Hibru 11:4 - mzwDBL

⁴ Yaradaa Ebel dɔ, asɛ o kwaa waa kpɔa ɛ saraha tɛ Korowii won su siwi, dɛ ɡwaa o dɔɔ Keen kwa, asɛ Korowii lɛa dɛ penao kɛŋɔ o ɛ nɛndɛɛɡe o waa su o siwi. O fe sewɔ, kɛ o yaradae waa yarada Korowii nomanta, waa waa ɛa la chɔɔ ba le fini ba ta ɛɛ bola.

Hibru 11:4 ပူးပေါင်းရင်းမြစ်များ

Mumpar 4:10

Asɛ Korowii berɛ ŋɔ, “Ɛrɛɛ he ɛ waa aa do ken nɔɔ? He nime chal aa le harɛ la ta la dɛ baɡle kɛŋɔ he ɛ wechɔɡa a chɛ kɛŋɔ ń bɔe a kem.

Mumpar 4:15

Anee Korowii ŋɔ, “Gɛ laa, nomɛlbwa waa kpoe la, wɛɛ dɔ he wechɔɡa nɔ kembɔr nɔ bele anuanɛɛ.” Asɛ Korowii do Keen dema, ásɛ a baɡle kɛŋɔ Korowii bɛ on kpo.

Mumpar 4:25

Adam ne o haah berɔ lolɛ bibaa. Anee o haah ŋɔ, “Korowii tɛ mɛ bie o ba chiɡ Ebel, Keen aa kpoo la naa ta.” Anomanta, o pa o sɔn Sɛt.

Mumpar 4:8

Belaa Keen ŋɔ o nime Ebel be ŋɔ bá la koo. Baa lɔ bela la, Ebel ne ŋɔ o jemɛ dɛ Keen lawɔ asɛ dɛ kpoo.

1 Koranar 18:38

Ate, Korowii ɡel nii ba le saraha kwaa la ta, dɛ fuh a ne daa la ne bwea dɛ harɛ la bwa, nee aa lɔ bɔɔ la bini ɡe hweeh.

Job Tɔn 8:10

Hé ɡel ya naawa wejema baɡle heyaa wa, dɛ́ nyiŋi waa baa bola bil la ta kɛrɛdɛ.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Sɛɡla 21:27

Korowii kii nɛnchɔɡe saraha, n baa bol kɛŋɔ haa kpɔ liichɔɡa ɛa.

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Matiu 23:35

Anomanta, nɛndɛɛɡa baa nya ba nɛɛ dɛ kpoo ba la, dɛ́ le kpoe baa kpo Ebel waa wola wechɔɡa bɛlbwa ɛɛ la, ka tel kpoe baa kpo Bɛrekea bie Sekaria Korowii Dea la, ne bela baa kpoo kwaa dɛɛ tɛo la baah ta bela la, ba bwa waa ɛɛ ɡure he nɛɛ.

Amanesoma Luk Aa Chwera Tɔn 11:51

Dɛ le Ebel kpoe ta ka tel Sekaria baa kpoo bela baa dɛ fuh kwaa dɛɛ tɛ Korowii ne Korowii Dea la tenten baah ta la. Kasinteŋ, n dɛ ŋɔ he be, Korowii ɛɛ pɛɛ fini nɔ nɛra ba bwa waa.

Taetos 1:16

Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

Hibru 11:2

Yarada taa a che Korowii pena a saŋ la tena.

Hibru 12:1

Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa.

Hibru 12:24

Yeesu bee he ba. On cheɡɛ nɛwɛnyini ne Korowii baah ta dɛ fɔwɛ fɔofale la. Bela waa kpɔ o chal merɛ laanee he ba. O chal soŋe wedɛɛɡa dɛɛ tɛ yaa. A ta do kɛŋɔ Ebel chal aa ba taahna ne la.

Hibru 5:1

Sɔfonomoa bɛlbwa waa dɛ ɛ toma Korowii Dea la, o dɔŋa nɛwɛnyini binii ba yon leo, dɛ kpɔɔ ŋɔ ó ɛ Korowii toma dɛɛ tɛɛ ba, dɛ́ kpɔ jam kwaa dɛɛ tɛ Korowii, dɛ́ kpo kondɛɛra dɛ́ fuah dɛɛ tɛo ba wechɔɡa wa.

Hibru 9:22

Mmara la ta la, chal nee baa fee doŋa waa ne kwaa kɛrɛdɛ ta. Dɛ chal ta fuɡaa, Korowii aa wechɔɡa kpɔe dɛɛ kɛ.

2 Pita 2:8

Lɔt aa ɛ nɛndɛɛɡe o waa su Korowii siwi dɛ do ba baah la, dɛ ba wedoŋa waa dɛ na ne anɔ la waa dɛ no tɔpebii bwa la ɡelɔ o bambile ɛɛ weo.

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.