Hibru 13:12 - mzwDBL

¹² Gɛ tentenee Yeesu ɡe na wahala dɛ sewɛ bwɛjen Jerusalam dahara, asɛ dɛ kpɔ o chal dɛ laa doŋa kpɔ nɛwɛnyina nɛɛ ásɛ ba ɛ Korowii nɛra.

Hibru 13:12 ပူးပေါင်းရင်းမြစ်များ

Lewi Dea Tena 24:23

Mosis aa bol anɔ baɡle Israel tena la, ba kpɔ baa la le kaa bela baa soɡa la dahara, dɛ ka foɡro bwea kpo. Gɛɛ a do Israel tena la ɛ ɡɛ Korowii aa do Mosis la.

Nɛra Kura 15:36

Ate, ba bwa den lawɔ le dahara dɛ ka foɡro bwea kpo, ɡɛ Korowii aa do Mosis la.

Amanesoma Luk Aa Chwera Tɔn 4:29

Dɛ ba bwɛɛ la chɔŋɛ bwe ta. Ba iro dɛ tɛɡre Yeesu le bwɛɛ la ta, dɛ kpɔɔ ka che bwe la doa bobɛl waa wila su, dɛ́ fee taɡɔ ta, ásɛ o nyu ba yaɡɛ harɛ.

Amanesoma Jɔn Aa Chwera Tɔn 17:19

Ba nomanta, n kpɔ n te tɛɛ dɛ ɛ he ɡbosoroo nɛn ásɛ ba ɡe ɡba won berɛ he ɡbosoroo nɛra, teŋa baa dɛ teŋɛ he kasinteŋ la ta nomanta.

Amanesoma Jɔn Aa Chwera Tɔn 19:34

Kɛ soojare la bɛl kpɔ lampea dɛ yaɡɛ Yeesu loŋi ta. Buɡ la ta, chal ne nee le.

We-ɛɛla 7:58

dɛ tuuɡu le bwɛɛ la dahara. Nɛra baa no o wobol la foo ba laala bil bonɔɔ bɛl baa dɛ yerɔ Sɔɔl sie mɔɔ, dɛ la ka foɡre Steeven bwea.

1 Kɔrent 6:11

He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

Ɛfesos 5:26

O sewɔ tɛɛ ba, dɛ́ ɡel ba won ɛ o nɛra, ásɛ ba doŋa bwa won le ba nɛ, o waa baa noa ne Korowii nee baa sɔ ba nomanta.

Hibru 10:10

Yeesu Kristo aa ɛ Korowii tetoowaa dɛ kpɔ o bwadabii ɛ saraha kerabeŋkpoŋ a den tonɛ la nomanta, o laa ya bwa wechɔɡa kpɔ ya nɛ, dɛ ɡel ya ɛ Korowii nɛra.

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

Hibru 2:11

Yeesuu laa nɛwɛnyini doŋa dɛɛ kpɔ ba nɛɛ dɛ ɡel ba ɛ Korowii nɛra. O ne nɛra waa laa doŋa dɛɛ kpɔ ba nɛɛ la bwa Mɛɛ beŋkpoŋ. A waa aa wola on sihiih ɛ kɛŋɔ o yer ba o nimanar la.

Josua 7:24

Ate, Josua ne Israel tena la lawɛ Akan, dɛ kpɔ suuɡapoŋa la ne batakaare la ne suuɡaswɛm bwe, ne o bii bwa ne o nae ne keeɡore ne peera, dɛ o tɛnte Dea ne komɛlbwa waa dɔa bwa, dɛ kpɔ ba ne a bwa kaa Akɔ Fɛlembɔjen bini.

Wepila 14:20

Nɔna baa sa a ta la cheɡɔ tɛ harɛ nɔ ta nɛra. Bwɛjen la daharaa ba sa ba nɛ, ba chal palɛ kaa kɛ kwansini lafraanɛ, a luŋri ɡe tel naɡale anɛ.