Hibru 12:5 - mzwDBL

⁵ He soh ɡɛ Korowii aa kpɔ heyaa ɛ o bii dɛ ja heyaa la aa? Ba chwerɔ ŋɔ, “N bie, dɛ Korowii dɛ tɛr he deŋne aa, bɛ an wesale lii. Dɛ o dɛ toɡre naa, bɛ ɡel a hwah he bwara,

Hibru 12:5 ပူးပေါင်းရင်းမြစ်များ

Job Tɔn 34:31

Dɛ nɛn ŋɔ Korowii be ŋɔ, ‘N ɛ wechɔɡa, maa ɡɛɛ ɛ kpa.

Yela 118:18

Korowii tɛr n deŋne kohona, kɛ o ta ɡelɛ n sewɛ.

Yela 119:109

Saŋ bɛlbwa n cheɡɛ seo nyoa, n ta he waa soɛh bwa.

Yela 119:16

N dɛ nyin he Mmarare la kohona, maa he waa laanee vɛh.

Yela 119:67

Mɔɔ he tɛr n deŋne la, dɛ wechɔɡaa n ɛ, kɛ taraken te n dɛ teŋɛ waa haa do mɛ la ta.

Yela 119:75

N Naa Korowii, n jemɔ kɛŋɔ he bole pae toɡrɔ, he che kasinteŋ ta dɛ tɛr n deŋne.

Yela 119:83

N do kɛ yakwajɛɡla, baa wola men kpɔe dɛɛ ɛ wobɛlbwa ken, kɛ n ta he Mmarare la soɛh.

Yela 94:12

N Naa Korowii, nɛra haa dɛ baɡ ba wa, ne banɔ la haa dɛ baɡ ba he Mmarare la, ba na som.

Sɛɡla 3:1

N bie, bɛ waa maa baɡle nɔ soh, ɡel he liire do waa maa ŋɔa hɛɛ ɛ ta,

Sɛɡla 4:5

Kpɔ wejema dɛɛ no waa mun, do liire a ta, dɛ bɛ waa maa bola la ta le.

Jeremia 31:18

N no n nɛra Israel tena suna wii baa dɛ wi, ‘N Naa Korowii, ya do kɛŋɔ kondɛɛre waa kpaŋa ken, kɛ he baɡle yaa ŋɔ yaa teŋɛ he waa ta. Berɛ lawɛ yaa ba he be, ya dɛ kpa kɛ he berɛ lawɛ yaa ba he be, dɛkalkɛ henee Korowii yaa dɛ tomɛ.

Wiile 3:39

Ɛrɛɛ nɛn ta soɡe le dɛ dɔ deŋnetɛra o wechɔɡa wa aa, wɛɛ naɡre waɔ?

Amanesoma Luk Aa Chwera Tɔn 24:6

Waa o fa aa bol he be Galilia harɛ la, he soɔh kɛɛ? O toole bonɔ, o iro.

Amanesoma Luk Aa Chwera Tɔn 24:8

Belaa haahna la ta lii ɡɛ waa la.

1 Kɔrent 11:32

Ya Dɔɔ aa dɛ nyiŋi ya waa bini taraken nɔ, o dɛ tɛr ya deŋne ásɛ ya ɡel wechɔɡa ɛɛ, ásɛ ya bɛ nɛra baa dɔ harɛ nɔ ta liire wɛɛ ba ban bolchɔɡe pae la nɛɛ ja.

Galaasia 6:9

He bɛ ɡel ya bwara ɛɛ hwah ya wedɛɛɡa ɛɛ ta. Dɛ ya swɛɛ siwi a ta naa, Korowii Tɔpere La telaa, yaa komaa.

1 Timoti 1:20

Banɔ la baa hora la bini banee Haemenayɔs ne Alɛksanda. N kpɔ ba do Bɔnsam nɔn ta, ásɛ ba jemɛ kɛŋɔ baa Korowii nɛnhɛla ɛ.

Hibru 12:7

Hé lawɛ bambile wahala haa dɛ na ta, dɛ nyiŋa kɛŋɔ he Mɛɛɛ dɛɛ tɛr he deŋne. He deŋnetɛra la chaɡlɔ kɛŋɔ Korowii kpɔ heyaa ɛ o bii, dɛkalkɛŋɔ bie bɛlbwa toole o mɛɛ aa wola o deŋnee tɛr bwa.

Hibru 13:22

Yabala, n dɛ soŋe heyaa kɛŋɔ he lawɛ bambile, dɛ́ no waa nɔ maa chwera dɛ kpɔ dɛɛ ja heyaa nɔ. He nyiŋo na naa, tɔn nɔ maa chwerɛ heyaa nɔ aa jaŋɛ bɛlbwa.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.