Hibru 11:5 - mzwDBL

⁵ Yaradaa Enɔk yarada Korowii, asɛ Korowii kpɔɔ kaa o be nyundua, dɛ o ta sewɛ. Ba nyin o bɔr kahonɛ, dɛkalkɛŋɔ dɛ Korowii kpɔɔ kaa nyundua. Ba chwerɛ o waa kɛŋɔ Korowii aa wola on kpɔe kaa o be mɔɔ la, dɛ Korowii sie lɛ o nɛ.

Hibru 11:5 ပူးပေါင်းရင်းမြစ်များ

2 Koranar 2:1

Saŋ bɛl telo kɛŋɔ dɛ Korowii dɛ ba Elaeja kpɔe dɛ́ kaa nyundua kawulewule ne. Dɛ Elaeja ne o bonɔɔ bɛl baa dɛ yerɔ Elaesa dɛ ba Gelɡal lee dɛ́ kaa.

2 Koranar 2:11

Ba taa bol waa dɛ valɛ dɛɛ kaa la, buɡ la ta, dɛ torɔɡo ne jaɡre baa che Elaesa ne Elaeja baah ta a bwa ɛɛ lawɛ nii, asɛ buɡ la ta, kawulewule den ba kpɔ a ne Elaeja kaa nyundua.

Yela 89:48

Umee dɛ́ so le waa wola sewɛ bwa nɔ? Nɛwɛnyinii ume, dɛ́ ŋɔ, waa lalbɔɔ binii kaa lɔ?

Jeremia 36:26

Ate, Kooro la do o bibaa Jeramiil, ne Asriel bibaa Seraya dɛ Abdeel bibaa Sɛlɛmia ŋɔ bá ba lawɛ Baruk ne men Korowii keame Jeremia ba tɛo. Kɛ Korowii lawɛ yaa sɔh.

Amanesoma Luk Aa Chwera Tɔn 2:26

dɛ ɡel o jemɛ kɛŋɔ o siwi ɛɛ na Kristo la Korowii aa baɡɛ nyoa ŋɔ wɛɛ tomɔɔ ó ba lɛ Israel tena la mɔɔ dɛ́ sewɛ.

Amanesoma Luk Aa Chwera Tɔn 3:37

Lamɛk ɡe mɛɛɛ Mɛtusala, Mɛtusala ɡe mɛɛɛ Enɔk, Enɔk ɡe mɛɛɛ Jarɛd, Jarɛd ɡe mɛɛɛ Mahalalel, asɛ Mahalalel la ɡe mɛɛɛ Keinan.

1 Tesalonika 2:4

Anɔ la Korowii aa dɛ nyin laanee yaa bol. Yanee o dɔ hwɛɡa tɛ kɛŋɔ ya bol o Amanesoma la. Anomanta, yaa anɔ la nɛwɛnyini sie aa dɛ lɛ a ta bol, kɛ anɔ la Korowii waa jemɛ bambile bɛlbwa waa la aa dɛ nyin la, anee yaa bol.

Hibru 11:6

Nɛn ta yarada dɔe yaa, o waa aa won lɛ Korowii sie. Nomɛlbwa waa ba Korowii be la, a chɛ kɛ o dɔ yarada kɛŋɔ Korowii lole, dɛ́ yarada kɛŋɔ nomɛlbwa waa dɛ nyin o jemɛ Korowii la, Korowii dɛ chao.

Hibru 2:9

Kɛ ya dɛ na Yeesu te kɛŋɔ Korowii aa ba o ne harɛ, asɛ nyundua toroma ɡwaalo tama, asɛ waa na wahala dɛ sewɛ la, o tɛo jirima dɛ ɡel komɛlbwa ɛɛ tɛo duure. Korowii alaworomɛɛ o sewɛ tɛ nɛwɛnyini bwa la.

1 Jɔn 3:22

Komɛlbwa yaa soŋo la, o dɛ tɛ yaa, dɛkalkɛ ya dɛ no o waa dɛɛ ɛ anɔ la aa dɛ su o siwi.

Tɔn Jud Aa Chwera 1:14

Adam natɛɛ ɡe naa Enɔk fa na ba waa dɛ bol ba waa ŋɔ, “N Dɔɔ ɛɛ ba o nyundua toromedɛɛɡa kaɡboŋa nee,