Hibru 11:13 - mzwDBL

¹³ Korowii yaradae taa a ɡɛ nɛra nɔ bwa do dɛ ba serewe, dɛ ba ta waa Korowii aa baɡɛ nyoa la nae siwi ne. Kɛ ba yarada nomanta, ba naa bojaŋ ba sie lɛ kɛŋɔ haa na hɔɔhra bojaŋ baa ba he sie lɛ la. Ba sɛoh kɛŋɔ ba ɛ hɔɔhra harɛ nɔ ta.

Hibru 11:13 ပူးပေါင်းရင်းမြစ်များ

Mumpar 21:34

Abraham soɡe Filisti tena harɛ ta bela biɡri.

Mumpar 23:4

“N ɛ hɔɔh dɛ ba pu heyaa so, bonɔ laa n le. Anomanta, hé tɛ mɛ harɛ asɛ n yawɛ dɛ huɡe n haah.”

Mumpar 25:8

Dɛ o hwɛɛhrɔ kɛrɛdɛ, dɛ sewɛ dɛ ka pu o naawa.

Mumpar 47:9

Anee Jekɔb chaŋe ŋɔ, “Bene maa kpɔa dɛɛ ɡaaɡe la lɔ lafa fifraatoro, a kwaraa la dɛ a kpeɡri tɛ mɛ. A ta n naawa bene baa dia ba ɡaaɡa bini dɛ so biɡri la tele.”

Mumpar 48:21

Jekɔb ŋɔ Josef be ŋɔ, “Taraken n seo telo, kɛ Korowiirii dɛ́ teŋɛ he nɛ, dɛ́ berɛ kpɔ heyaa ba Keenan, waa ɛ he naawa harɛ ta.

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Mumpar 49:18

N Naa Korowii, n soɡoo dɛɛ kpa kɛŋɔ he ba dɛ́ ba lɛ yaa.

Mumpar 49:28

Gɛɛ Israel deene fi dɛ anɛ la waa do. Gɛɛ ba mɛɛ Jekɔb bol ɡɛ saŋ waa sweera tɛɛ ba la.

Mumpar 49:33

Jekɔb aa bol o waa bwa tonɛ o bii la be la, o kpɔ o nyu bil kapuri ta dɛ sewɛ.

Mumpar 50:24

Josef ŋɔ o dɔɔranar la be ŋɔ, “N dɛ́ ba sewa, kɛ Korowii ɛɛ nyiŋi he nɛɛ ásɛ dɛ kpɔ heyaa le harɛ nɔ ta kaa harɛ waa baɡɛ Abraham ne Aesek ne Jekɔb nyoa la ta.”

Job Tɔn 19:25

N jemɔ kɛŋɔ n Lɛɛ lole, waa bwa jaɡa saŋ la, wɛɛ ba harɛ nɔ taa, dɛ́ ba bol n waa tɛ mɛ.

Yela 119:19

N ɛ hɔɔh harɛ nɔ ta, bɛ he waa haa do mɛ a ta la kpɔ sɔɔh mɛ.

Yela 39:12

N Naa Korowii, no n wesoŋa, no n wii dɛ́ cha mɛ, bɛ he deŋna laa kpɔ n be. N do kɛŋɔ hɔɔh harɛ nɔ ta he sie, kɛŋɔ ya naawa bwa fa aa ɛa la.

Kaala 2:22

Ba lolɛ bibaa, asɛ Mosis ŋɔ, “O sɔne Gɛɛsɔm dɛkalkɛŋɔ, hɔɔhree men harɛ nɔ ta.”

Lewi Dea Tena 25:23

Hɛ́ɛ berɛ harɛ yoɡa tɛ nɛn o den ɛ o kon kwara, dɛkalkɛ he ɡbabir kon laa. Men Korowii konee. He do kɛŋɔ hɔɔhra dɛɛ nyiŋi o ta.

Nɛra Kura 10:30

Anee Hobab chaŋe ŋɔ, “Akai, maa la. Mɛɛ berɔɔ kaa n harɛ ta n nɛra be.”

Nɛra Kura 24:17

N na Israel tena wa aa dɛ ba bala kerekere, kɛ taraken laa. N nyiŋa, kɛ a ta men bɛnɛ. Kooro bɛl ɛɛ le Israel tena binii ba kɛŋɔ wewee ken. Nomoa bɛl ɛɛ ir ba binii, dɛ́ kpoŋe koodaŋɡbala. Wɛɛ kpoo Moab sitɔɔlaa, dɛ́ chɔɡ Sɛt naanar baa ɛ naɡrenyin tena.

