Hibru 2:16 - mzwDBL

¹⁶ Ya jemɔ kɛŋɔ kasinteŋ, nyundua toroma laa o cha nɔ, Abraham naanaree o cha.

Hibru 2:16 ပူးပေါင်းရင်းမြစ်များ

Mumpar 22:18

ásɛ a che ba nɛɛ ń tɛ nɛwɛnyina bwa hɛɛra. Mɛɛ ɛ ɡɛɛ dɛkalkɛ, he ɛ waa maa dɛ nyin.”

Tɔn Pɔɔl Aa Chwerɛ Rom Tena 2:25

He dɛ teŋɛ Mmara la ta naa, dɛ he pena teŋa nɔ dɔ mun. Kɛ dɛ haa Mmara la ta teŋaa, ate he fe ɡel he pena teŋa bɔ.

Galaasia 3:16

Korowii Tɔn la baɡlɔ kɛŋɔ Korowii baɡɛ Abraham ne o naa nyoa. Korowii Tɔn la ta ŋɔe ŋɔ Korowii baɡɛ Abraham ne o naanar nyoa. Dɛ Abraham ne o naa. O baɡlɔ kɛŋɔ Abraham naa beŋkpoŋ, onee kɛ Kristo.

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.

Hibru 12:10

Ya mɛɛnanar baa lolɛ yaa la, tɔpera anɛ bɛlee ba tɛr ya deŋne ɡɛ ba ɡe aa naa kɛ aŋwɛnɛ taa la. Kɛ Korowii te aa dɛ tɛr ya deŋne la, ya ɡbaɡba kɛrɛdɛ waa wɛɛ ɛ ɡɛ ásɛ ya do ɡoroŋ kɛŋɔ ɡɛ waa doa la.

Hibru 2:15

Yeesu ɛ ken ásɛ dɛ won lɛ nɛra baa koh seo ɔma waa dɛ ɛ yoma ba soɡa bini bwa la.

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.

Hibru 6:16

Dɛ nɛn dɛ ba ŋwɛɛra aa, kon waa ɡwaaloo o yon ŋwɛɛ, ásɛ ba jemɛ kɛ kasinteŋii wɛɛ bol, dɛ tɔŋla bɛlbwa teŋo.

1 Pita 1:20

Korowii aa leo ŋɔ ó ɛ a ɡɛ toma nɔ, dɛ ba ta nyundua ne harɛ tae mɔɔ. Kɛ he waa o koh dɛ ɡel o ba harɛ nɛra nao, tɔpera aa ka mun nɔ ta la.