Hibru 11:37 - mzwDBL

³⁷ Ba foɡre bane bwea dɛ kpoo ba, dɛ kpɔ seradaa teŋni bane bini anɛnɛ, dɛ kpoo bane ɡe tokobie ne. Dɛ booh tɔne ne pee tɔnee bane kpɔ berɛ laala dɛɛ do. Dɛ ba nyao kɛrɛdɛ, asɛ nɛra che ba nɛ, asɛ bane ɡe ɛɛ ba hɔhɔrɔwa aa wola were.

Hibru 11:37 ပူးပေါင်းရင်းမြစ်များ

2 Samoɛl 12:31

asɛ dɛ lawɛ nɛra baa lɔ bwɛjen la ta, dɛ ɡel baa peɡri daa dɛɛ loɡɛ para ne kpanfɛre, dɛ ɡel baa teŋe berekese ɡe. Gɛɛ o ɛ Amɔn bwɛɛre la bwa ta, asɛ o ne o laa tena la bwa berɛ kaa Jerusalam.

1 Koranar 18:13

N dɔɔ, he ta noɛ ɡɛ maa ɛa ɡɛ saŋ Jɛsɛbɛl aa dɛ kpoo Korowii keamere la kɛɛ? N sɔh keamere lafa bwebɔɔne anɛ bini. N pere ba bini fifraanunue bɔɔ beŋkpoŋ bɛlbwa bini, dɛɛ tɛɛ ba nee ne kondikwa.

1 Koranar 18:4

Dɛ Kooro Ahab haah Jɛsɛbɛl ɡelɔ ba kpoo Korowii keamere. Asɛ Obadia kpɔ Korowii keamere lafa ka sɔh bwebɔɔne anɛ bini, dɛɛ tɛɛ ba nee ne kondikwa. O bɔne ba bini, fifraanunue ba do bɔɔ beŋkpoŋ bɛlbwa bini.

1 Koranar 19:1

Kooro Ahab bol o haah Jɛsɛbɛl be ɡɛ Elaeja aa ɛa bwa, ne ɡɛ waa kpɔ tokobii kpo Baal voɡ tena la.

1 Koranar 19:10

O chaŋe ŋɔ, “Korowii Haa Ɛ Koranar Bwa Kooro, he ɡboo mɛɛ tomɛ saŋ bɛlbwa, kɛ Israel tena chɔɡ he ne ba fɔo la, dɛ paɡre kwaa baa ɛ saraha a ta dɛɛ tɛɛ la, dɛ berɛ kpoo he keamere bwa tokobie ne. N ɡboo kaa baa nyin n ɡe dɛ́ kpo.”

1 Koranar 19:13

Elaeja aa no taa la la, o kpɔ batakaare tɔ sie dɛ le bwebɔɔ la bini ba che o nyoa. Asɛ taa bɛl le dɛ pɛɛro ŋɔ, “Elaeja, bɔkwaa hɛɛ ɛ bonɔ nɔ?”

1 Koranar 19:14

Anee o chaŋe ŋɔ, “Korowii waa ɛ Koranar Bwa Kooro, he ɡboo mɛɛ tomɛ saŋ bɛlbwa, kɛ Israel tena chɔɡ he ne ba fɔo la, dɛ paɡre kwaa baa ɛ saraha a ta dɛɛ tɛɛ la, dɛ berɛ kpoo he keamere bwa tokobie ne. N ɡboo kaa, baa nyin n ɡe dɛ́ kpo.”

1 Koranar 19:19

Ate, Elaeja le bela dɛɛ kaa, waa dɛ kaa la, o kaa na Safat bibaa Elaesa ne nɛra baa kpɔ daa dawɛ nae nɛɛ aa parɛ. Dɛ a lɔ bele fi dɛ anɛ, asɛ o teŋɛ fi dɛ anɛ te la nɛ. Asɛ Elaeja la Elaesa be dɛ ka foo o batakaare ta o nɛ.

1 Koranar 21:10

Hé nyin nyosonteŋna banɛ ba so, ásɛ ba ne o sie chaɡɛ dɔŋa. Ásɛ ba haŋɛ o nyoa nɛra la baah ta kɛŋɔ o taah Korowii ne kooro, dɛ́ lawɔ le bwɛjen la ta dɛ́ ka foɡro bwea kpo.”

2 Koranar 1:8

Ba chaŋe ŋɔ, “Batakaare waa doa la ɛ oltɔn, dɛ berɛ kpɔ oltɔn ɡe vɔwɛ kiriso.” Kooro la ŋɔ, “Tisbe te Elaeja laanee.”

2 Koranar 2:13

Dɛ Elaeja yal waa tɔɔ dɛɛ dawɛ o laala ta la leo le, asɛ Elaesa kpɔ dɛ berɛ la ka che Jɔɔdan Moo la nyoa.

