Hibru 13:24 - mzwDBL

²⁴ Ya dɛ na he nomonome la bwa, ne Korowii nɛra la bwa. Yabala Itali harɛ tena la ɡe dɛ na heya.

Hibru 13:24 ပူးပေါင်းရင်းမြစ်များ

We-ɛɛla 18:2

Belaa o ka na Juu te bɛl, dɛ o sɔne Akwela. Dɛ Pɔntos tee on, asɛ o ka so Rom, dɛ berɛ le bela ba Kɔrent, dɛkalkɛŋɔ dɛ Rom Koojen Klɔdeɔs doŋi Juu tena bwa Rom. Dɛ Akwela haah sɔne Presela. Pɔɔl la ba be dɛ ka na ba,

We-ɛɛla 27:1

Ba vɔrɔwɔ ŋɔ yá kpɔ nee ta kaa Itali harɛ bela Rom Koojen aa soɡa la. Anomanta, ba kpɔ Pɔɔl ne nɛra bane baa do ba ɡe dea ja o nɛɛ la tɛ Rom Koojen soojanomoa bɛl baa dɛ yerɔ Juleɔs la.

We-ɛɛla 9:13

Belaa Ananias ŋɔ, “N Dɔɔ, nɛra baa bol baa nɔ waa n be warɔ. O wechɔɡdamanta waa ɛ he nɛra ba wa aa toɡra Jerusalam la bwa waa ba bol n be.

1 Kɔrent 16:16

Anomanta, n dɛ soŋe heya, hɛ́ɛ no nomɛlbwa waa do ken ne nɛra baa ja ba nɛɛ dɛɛ koh toma nɔ ta la deŋna wa.

2 Kɔrent 1:1

Men Pɔɔl aa too Korowii tea asɛ o lee mɛ ŋɔ ń ɛ Yeesu Kristo torome la, n ne ya dɔŋ Timotii chwerɛ tɔn nɔ. Ya chwerɔ dɛɛ tɛ asɔre tena baa dɛ tomɛ Korowii Kɔrent, ne Korowii nɛra ba wa aa toɡra bwa baa lɔ Akaya harɛ ta.

2 Kɔrent 13:13

Korowii nɛra ba wa aa toɡra dɛ do bonɔ bwa dɛ na heya.

Felepae 1:1

Men Pɔɔl ne Timoti yaa ɛ Yeesu Kristo bonɔɔna la, yanee chwerɛ tɔn nɔ dɛɛ tɛ Korowii nɛra he wa aa toɡra, he ne Yeesu Kristo pɛ he do Felepae la, ne he nɛra baa tɔ asɔre tena sie ne nɛra baa chɔ tomare nyoo la bwa.

Felepae 4:22

Korowii nɛra ba wa aa toɡra la bwa dɛ na heya. Banɔ la baa lɔ Rom koodem laanee dena dɛɛ na heyaa kohona.

Kolosi 1:2

Ya chwerɔ dɛɛ tɛ yabala haa lɔ Kolosi dɛ ɛ Korowii nɛra, asɛ he ne Yeesu Kristo pɛ, hɛɛ teŋɛ o nɛɛ kasinteŋ ne la. Ń Naa Korowii cha heya, dɛ́ tɛ heyaa bosɔɔhna.

Faelemɔn 1:5

dɛkalkɛŋɔ n no he nyina haa dɛ nyin Korowii nɛra ba wa aa toɡra bwa, ne ɡɛ haa dɛ yarada ya Dɔɔ Yeesu la wa.

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

Hibru 13:7

Hé nyiŋi he nomonome ba fa aa bol Korowii waa dɛɛ baɡle heyaa la. Hé nyiŋi ɡɛ ba fa aa teŋɛ Korowii ŋwɛnɛ ta dɛ ba serewe, dɛɛ yarada Korowii ɡɛ ba fa aa dɛ yaradao la.