Hibru 13:11 - mzwDBL

¹¹ Juu tena Sɔfonomoa dɛ ba chal ne saraha ɛɛ Boɡoroŋ Tenten la aa, o dɛ jo a ne bela dɛ́ kpɔ soŋe o nɛra wechɔɡa. Kondɛɛra la baa ɛ a chal la te la, ba dɛ le a ne dahara dɛ́ ka fuah.

Hibru 13:11 ပူးပေါင်းရင်းမြစ်များ

Kaala 29:14

Nao la te bwa la, fuh o ol ne o tɔn ne o tea bini kwaa bwa bela baa soɡa la dahara. O ɛ wechɔɡa kpɔe dɛ́ kɛ saraha kon.

Ɛsekeɛl 43:21

Kpɔ nabale la ɛ wechɔɡa kpɔe dɛ kɛ saraha, dɛ́ fuuh bela baa lea cheɡ Korowii Dea la dahara bela.

Lewi Dea Tena 16:27

Nabale la ne booh baa kpɔa ɛ wechɔɡa kpɔe dɛ kɛ saraha, dɛ kpɔ a chal ba Boɡoroŋ Tenten bela ba soŋe wechɔɡa la, a ɡe chɛ kɛ bá chea le bela baa soɡa la dahara dɛ́ ka fuah. A tɔne ne ola, dɛ a tea bini kwaa bwa chɛ kɛŋɔ bá fuah.

Lewi Dea Tena 6:11

Dɛ berɛ ka laa laala waa doa la foo bil dɛ́ kpɔ anfala do, ásɛ dɛ ba kpɔ tɔɔ la le ka ta bela baa soɡa la dahara bela baa ɛo o do wer.

Lewi Dea Tena 6:30

Kɛ wechɔɡa kpɔe dɛ kɛ saraha komɛlbwa baa kpɔ o chal jo n Dea Cheremibɔr, dɛ́ kpɔ soŋe wechɔɡa n be Boɡoroŋ bela la te ta chɛ kɛ ba dia. Fuih chɛ kɛ ba fuah.”

Lewi Dea Tena 9:11

Kɛ o ol la kar ne o tɔn la te, ó le ane bela baa soɡa la dahara dɛ ka fuah.

Lewi Dea Tena 9:9

Asɛ o bibaala kpɔ chal la ba tɛo, o kpɔ nonii do a ta dɛ ɛ ane ɛ kwaa aa paaɡe saraha kon la loŋkoni ta la ta. Dɛ fuɡe chal la kabora ta saraha kon la mun ta.

Nɛra Kura 19:3

Hé lawɔ tɛ sɔfo Eliasa, ásɛ o le o ne he bini kaa dahara dɛ́ ka kpoo n siwi ta.

Nɛra Kura 19:7

Waa ɛ ɡɛ tonɛ la, ó sɔ ne, dɛ́ chɛɡɛ o laala mɔɔ dɛ́ won berɛ ba bela baa baŋre ba tɛnte deene la. Kɛ o doŋa ɛɛ do o nɛɛ ka tel jɔmɔra.