Hibru 13:22 - mzwDBL

²² Yabala, n dɛ soŋe heyaa kɛŋɔ he lawɛ bambile, dɛ́ no waa nɔ maa chwera dɛ kpɔ dɛɛ ja heyaa nɔ. He nyiŋo na naa, tɔn nɔ maa chwerɛ heyaa nɔ aa jaŋɛ bɛlbwa.

Hibru 13:22 ပူးပေါင်းရင်းမြစ်များ

We-ɛɛla 13:15

Baa soɡe bela la, nɛra bane kure waane le Mosis Mmara Tɔn bini ne Korowii Keamere Tɔn bini, asɛ nomonome baa dɛ nyiŋi cheremi dea la bini waa ta la ŋɔ Pɔɔlwa be ŋɔ, “Yabala, dɛ he dɔ waane dɛ́ bol dɛ́ ja yaa aa, ŋwɛnɛ chɔ le.”

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

2 Kɔrent 5:20

Taraken nɔ, Yeesu Kristoo tomɛ yaa ŋɔ yá bol waa dɛɛ tɛo la. A kaa ɛ kɛŋɔ Korowiirii cheɡɛ ya nɛɛ dɛɛ bol waa nɛra be la. Ya cheɡɛ Yeesu Kristo naa ta dɛɛ soŋe heyaa kɛŋɔ, hé ɡel he ne Korowii baah kwaa he pɛ.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

Galaasia 6:11

N ɡbaɡbaa chwerɛ bonɔ la. Hé na ɡɛ maa chwera a do bare ɡɛ!

Ɛfesos 3:3

O ɡbaɡbaa pili o wesɔɔhla waa bini baɡ mɛ. N fa chwerɛ ɡɛ waa nɔ tama dɛ tɛ heya.

Hibru 12:5

He soh ɡɛ Korowii aa kpɔ heyaa ɛ o bii dɛ ja heyaa la aa? Ba chwerɔ ŋɔ, “N bie, dɛ Korowii dɛ tɛr he deŋne aa, bɛ an wesale lii. Dɛ o dɛ toɡre naa, bɛ ɡel a hwah he bwara,

Hibru 13:19

N dɛ soŋe heyaa kohona, ásɛ he soŋe Korowii, ásɛ o ba n ne he be warane.

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

Hibru 4:1

Korowii nyoa waa baɡɛ nɛra ona waa ŋɔa bá ba onɛ la ta lole. Anomanta, hé ɡel ya nyiŋi kɛrɛdɛ ásɛ he bɛlbwa bɛ a ɡɛ nyobaɡa la ba paŋɛ.

Hibru 4:11

Anomanta, hé ɡel ya swɛɛ siwi dɛ́ dɔ ɡɛ ona la. A ta chɛ kɛ bɛlbwa ɛ a saŋ la tena deŋnekpeɡ la dɔŋ dɛ́ ba paŋɛ ɡɛ ona nɔ.

1 Pita 5:12

Silasee cha mɛ n chwerɛ heyaa tɔmbora nɔ la. N jemɔ kɛ o waa dɔ kasinteŋ ya teŋa yaa dɛ teŋɛ Yeesu Kristo nɛɛ nɔ ta. N dɛ nyin he jemɛ ɡɛ aa chɛ kɛ hɛɛ ɛ, dɛ́ jemɛ kɛŋɔ ɡɛ n fa aa baɡle heyaa chae Korowii aa sune ya nɛɛ dɛ cha yaa la, a ɛ kasinteŋ. Hé den lawɛ a bini kiŋkiŋ.