Hibru 13:1 - mzwDBL

¹ He nya biirii dɔŋa Yeesu Kristo waa nɔ ta, anomanta, hɛ́ɛ nyin dɔŋa saŋ bɛlbwa.

Hibru 13:1 ပူးပေါင်းရင်းမြစ်များ

Yela 133:1

Na wer ne silɛɛ aa dɔa kohona, kɛ nɛn ne o dɔŋa aa soɡe sodɛɛɡa nyopɛo ne!

Amanesoma Jɔn Aa Chwera Tɔn 15:17

Waa maa kpɔa dɛɛ tɛ heyaa laanee kɛŋɔ, hɛ́ɛ nyin dɔŋa.”

We-ɛɛla 2:1

Ba tɔpejen baa dɛ yerɔ Pɛntekɔs la telo, asɛ ba bwa cheme bobeŋkpoŋ.

We-ɛɛla 4:32

Dɛ nɛra baa yarada Yeesu waa la dɛ ɛ asɔre tena la bwa dɔ nyopɛo ba liire bwa ɡe ɛ beŋkpoŋ. Bɛlbwa ta o ɡbaɡba kondɔɔla kpɔe ɛ o ɡbo kwa. Dɛ bɛlbwa dɔ kon aa, o dɔŋ konee.

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Ɛfesos 4:3

dɛ́ swɛɛ siwi hé ne he bala baah do wer saŋ bɛlbwa, dɛ bɛ nyopɛo la Korowii Domadɛɛɡe aa tɛ heyaa la chɔɡ.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

2 Tesalonika 1:3

Yabala, ya koh he waa dɛ yon dɛɛ jam Korowii. He chɛ ɡɛ, dɛkalkɛŋɔ he yarada haa dɛ yarada Korowii la dɛ kaa sie saŋ bɛlbwa. Nyina haa dɛ nyin dɔŋa la ɡe ɡba dɛ do kan ja.

Hibru 10:24

Hé ɡel ya lii ɡɛ yaa ɛ, dɛ́ won dɛɛ do dɔŋa ɡbemba, ne dɔŋa nyina ne wedɛɛɡa ɛɛ ta,

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 2:17

Hɛ́ɛ tɛ nomɛlbwa duure, dɛɛ nyin he bala baa dɛ yarada Yeesu Kristo la. Hɛ́ɛ ɔmɛ Korowii, dɛ́ kpɔ duure dɛɛ tɛ he harɛ bwa nyu te.

1 Pita 3:8

Waa maa dɛ nyin n bol laanee kɛŋɔ hé ɡel he nyoa pɛ, hé dɔ dɔŋa chal, hɛ́ɛ nyin dɔŋa kɛŋɔ nyabii. Hé dɔ tedoma dɛɛ tɛ dɔŋa, dɛ pwɛr he te dɛɛ tɛ dɔŋa.

1 Pita 4:8

Waa aa ɛ wehiah kohonaa kɛ hɛ́ɛ nyin dɔŋa bambile bwa ne, dɛkalkɛŋɔ dɔŋa nyina dɛ tɔ wechɔɡa kɛrɛdɛ ta.

2 Pita 1:7

Hɛ́ɛ nyin dɔŋa dɛɛ ja he Korowii ɔma ta, dɛɛ nyin nɛn dɛɛ ja he dɔŋa nyina ta.

1 Jɔn 3:23

Waa Korowii aa dɛ ŋɔ ya be laanee kɛŋɔ, yá yarada o Bie Yeesu Kristo la, dɛ́ɛ nyin dɔŋa ɡɛ waa ŋɔ ya be la.

1 Jɔn 4:20

Dɛ nomɛl hah o dɔŋ dɛ ŋɔ o dɛ nyin Korowii aa, dɛ o teŋe nyosone. Dɛ nomɛl aa o dɔŋ o ne waa pɛa wɛɛ nao la nyin aa, ɛrɛɛ ó ɛ dɛ won nyin Korowii waa wola on na nɔ?

Wepila 2:4

Kɛ he webeŋkpoŋ maa dɔa laanee kɛŋɔ, nyina he fa aa dɛ nyin mɛ loɡla la ta ɡɛ doe kpa.