Hibru 13:21 - mzwDBL

²¹ Kórowii waa dɛ tɛ bambisɔɔhna la tɛ heyaa dadɛɛɡe aa chɛ kɛ he dɔ, dɛ́ won dɛɛ ɛ o tetoora bwa. Ó che Yeesu Kristo nɛɛ dɛ ɛ waa waa dɛ nyin bwa ya bini. Yeesu Kristo chɛ jam saŋ te bɛlbwa! Aamen.

Hibru 13:21 ပူးပေါင်းရင်းမြစ်များ

2 Webena 30:12

Gɛɛ Korowii ɛ, dɛ ja Juda tena nɛ, dɛ ɡel ba dɔ nyopɛo, dɛ teŋɛ waa kooro ne o nomonome aa do ba la ta, ɡɛ waa bola la.

Yela 138:8

N Naa Korowii, hɛɛ ɛ waa haa baɡ mɛ nyoa laanee. He nyina haa dɛ nyin yaa lole saŋ bɛlbwa dɛɛ la, anomanta, bɛ he ɡbaɡba nɛra haa ta yaa la vɛh.

Matiu 12:50

Nomɛlbwa waa dɛ ɛ waa n Mɛɛ waa lɔ nyundua aa dɛ nyin kɛ ó ɛ laanee n nime ne n nimambie ne n nya.”

Matiu 21:31

Nɛra banɛ nɔ, ba bini umee ɛ o mɛɛ tetoowaa tɛo wɔ?” Anee ba ŋɔ, “O binomoa laanee.” Belaa Yeesu ŋɔ ba be ŋɔ, “Kasinteŋ, toɔ lɛɛra baa dɛ bɔ nɛra apoo ne jwamane tena bwa ɛɛ tɔ siee dɔ Korowii Kora la ta jo ɡel heya,

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Matiu 7:21

Nɛra baa dɛ yer mɛ ‘N Dɔɔ, n Dɔɔ’ la bwa laa dɛɛ ba Korowii Kora la bini dɔe dɛ́ ja, nemenɛ banɔ la baa dɛ ɛ n Mɛɛ waa lɔ nyundua la tetoowa.

Amanesoma Jɔn Aa Chwera Tɔn 17:23

N ne ba ɛ beŋkpoŋ, n ne he ɡe ɛ beŋkpoŋ, bɛl aa wola won daɡre o te o dɔŋ nɛ aa, anee dɛ́ ɡel ba beŋkpoŋri la won che kɛrɛdɛ, ásɛ nɛra baa dɔ harɛ nɔ ta ɡbo liire la jemɛ kɛŋɔ henee tom mɛ dɛɛ nyin ba ɡɛ haa dɛ nyin mɛ la.

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Tɔn Pɔɔl Aa Chwerɛ Rom Tena 11:36

O ta nomɛlbwa kem dii, dɛkalkɛŋɔ on ta kon te bɛlbwa. O nɛɛ komɛlbwa che dɛ do le, o waa ɡee a do le. O chɛ jirima saŋ bɛlbwa. Aamen.

Tɔn Pɔɔl Aa Chwerɛ Rom Tena 16:27

Hé ɡel ya che Yeesu Kristo nɛɛ dɛ́ jam Korowii o ɡbo aa ɛ Korowii, dɛ ɡbo jemɛ wobɛlbwa la. O jirima aa tonɛ bwa! Aamen.

2 Kɔrent 9:8

Korowiirii dɛ won tɛ heyaa kwaa a ɡwaa ɡɛ haa dɛ nyin, ásɛ he dɔ kohona saŋ bɛlbwa, dɛ́ won kpɔ dɛɛ ɛ wedɛɛɡa kohona.

Galaasia 1:5

Korowii chɛ kɛ yá kpɔ jirima tɛo saŋ te bɛlbwa. Aamen.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Ɛfesos 2:18

Onee ɡela ya bwa dɔ Korowii Domadɛɛɡe la, dɛ che o nɛɛ dɛ won dɛɛ tel o Mɛɛ la be.

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Felepae 2:11

ásɛ nomɛlbwa sɛh kɛŋɔ Yeesu Kristoo nɛra bwa Dɔɔ, ásɛ o Mɛɛ Korowii dɔ jirima.

Felepae 2:13

dɛkalkɛŋɔ Korowii soɡe he bɛlbwa nɛɛ dɛɛ ɛ toma, dɛ ɡel he won sɛh dɛ won dɛɛ tomɔ kɛrɛdɛ ɡɛ aa su o siwi.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

Kolosi 3:20

Bechale, hɛ́ɛ no he nyare ne he mɛɛnanar waa saŋ bɛlbwa, dɛkalkɛŋɔ ɡɛɛ dɛɛ lɛ Korowii sie.

Kolosi 4:12

Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa.

1 Tesalonika 3:13

Wɛɛ ɡeloo he do kpeɡri, dɛ bɛ wechɔɡa dɔ, dɛ́ ɛ nɛndɛɛɡa N Naa Korowii waa ɛ ya Mɛɛ la be, awola o ne o toromedɛɛɡa la bwa aa ba la.

