Hibru 3:9 - mzwDBL

⁹ He naawa bene fifraanaarɛ baa dia kpɔɡ baah la, ba daah mɛ na dɛ na waa maa ɛa bwa.

Hibru 3:9 ပူးပေါင်းရင်းမြစ်များ

Yela 95:9

He naawa na waa maa ɛa tɛɛ ba bela, kɛ ba daah mɛ na.

Kaala 19:4

“Hé ɡbabir na ɡɛ maa ɛa Ijipt harɛ ta, ne ɡɛ maa kpɔ heyaa kɛŋɔ kee yon kpɔ o bii o kena ta dɛ ba he ne n be.

Kaala 20:22

Belaa Korowii ŋɔ Mosis be ŋɔ, ó bol ɡɛ waa nɔ baɡle Israel tena ŋɔ, “He ɡbabir nao kɛŋɔ men Korowii aa le nyundua dɛ bol waa he be.

Emɔs 2:10

Menee lawɛ heyaa le Ijipt harɛ ta, dɛ kpɔ heyaa kpɔ pua hɛŋle ɡbo harɛ ta bene fifraanaarɛ, dɛ ba kpɔ Amɔre tena harɛ tɛ heya.

Nɛra Kura 14:33

Asɛ he bii ɛ peteɡra dɛɛ ɡaaɡe pua hɛŋle ɡbo harɛ nɔ ta bonɔ bene fifraanaarɛ dɛɛ koh, á ɛ yarada haa wola dɔe la kembɔr, dɛ́ ka tel kɛŋɔ he bwa aa baa serewe kwaraa.

Amanesoma Luk Aa Chwera Tɔn 7:22

Anee Yeesu ŋɔ Jɔn toroma la be ŋɔ, “Hé ka bol Jɔn be waa haa baa na ne anɔ la haa baa no. Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

We-ɛɛla 13:8

Dɛ dobodobo te la aa nyin kɛŋɔ nomoa la no Yeesu wa, dɛɛ tɔ Banabas ne Sɔɔl ŋwɛnɛ, dɛɛ tɔŋ ba.

We-ɛɛla 7:36

Mosis ɛ nyokpowaa Ijipt harɛ ta mɔɔ dɛ kpɔ o nɛra le bela, dɛ ɛ nyokpowaa Mposwɛm la ta bene fifraanaarɛ baa dia pua hɛŋle ɡbo harɛ ta la bwa ta.

Mmarare 11:7

He siwi na wejena nɔ Korowii aa ɛa bwa sekwaraa.

Mmarare 29:2

Mosis yerɛ Israel tena la bwa dɛ ŋɔ ba be ŋɔ, “Hé na waa Korowii aa kpɔa ɛ Ijipt kooro ne o nomonome, ne nɛra baa lɔ Ijipt harɛ ta la bwa.

Mmarare 4:3

Hé ɡbabir na ɡɛ Korowii aa ɛa Peɔ Bwejen ta siwi ne. O kpoo he bini banɔ la baa dɛ tomɛ voɡ Baal la.

Mmarare 4:9

A bwaa kɛŋɔ hé nyiŋi kɛrɛdɛ dɛ́ ɡel he sie chɔ harɛ, hɛɛ berɛ waa haa naa la soeh. Hé bola baɡle he bii ne he naanar.

Mmarare 8:2

Hé lii ɡɛ Korowii haa dɛ tomɔ nɔ aa tɔ he sie ŋwɛnɛjaŋ pua hɛŋle ɡbo harɛ ta bene fifraanaarɛ bwa, dɛ daah heyaa na wekpeɡa ne, dɛ tɛr he deŋne he pwɛr he te la. Asɛ a che a ta o won jemɛ he bambili bini kɛ he dɛ teŋɛ o Mmarare waa do heya la ta, kɛɛ haa teŋɛ.

Mmarare 8:4

He vala bini bene fifraanaarɛ bwa ta la, he laala ta he bwara ta kɛɛrɛ á ba ɛ kɛŋɔ he nakpale ɛɛ darawoo.

Josua 23:3

Hé ɡbabir na ɡɛ Korowii haa dɛ tomɔ la aa koh he waa dɛ ɛ harɛre nɛra ba fa aa soɡe bonɔ. Dɛ on Korowiirii yoa dɛɛ tɛ heya.

Josua 24:7

Ba wio no men Korowii ŋɔ ń cha ba, asɛ n ɡel bɔr bir ba ne Ijipt tena la baah ta. Anee n ɡel mpo la nee su ba bɔle ba nɛ. He ɡbabir na ɡɛ maa ɛ Ijipt tena la. Asɛ he so pua hɛŋle ɡbo harɛ ta dɛ biɡri taeh.

Josua 5:6

Israel tena aa le Ijipt harɛ ta la, ba ɡaaɡe pua hɛŋle ɡbo harɛ ta bene fifraanaarɛ, ka tel kɛ baala baa tela ne laa yoi bwa aa serewa. Ba ɛ deŋnekpeɡ ba ta Korowii waa la ta teŋɛ. Dɛ Korowii ŋwɛɛrɔ kɛŋɔ, nomɛlbwa waa wola o waa ta teŋɛ la aa harɛpare ondɛɛɡe o kpɔ baɡɛ ba naawa nyoa la taa tel.