He bɛ lwɛmkpeɡ ɛ kɛ ban, dɛ́ kpɔ he te do Korowii haa dɛ tomɔ la lɔɡa. Hé ba o Dea waa ɡela o do ɡoroŋ saŋ bɛlbwa la bini Jerusalam, dɛɛ tomɔ ásɛ o bandia le he nɛ.
Kooro Sedekia berɔ ɛ Kooro Nebukadnesa waa ɡela o ŋwɛɛ Korowii sɔn ta ŋɔ, wɛɛ kpɔ o tenee do o lɔɡa la deŋnekpeɡ. O taŋ deŋne, o ta o liire charɛ dɛ ba Korowii Israel tena aa dɛ tomɔ la be.
Anee Korowii ŋɔ Mosis be ŋɔ, “Saŋ besoo nɛra nɔ ɛɛ ba n nyubaah nyiŋa ɡela ɔ? Ba teŋɔ dɛɛ vɛɛh mɛ ŋɔ baa men yarada, hale n nyokpowe-ɛɛla maa ɛa ba bini la bwa habɔɔ.
dɛkalkɛ ba bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire, ásɛ n lɛɛ ba.’
Ba bini bane deŋne kpeɡri baa waa la yarada kwara, dɛɛ bol Yeesu nɛɛ teŋa la waa aa wola were kwara nɛnlaa la bwa baah ta. Anomanta, Pɔɔl ɡel ba, dɛ lawɛ nɛra baa yarada Yeesu waa la, asɛ tɔpere bɛlbwa o ne ba kaa cheme bobɛl baa dɛ yerɛ bela Teraanɔs Sukuu la ta.
Ɛrɛɛ he deŋne do kpeɡri kɛŋɔ Ijipt kooro ne o nɛra nɔɔ? Hé lii ɡɛ Korowii fa aa tɛr ba deŋne kohona, dɛ ka tel kɛŋɔ baa tɛ Israel tena ŋwɛnɛ ba le Ijipt harɛ ta kaa la.