1 Tesalonika 4:3

Korowii dɛ nyin kɛ he ɛ nɛndɛɛɡa dɛ laa he te kpɔ jwamane ta.

1 Tesalonika 5:23

Korowii waa dɛ tɛ yaa bosɔɔhna la, ó ɡbabir laa doŋa bwa kpɔ he nɛ, dɛ ɛ heyaa nɛndɛɛɡa ŋwɛnɛ bɛlbwa ta ka tel kɛŋɔ ya Dɔɔ Yeesu Kristo aa ba.

2 Tesalonika 2:17

bá tɛ heyaa ɡbemba dɛ ɡel he che kiŋkiŋ, ásɛ dɛ won ɛ wedɛɛɡa te bɛlbwa, dɛ́ won dɛɛ bola ɡe.

1 Timoti 1:17

Yá kpɔ duure tɛ Koojen la o Kora dii aa wola jaɡa dɔe, waa wola sewɛ bwa, baa wola won on na, o ɡbo aa ɛ Korowii la, dɛɛ ɡuŋu harɛ fini ne tɔpere bɛlbwa. Aamen.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

1 Timoti 6:16

O ɡboo dɔ mkpa waa wola sewɛ bwa, dɛ so bela aa chaahna kohona nomɛlbwa aa wola won tel o jwɛh. Nomɛlbwa ta on nae ka, asɛ nomɛlbwa ɡe aa won nao bwa. Onee chɛ duure ne kpeɡri bwa dɔe saŋ bɛlbwa dɛɛ la. Aamen.

2 Timoti 3:17

Anee dɛ won cha Korowii nɛn ó won ɛ wedɛɛɡa bwa ka tonɛ.

2 Timoti 4:18

Ya Dɔɔ la ɛɛ lee mɛ wobɛlbwa taa, dɛ́ kpɔ mɛ sɔnɔnɔɔ ken kaa o nyundua koobwɛɛ la ta. Onee chɛ kɛ ya tɛo jirima tɔpere bɛlbwa aa wola jaɡa dɔe. Aamen.

Hibru 10:36

A hiaoh kɛŋɔ he lawɛ bambile dɛ́ won ɛ ɡɛ Korowii aa dɛ nyin, ásɛ dɛ won dɔ kwaa waa baɡɛ heyaa nyoa la.

Hibru 12:23

O binomonome o kapɛrɛ aa ku ba nɔn asɛ ba sɔna do tɔn la aa lɔ o be la ta la ɡba cheme bela. Ba ne Korowii waa dɛ ba nɛra bwa waa bola dɛ́ pa bole la, ne lala ba wa aa toɡra dɛ su o siwi, asɛ o ɡel ba ɛ nɛndɛɛɡa ka tonɛ la bwa bee he ba.

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

1 Pita 4:2

Le fini dɛɛ kaa, hé kpɔ Korowii tetoora dɛɛ tɔ sie he soɡa bini harɛ bonɔ. He bɛ kwaa nɛwɛnyina aa dɛ pɛlɛ a ta la nɛɛ dɛɛ teŋɛ kpa.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

1 Jɔn 2:17

Harɛ nɔ ne o pɛla kwaa bwa sekwaraa dɔ jaɡa. Naate waa dɛ ɛ anɔ la Korowii aa dɛ nyin la ɡbosoo dɛɛ ba le doe saŋ bɛlbwa.

1 Jɔn 3:22

Komɛlbwa yaa soŋo la, o dɛ tɛ yaa, dɛkalkɛ ya dɛ no o waa dɛɛ ɛ anɔ la aa dɛ su o siwi.

Tɔn Jud Aa Chwera 1:25

o ɡboo Korowii ne ya Lɛɛ, ya Dɔɔ Yeesu Kristo nomanta. O chɛ jirima. O dɔŋ toole. Onee dɔ komɛlbwa kpeɡri, dɛ ɛ komɛlbwa Dɔɔ dɛ le saŋ la bwa ba le fini, dɛ dɔ a bwa saŋ bɛlbwa! Aamen.

Wepila 4:6

Kookara la sie la ɛo kɛ mpo aa chɔa dɛ do ɡereŋ kɛ diɡi ken. Hweera kwaa anaarɛ ane aa dɔ kena cheɡɔ bar kookara la, bɛlbwa cheɡɛ o bampera beŋkpoŋ ta. A dɔ sibie a siini bobɛlbwa ne a habɔɔne bobɛlbwa.

Wepila 5:13

Asɛ n berɛ no komɛlbwa Korowii aa taa a do nyundua, ne komɛlbwa waa lɔ harɛ nɔ ta ne mpo bini bwa, ne nɛra baa serewa kwaara bwa aa dɛ ŋɔ, “Naate waa soɡe kookara la ta la ne Pebie la chɛ kpɛɛra ne duure ne jirima, dɛ dɔ kpeɡri bwa saŋ bɛlbwa dɛɛ la.”

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,