Hibru 12:24 - mzwDBL

²⁴ Yeesu bee he ba. On cheɡɛ nɛwɛnyini ne Korowii baah ta dɛ fɔwɛ fɔofale la. Bela waa kpɔ o chal merɛ laanee he ba. O chal soŋe wedɛɛɡa dɛɛ tɛ yaa. A ta do kɛŋɔ Ebel chal aa ba taahna ne la.

Hibru 12:24 ပူးပေါင်းရင်းမြစ်များ

Mumpar 4:10

Asɛ Korowii berɛ ŋɔ, “Ɛrɛɛ he ɛ waa aa do ken nɔɔ? He nime chal aa le harɛ la ta la dɛ baɡle kɛŋɔ he ɛ wechɔɡa a chɛ kɛŋɔ ń bɔe a kem.

Kaala 24:8

Belaa o berɛ kpɔ chal la merɛ nɛra la nɛ dɛ ŋɔ, “Chal nɔɔ ɡela fɔo he ne Korowii aa fɔwa dɛ ŋɔ hɛɛ dɛɛ teŋɛ o Mmarare ta la won che tɛ heya.”

Aesaya 55:3

Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.

Lewi Dea Tena 1:5

Ó teŋe nabal la baŋa n sie bela, ásɛ Arɔn bibaala sɔfore la ɛ chal la merɛ saraha kon waa lɔ n Dea Cheremibɔr doonyoa la bɔr la ta. Bá ɛ merɛ o baŋre anaarɛ la bwa ta.

Matiu 23:35

Anomanta, nɛndɛɛɡa baa nya ba nɛɛ dɛ kpoo ba la, dɛ́ le kpoe baa kpo Ebel waa wola wechɔɡa bɛlbwa ɛɛ la, ka tel kpoe baa kpo Bɛrekea bie Sekaria Korowii Dea la, ne bela baa kpoo kwaa dɛɛ tɛo la baah ta bela la, ba bwa waa ɛɛ ɡure he nɛɛ.

Matiu 26:28

Sen nɔɔ cheɡa tɛ n chal maa dɛ ba nɛra kɛrɛdɛ waa koeh dɛ́ fuɡe ta ásɛ Korowii che a ta dɛ́ kpɔ ba wechɔɡa kɛ ba. Á ɛ fɔo dɛ́ chɔ Korowii ne nɛwɛnyini baah ta.

Amanesoma Mak Aa Chwera Tɔn 14:24

Asɛ o ŋɔ ba be ŋɔ, “Sen nɔ cheɡɔ tɛ n chal maa dɛ ba nɛra kɛrɛdɛ waa koeh dɛ́ fuɡe ta. Á ɛ fɔo dɛ chɔ Korowii ne nɛwɛnyini baah ta.

Amanesoma Luk Aa Chwera Tɔn 11:51

Dɛ le Ebel kpoe ta ka tel Sekaria baa kpoo bela baa dɛ fuh kwaa dɛɛ tɛ Korowii ne Korowii Dea la tenten baah ta la. Kasinteŋ, n dɛ ŋɔ he be, Korowii ɛɛ pɛɛ fini nɔ nɛra ba bwa waa.

Amanesoma Luk Aa Chwera Tɔn 22:20

Gɛ tentenee baa di kwaa la tonɛ la, o kpɔ numol ne sen la tɛɛ ba dɛ ŋɔ, “Sen nɔɔ cheɡa tɛ n chal maa dɛ ba he waa koeh dɛ fuɡe ta. Aa ɛ fɔofalee dɛ́ chɔ Korowii ne nɛwɛnyini baah ta.”

Galaasia 3:20

Korowii aa baɡɛ nyoa la ɡe la, o ɡbo waa, nɛmbeŋkpoŋ waa ta keame hiaih.

