Hibru 13:14 - mzwDBL

¹⁴ dɛkalkɛŋɔ, ya ta bwɛjen dɔe dɛ so o ta saŋ bɛlbwa harɛ bonɔ. Bwɛɛ o ta aa lɔ sie dɛɛ ba la, o taa ya sie dawɛ.

Hibru 13:14 ပူးပေါင်းရင်းမြစ်များ

Maeka 2:10

Hé ir dɛ kaa, bonɔ ta bɔr haa so onɛ ɛɛ, dɛkalkɛŋɔ he ɡelɔ harɛ la kah doŋa. O chɔɡɔ baa wola won kwaaro kpa.

1 Kɔrent 7:29

Maa ŋɔ ɡɛ nɔ, yabala, yaa harɛ nɔ taa biɡri bɛlbwa. Anomanta, le fini dɛɛ kaa, a chɛ kɛŋɔ he banɔ la haa dɔ haahna la ɛ kɛŋɔ he ta haahna dɔe ken,

2 Kɔrent 4:17

Wahala tama nɔ yaa dɛ na tɔpera anɛ bɛl nɔ ɛɛ ɡeloo ya dɔ jirima aa wola jaɡa dɔe, ásɛ a ɡwaa wahala nɔ kwaraa ken.

Ɛfesos 2:19

Anomanta, he ta hɔɔhra ɛɛ kpa. He ɛ bwɛɛlembii dɛ ja Korowii nɛra la nɛ, dɛ ɛ o ɡbaɡba lola,

Felepae 3:20

Kɛ harɛ nɔ ta ya bwɛɛ ɛɛ. Ya bwɛɛ lɔ nyundua. Yaa lɔ bonɔ nɔ, ya siwi swɛɛrɔ yaa kpa ya Dɔɔ Yeesu Kristo waa ɛ ya Lɛɛ la ó le bela ba.

Hibru 10:34

He na nɛra baa do ba dea la sum, dɛ cha ba ba wahala nae ta. Ba lɛ he kwaa haa dɔa bwa, kɛ he sie ta kie. He sie lɛo, dɛkalkɛŋɔ he jemɔ kɛ he dɔ komɛl waa wola jaɡa dɔe dɛ ɡwaa anɔ la haa paŋa la.

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Hibru 12:27

A ɡɛ waa waa bola dɛ ŋɔ “kerabeŋkpoŋ ja” nɔ dɛ baɡle kɛŋɔ o baa jiɡri nyundua ne harɛ naa, Korowii kontaala aa lɔ a ta dɛ́ won jiɡri la ɛɛ chɔɡoo, ásɛ kwaa la aa wola won jiɡri la do le dɛɛ la.

Hibru 2:5

Nɛra baa dɛ ba le doe yaa dɛ bol ba waa nɔ, o ta ban kpɔe do nyundua toroma lɔɡa.

Hibru 4:9

He nyiŋo na naa, ona Korowii aa kwaara cheɡ o nɛra la ta lole bá ba onɛ, kɛŋɔ Korowii aa Ona Tɔpenuanɛ wee la ta la.

Hibru 9:11

Taraken te, Yeesu Kristo balɔ dɛ ba ɛ Sɔfonomoa, dɛɛ ɛ wefala aa bala dɛ do wer ya jemɛ a waa taraken nɔ la toma. Korowii Tɛnte Dea waa dɛ ɛ toma o bini la dɔ jirima, dɛ do wer kɛrɛdɛ ɡwaa onɔ la. Nɛwɛnyini laa doo, harɛ bonɔ kon laa.

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

Wepila 3:12

Naate waa won yo le la, mɛɛ ɡeloo ó ɛ kɛŋɔ pila n Mɛɛ Korowii Dea bini, waa wola belaa le kpa bwa. Mɛɛ chwerɛ n Mɛɛ Korowii sɔn ne o bwɛjen Jerusalam sɔnee dawɛ o nɛ. Jerusalamfale waa dɛ ba n Mɛɛ Korowii be nyundua lee dɛ́ ba he be la sɔnee mɛɛ ba chwera dawɛ o nɛ, dɛ́ berɛ chwerɛ n sɔnfale dawɛ o nɛ.