Matiu 13:17

Kasinteŋ, Korowii keamere kɛrɛdɛ ne nɛra ba wa aa dɛ su Korowii siwi kɛrɛdɛ fe dɛ nyin kɛ ba na anɔ haa dɛ na nɔ, ba ta dɔe na, dɛ fe ɛɛ nyin dɛ no anɔ haa dɛ no nɔ, ba ta dɔe no.

Amanesoma Jɔn Aa Chwera Tɔn 12:41

Yeesu jirimaa Aesaya na asɛ dɛ bol o waa ɡɛ la.

Amanesoma Jɔn Aa Chwera Tɔn 8:56

He nabaa Abraham sie lɛo wɛɛ tamane n bala wa. O nao o baah sɔɔhno.”

Tɔn Pɔɔl Aa Chwerɛ Rom Tena 4:21

Dɛ Abraham jemɔ kɛŋɔ Korowii ɛɛ wonoo ɛ ɡɛ waa baɡɔ nyoa la.

Tɔn Pɔɔl Aa Chwerɛ Rom Tena 8:24

Korowii aa lɛ yaa la, dɛ ɡɛ hwɛɡa nɔɔ ya dɔ. Kon nɛn aa dɔa la, waa berɛ dɛɛ hwɛɡɛ o waa kɛŋɔ wɛɛ dɔɔ kpa, dɛkalkɛŋɔ kon waa wola nɛn nɔn ta joɛ la, o waa baa hwɛɡɛ.

2 Kɔrent 4:18

Kwaa baa dɛ naa siwi ne la ta laa ya te sie dawɛ. Anɔ la baa wola an na la taa ya sie dawɛ. Kwaa baa dɛ naa la te, tɔpera anɛ bɛlee aa di. Asɛ anɔ la baa wola an na ɡe la, a ta jaɡa dɔe bwa.

2 Kɔrent 5:6

Anomanta, ya bwara aa yaa hwah bwa. Ya jemɔ kɛ ya lɔ ya bwadabii nɔ bini naa, ya toole ya Dɔɔ be,

Ɛfesos 2:19

Anomanta, he ta hɔɔhra ɛɛ kpa. He ɛ bwɛɛlembii dɛ ja Korowii nɛra la nɛ, dɛ ɛ o ɡbaɡba lola,

Hibru 11:14

Nɛra dɛ bol ken aa, dɛ ba dɛ nyin ba chaɡle kɛŋɔ ba dɛ nyin ba ɡbaɡba harɛ dɛ so.

Hibru 11:17

Yaradaa Abraham yarada Korowii waa o won lawɛ o bie Aesek ŋɔ o dɛ kpɔɔ ɛ saraha dɛ́ tɛ Korowii a ɡɛ saŋ Korowii aa daahno na la. Kɛ Korowii aa ŋɔa ó kpɔ o bibeŋkpoŋ Aesek la ɛ saraha tɛo la, o ta vɛɛh.

Hibru 11:27

Waa dɛ yarada Korowii la waa waa wola Ijipt kooro bandia ɔmɛ dɛ le bela, a do kɛŋɔ waa dɛ na Korowii baa wola on na la ken, o ta habɔɔ berɛ.

Hibru 11:39

Nɛra dɛ pena a ɡɛ nɛra nɔ bwa yaradae baa yarada Korowii wa, kɛ ba bɛlbwa ta kon Korowii aa baɡɛ Israel tena nyoa la dɔe.

1 Pita 1:1

Men Pita maa ɛ Yeesu Kristo torome la, men chwerɛ tɔn nɔ dɛɛ tɛ he Korowii nɛra haa peɡra dɛ ka ɛ hɔɔhra Pɔntos, ne Galaasia, ne Kapadoosia, ne Eesia dɛ Bitiinia harɛre ta la.

1 Pita 1:17

Korowii waa wola nɛn siebɔr nyiŋi dɛ bol waa dɛɛ pa bole la, onee he wi dɛɛ yerɔ he Mɛɛ la. Anomanta, hé kpɔ he te kɛ hɔɔhra he soɡa bini harɛ bonɔ, dɛɛ tɛo duure, dɛɛ ɔmɔ.

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.

1 Jɔn 3:19

Anɔ taa yaa ba wona jemɛ kɛŋɔ ya cheɡɔ tɛ kasinteŋ la. Anɔ taa yaa ba bambisɔɔhna dɔe Korowii sie.