1 Timoti 2:5

Anee kɛ Korowii beŋkpoŋii lole, dɛ dɔ nachiɡe beŋkpoŋ do o ne nɛwɛnyini baah ta, o ɡe ɛ nɛn. Onee Yeesu Kristo

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Hibru 11:28

Mosis aa dɛ yarada Korowii waa o pa Galekaa Tɔpejen la dii mun, dɛ ɡel Israel tena ɛ chal lɔ ba ɡbeni, ásɛ Korowii nyundua torome waa dɛ kpoo Ijipt tena bibanloɡla la na dɛ bɛ ba te bibanloɡla kpoo.

Hibru 11:4

Yaradaa Ebel dɔ, asɛ o kwaa waa kpɔa ɛ saraha tɛ Korowii won su siwi, dɛ ɡwaa o dɔɔ Keen kwa, asɛ Korowii lɛa dɛ penao kɛŋɔ o ɛ nɛndɛɛɡe o waa su o siwi. O fe sewɔ, kɛ o yaradae waa yarada Korowii nomanta, waa waa ɛa la chɔɔ ba le fini ba ta ɛɛ bola.

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Hibru 7:22

A ɡelɔ Yeesu ɛ ajinamuu te, ásɛ nɛwɛnyina nyiŋi dɛ́ na fɔofale Korowii aa fɔwa dɛ tɛ yaa la wera waa wera dɛ ɡwaa ombene la.

Hibru 8:13

Korowii aa dɛ bol fɔofale waa nɔ, onloɡle la berɛ ombene. Waa berɛ ombene nɔ, o kpeɡri tonɔ, wɛɛ ba nyoɡra.

Hibru 8:6

Taraken nɔ, ba tɛ Yeesu sɔfore toma o ɡwaa harɛ bonɔ sɔfore. Fɔofale la waa cheɡɛ nɛwɛnyini ne Korowii baah ta dɛ fɔwɛ la ɡe ɡwaa ombene la, dɛkalkɛŋɔ a cheɡɛ Korowii nyobaɡa aa do wer la ta.

Hibru 8:8

Kɛ Korowii nao kɛŋɔ o nɛra chɔɡ fɔobene la, a waa o ŋɔ, “Saŋ bɛl ɛɛ bao, ásɛ n ne Israel ne Juu tena fɔwɛ fɔofale bɛl.

Hibru 9:15

Yeesu cheɡɔ tɛ nɛwɛnyini ne Korowii baah ta taraken dɛ fɔwɛ fɔo dɛ tɛ nɛwɛnyini ne Korowii, ásɛ nɛra Korowii aa lee ba ŋɔ ba ɛ o nɛra la won dɔ kwaa waa baɡ ba nyoa la saŋ bɛlbwa dɛɛ la. Baa wonoo dɔa saŋ bɛlbwa dɛɛ la, dɛkalkɛ wechɔɡa ba fa aa dɛ ɛ fɔobene la ta la, Yeesu Kristo aa baa sewɛ la, o bɔ a kem. O sewɔ ásɛ ba wechɔɡa la bɛ won dɔ kpeɡri ba nɛɛ kpa.

Hibru 9:19

Mosis tɔ sie baɡle waa bwa Korowii aa ŋɔa ó nɛra la ɛ dɛ le Korowii Mmara Tɔn bini, mɔɔ dɛ kpɔ nabie ne boohna chale koo nee ta, dɛ kpɔ pee pona aa swɛɛra ne hesɔp ɛ chal ne nee la merɛ Korowii Mmara Tɔn la ne nɛra la bwa nɛ.

Hibru 9:21

Gɛ tentenee o yon ɛ chal la dɛ merɛ Korowii Tɛnte Dea la ne numoli ne koŋkwaare baa dɛ ɛ a ne toma bela la bwa ta.

1 Pita 1:2

Korowii waa ɛ ya Mɛɛ cheɡɛ jema waa jemɛ heyaa wubwa la ta, dɛ le heyaa kɛŋɔ o nɛra dɛ tɛ o te. O Domadɛɛɡe laanee ɡela he do ɡoroŋ, dɛ ɡel hɛɛ teŋɛ Yeesu Kristo waa ta, asɛ o chal yaɡle he doŋa he nɛ. Kórowii cha heyaa dɛ tɛ heyaa bosɔɔhna kohona.