2 Koranar 2:8

Asɛ Elaeja foo o batakaare, dɛ laa kpɛwɛ dɛ kpɔ lɔ nee la, asɛ nee la bini pere anɛ, asɛ ba valɛ kpɔ harɛpɛɛ ta le nee la baŋ.

1 Webena 20:3

asɛ dɛ lawɛ nɛra baa lɔ bwɛjen la ta, dɛ ɡel baa peɡri daa dɛɛ loɡɛ para ne kpanfɛre. Gɛɛ o ɛ Amɔn bwɛɛre la bwa ta, asɛ o ne o laa tena la bwa berɛ kaa Jerusalam.

2 Webena 24:21

Kooro Joas sɛoh o ne ba vɔrɔwe Sekaria vɔrɔwa. Asɛ o ɡel ba foɡro bwea Korowii Dea dembaah dɛ kpoo.

Jeremia 2:30

Pɛɛpɛɛ n tɛr he deŋne, haa nyin kɛ he charɛ he liire le waa haa dɛ ɛ ta. He kpoo keamere maa tom ba he be kɛŋɔ nyujente lɔr aa dɛ kpoo ken.

Jeremia 26:23

Ba lawɛ Uria le Ijipt harɛ dɛ kpɔɔ ka tɛ Kooro Jehoiakim, asɛ o kpoo dɛ kpɔ o chɔɔ la ka ta bela baa dɛ huɡe nɛmpɛɛne la.

Sekaria 13:4

Awola tɔpere la, sihiih ɛɛ kpo keame bɛlbwa waa ŋɔa o dɛ na chaahnaa. Waa keamere batakaaree do dɛ́ neɡre nɛra kpa.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Matiu 21:35

Anee nɛra la lawɛ bonɔɔna la, dɛ lɔɔ bɛl, dɛ kpo bɛl, asɛ dɛ foɡre bɛl ɡe bwea.

Matiu 3:4

Gɛ Jɔn nɔ, nyoɡma pona nee ba sɔh o yal, asɛ o kpɔ ol tɔn ɛ kiriso dɛɛ vɔwɛ o chara. O kondikwaa ɡee tontombɛ ne tooh.

Matiu 8:20

Anee Yeesu ŋɔ o be ŋɔ, “Manyajeɡre kwaraa dɔ bɔɔne dɛɛ chɔ a bini, asɛ jumbii aa dɛ ɡah nyundua ɡe dɔ a kɔne. Kɛ Men Nɛn Bie te ta bobɛlbwa dɔe ń chɔ dɛ́ onɛ.”

Amanesoma Luk Aa Chwera Tɔn 13:34

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

We-ɛɛla 14:19

A habɔɔ la, Juu tena bane baa le Ikooniam ne Anteɔk waa lɔ Pisidia harɛ ta la ba bela, dɛ ba bol waa dɛ berɛ Lestra tena la liire, asɛ ba baah di Pɔɔl nɛ. Ba foɡro bwea dɛ tuuɡu le bwɛjen la ta. Dɛ ba dɛ lii kɛ o sewɔ.

We-ɛɛla 7:52

Korowii keamere la bini ume nɛɛ he naawa aa wola cheɡɛ dɛ ɛo saɡasaɡa nɔ? Ba ta nɛra Korowii aa toma ŋɔ bá ba bol o Bonɔɔ la bala waa la kpooraa? Waa bala la, he ɡe ta on yoɡe dɛ kpoo wa aa?

2 Kɔrent 12:10

N sie dɛ lɛ n ɡwɛɡra maa ɡwɛɡra, ne chɛɡa baa dɛ chɛɡ mɛ, ne kpeɡri bɔr yon do tɛ mɛ, ne cheɡa nɛra aa cheɡɛ n nɛ, ne ɡɛ maa koh Yeesu Kristo waa aa noo mɛ bwa ta, dɛkalkɛŋɔ ɡɛ saŋ maa ɡwɛɡre la, a taa mɛɛ do kpeɡri.

Hibru 11:25

O ta sɛɛh ɛ Ijipt tena bodia waa baa lɔ a ta la, dɛkalkɛŋɔ a ɛ wechɔɡa, harɛ bonɔ ɡbo ɡee aa jaɡɛ. O sie lɛ Korowii nɛra la pui dɛ́ na wahala dɛ́ ɡwaa Ijipt tena bodia la.

Hibru 13:3

Hɛ́ɛ lii nɛra baa do ba dea waa kɛŋɔ he ne banee ba do dea ken. Hɛ́ɛ lii nɛra baa dɛ ɛɛ ba hɔhɔrɔwa ɡe waa kɛŋɔ he ɡe aa dɛ na weweele la bɛl ken.

Wepila 11:3

O danseɛ tena banɛ lole, dɛ tɔ lweyale. Wɛɛ tɛɛ ba kpeɡrii bá baɡle o waa la tɔpera kaɡboŋ lafraanɛ fifraanumɛl.”