Hibru 12:18 - mzwDBL

¹⁸ Haa ba Korowii be nɔ, kon haa leɡe be laa he ba, kɛŋɔ Israel tena fa aa ba Sinai Bwejen ta la. A ɡɛ bwejen nɔ fa dɛ lawɛ nii jiɡijiɡi ken. Ba fa aa ba o mun la, bɔr bwa biro kpirikpiri ken, asɛ peu ɛɛ ta vuɡuvuɡu ken.

Hibru 12:18 ပူးပေါင်းရင်းမြစ်များ

Kaala 20:18

Nɛra la aa na bwaala nyɛɡla dɛ no o kɔɡra, ne bɛla la sii dɛ na chuu tɔ bwe la ta la, ɔmee laɡ ba dɛ kpɔ bochechela ta ba nɛ ba ka che bojaŋ.

Kaala 24:17

Israel tena te be la, Korowii jirima aa lɔ bwejen la doa la do kɛŋɔ nii aa won kwaa chɔɡa kohona la ken.

Tɔn Pɔɔl Aa Chwerɛ Rom Tena 6:14

Wechɔɡa aa kpeɡri dɔe ba he nɛ, dɛkalkɛŋɔ Korowii suna waa dɛ sune nɛra nɛɛ la lɔɡaa he do. He toole Mmara lɔɡa kpa.

Tɔn Pɔɔl Aa Chwerɛ Rom Tena 8:15

Korowii Domadɛɛɡe la waa kpɔa tɛ heyaa la, o ta ɡelɛ he ne Korowii baah do kɛŋɔ nɛn ne o yom asɛ hɛ́ɛ ɔmɔ. O ɡelɔ he ɛ Korowii bii. O alaworomɛ ya won wii dɛ́ yerɛ Korowii ‘Mɛɛ, n Mɛɛ’, kɛŋɔ bie aa dɛ yerɛ o mɛɛ la.

2 Kɔrent 3:7

Bwe taa Korowii faa chwerɛ Mosis Mmara la dawɛ. Bela Korowii aa kpɔ Mmara la tɛ Mosis la, Korowii jirima ba bela, bela bwa chaah, dɛ chaah Mosis nɛɛ o siebɔr ɛɛ nyɛɡle. Mosis aa la Israel tena be la, dɛ nyɛɡla o siebɔr aa dɛ nyɛɡle la nyoa sɔɔhnɔ tonɛ. Kɛ Israel tena aa nao la, ba ŋɔ o siebɔr dɛ nyɛɡle kohona to, ba ta wone nyiŋu. Mosis Mmara kwara waa dɛ la nɛn ne seo ta la wono ba jirima nɔ dɔŋ ne naa,

2 Kɔrent 3:9

Waa aa ɡela nɛra ɛɛ di bolchɔɡe Korowii sie la dɔ jirima ken aa, dɛ anɔ la aa ɡela nɛra ɛ nɛndɛɛɡa ba wa ɛɛ su o siwi la, ɛrɛɛ a jirima ɛɛ ba doe yɔ?

Mmarare 4:11

Hé bol ba be ɡɛ chuu kohona ne baama aa bira kpirkpir ane aa tɔa, ninlao ɛɛ hɔ a bini dɛɛ kaa nyundua, ɡɛ saŋ he fa aa cheɡɛ bwejen la lɔɡa la wa,

Mmarare 5:5

Dɛ n cheɡɛ he ne Korowii baah ta ɡɛ saŋ dɛ baɡle heyaa o waa bini he ɔmɛ nii la. He ta bwe la teehnɛ. O bolɔ ŋɔ,

2 Timoti 1:7

dɛkalkɛ Korowii Doma waa kpɔa tɛ yaa la ta ɡelɛ ya ɛ ɔmeera. O ɡelɔ ya dɔ kpeɡri, dɛ dɔ dɔŋa nyina, dɛ won ya te lawa.