Hibru 12:27 - mzwDBL

²⁷ A ɡɛ waa waa bola dɛ ŋɔ “kerabeŋkpoŋ ja” nɔ dɛ baɡle kɛŋɔ o baa jiɡri nyundua ne harɛ naa, Korowii kontaala aa lɔ a ta dɛ́ won jiɡri la ɛɛ chɔɡoo, ásɛ kwaa la aa wola won jiɡri la do le dɛɛ la.

Hibru 12:27 ပူးပေါင်းရင်းမြစ်များ

Aesaya 34:4

Wee ne korobie dɛ weweela bwa ɛɛ nyoɡroo, ásɛ Korowii doa ɡuɡri kɛŋɔ baa ɡuɡri kalaŋ la. Kwaa aa lɔ nyundua bwa ɛɛ lee harɛɛ kɛŋɔ papohola aa le daa ta dɛɛ lee la.

Aesaya 54:10

Hale bwejena jiɡro le a buɡ ta, asɛ deŋɡarere chuɡri aa, n nyina aa wola jaɡa dɔe la te ɛɛ do lee, n ne he deŋnesɔɔhna fɔo la ɡe aa jaɡa dɔe ba bwa. Men Korowii maa dɔ tedoma tɛɛ laanee bola.

Aesaya 65:17

Korowii ŋɔ, “Mɛɛ ta nyundufale ne harɛfalee. Haa webena a fa aa lole la waa lii kpa bwa.

Aesaya 66:22

Korowii ŋɔ, “Gɛ harɛfale la ne nyundufale maa dɛ́ ba tae a che n kpeɡri ta dɛ́ che kiŋkiŋ la, ɡɛɛ he ne he naanar sɔna ɛɛ ba cheɡa.

Ɛsekeɛl 21:27

Mɛɛ chɔɡ bwɛjen laanee, dɛ́ chɔɡo chɔɡa ɡbaɡba! Kɛ wɛɛ do lee ka tel kɛŋɔ nɛn maa leo ŋɔ ó ba tɛr o bini nɛra deŋne aa ba, mɔɔ ń kpɔɔ do o nɔn ta.’ ”

Haɡae 2:21

“Ŋɔ Juda harɛ ta nomoa Sɛrobabɛl be ŋɔ, ‘Mɛɛ yiiɡi nyundua ne harɛɛ.

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Tɔn Pɔɔl Aa Chwerɛ Rom Tena 8:19

Korowii kontaala bwa siwi swɛɛrɔ aa kpa tɔɔ la wee Korowii aa baɡle nɛra baa ɛ o bii la.

Tɔn Pɔɔl Aa Chwerɛ Rom Tena 8:21

kɛŋɔ tɔpebɛl Korowii ɛɛ ɡeloo a foo dɛ́ le kpeɡri bɛ dɔe nɔ ta, aa wola pɔh kpa, dɛ́ ja Korowii bii nɛɛ dɛ́ ɡe na som kɛŋɔ baa foora la.

1 Kɔrent 7:31

Asɛ he banɔ la ɡe haa dɛ ɛ wobɛlbwa harɛ nɔ ta la bɛ ɛ a ɡwaa kohona, dɛkalkɛŋɔ harɛ nɔ ne o waa dɔ jaɡa. Waa biɡri bɛlbwa.

Hibru 1:10

Korowii berɔ ŋɔ, “Nomoa, wobɛlbwa mumpar la, henee ta harɛ. Kwaa aa lɔ nyundua ɡe, he nɔn tomaa a bwa.

Hibru 13:14

dɛkalkɛŋɔ, ya ta bwɛjen dɔe dɛ so o ta saŋ bɛlbwa harɛ bonɔ. Bwɛɛ o ta aa lɔ sie dɛɛ ba la, o taa ya sie dawɛ.

Hibru 9:11

Taraken te, Yeesu Kristo balɔ dɛ ba ɛ Sɔfonomoa, dɛɛ ɛ wefala aa bala dɛ do wer ya jemɛ a waa taraken nɔ la toma. Korowii Tɛnte Dea waa dɛ ɛ toma o bini la dɔ jirima, dɛ do wer kɛrɛdɛ ɡwaa onɔ la. Nɛwɛnyini laa doo, harɛ bonɔ kon laa.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 21:1

Belaa n na nyundufale ne harɛfale bɛl. Dɛ nyundua ne harɛ la a fa aa lole la te nyoɡrɔ, asɛ mpo ɡe nyoɡre.

Wepila 21:4

Wɛɛ fee ba sinii bwaa ta baa wola wi kpa. Seo aa lee do kpa. Lokua ne wii ne bwadabii wee aa lee do kpa, dɛkalkɛ webena la bwa toole kpa.”

Wepila 21:5

Anee naate waa soɡe kookara la ta la ŋɔ, “Taraken n ɡelɔ wobɛlbwa berɛ anfala.” Dɛ berɛ ŋɔ, “Chwerɛ ɡɛ waa nɔ, dɛkalkɛŋɔ n wobol nɔ ɛ kpela, neɡra toole a ta.”