23:24

Nomɛlbwa aa won ka sɔh bobɛl maa wola on na. N toole nyundua ne harɛ ta bwa naa? Men Korowiirii bola.

Jeremia 29:23

Dɛkalkɛ ba ɛ wedoŋa tenten Israel harɛ ta, ba dɛ nyin ba bala haahna, dɛ che n sɔn ta teŋe nyosone, a ɛ waa maa wola ban a ta doe. N jemɛ a bwa dɛɛ di a danseɛ. Men Korowiirii bola.’ ”

Daneɛl 2:22

O dɛ le kwaa aa sɔah baa wola an na ne baŋ, o jemɛ kon waa lɔ biro ta, asɛ nii baro cheme dɛɛ chaah.

Matiu 6:4

Hé sɔh dɛ́ kɛo, ásɛ he Mɛɛ la waa dɛ na waa haa ɛa dɛɛ sɔh bwa la bɔ heyaa kem.”

Amanesoma Jɔn Aa Chwera Tɔn 2:24

Kɛ Yeesu ta ban yaradae kɛŋɔ ó kpɔ o te tɛɛ ba, dɛkalkɛŋɔ o jemɛ nɛwɛnyini da kɛrɛdɛ.

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

Amanesoma Jɔn Aa Chwera Tɔn 4:16

Anee Yeesu ŋɔ o be ŋɔ ó ka yerɛ o jaa ba.

We-ɛɛla 17:31

dɛkalkɛŋɔ o do tɔpere waa dɛ ba nɛwɛnyini bwa waa bola kasinteŋ ne la. O le nɛn wɛɛ ba waa la bola. O ir naate seo ta ásɛ nɛra jemɛ kɛŋɔ kpelaa o waa la.”

Tɔn Pɔɔl Aa Chwerɛ Rom Tena 2:16

Waa nɔ bwaa dɛɛ ba ɛɛ awola Korowii aa dɛ ba nɛra wechɔɡa baa ɛa dɛɛ sɔh la ne bochaah lee, ásɛ Yeesu Kristo pa ba bole. Gɛɛ me Amanesoma la ɛɛ baɡle.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

2 Kɔrent 5:10

dɛkalkɛŋɔ ya bwa ɛɛ ba che Yeesu Kristo sie o bol ya waa dɛ́ pa bole, ásɛ bɛlbwa dɔ waa o fa aa soɡe le dɛɛ ɛ la kembɔr. Dɛ bɛlbwa we-ɛɛla wer oo, aa were oo, wɛɛ dɔ a kembɔree.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”