Hibru 11:1 - mzwDBL

¹ Bɔkwaa yarada ɔ? Yaradaa kɛŋɔ yaa jema kaih kɛŋɔ yaa wonoo dɔ kwaa yaa dɛ tamane a wa, dɛ jemɛ kɛŋɔ kwaa yaa wola an na siwi ne la bwa lole kpela.

Hibru 11:1 ပူးပေါင်းရင်းမြစ်များ

Yela 27:13

N dɔ hwɛɡa hen Korowii nɛɛ kɛŋɔ, mɛɛ soo, dɛ́ jemɛ he wedɛɛɡa haa dɛ ɛ.

Yela 42:11

Ɛrɛɛ tebinichɔɡ su n bwa ken? Ɛrɛɛ n bambile chɔɡ ken nɔɔ? N kpɔ n hwɛɡa bwa dawɛ hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee n Lɛɛ.

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

1 Kɔrent 13:13

Anomanta, webele atoroo lole, yarada, hwɛɡa ne nɛnnyin. Kɛ nɛnnyinii ɡwaa a bwa.

2 Kɔrent 11:17

N jemɔ kɛ waa maa dɛ bol taraken nɔ, ya Dɔɔ Yeesu laa ŋɔa ń bola. Maŋkurae nɔ maa dɛ maŋkura n te nɔ, ɡɛnewaa mɛɛ ɛ la.

2 Kɔrent 4:18

Kwaa baa dɛ naa siwi ne la ta laa ya te sie dawɛ. Anɔ la baa wola an na la taa ya sie dawɛ. Kwaa baa dɛ naa la te, tɔpera anɛ bɛlee aa di. Asɛ anɔ la baa wola an na ɡe la, a ta jaɡa dɔe bwa.

2 Kɔrent 5:17

Nomɛlbwa o ne Yeesu Kristo aa pɛa la, o berɛ nɛnfale. O ɡel o webena o fa aa dɛ ɛ la, dɛ charɛ dafale.

2 Kɔrent 5:7

dɛkalkɛŋɔ waa yaa dɛ na la ne laa ya so. Waa yaa dɛ yarada a waa la nee ya so.

2 Kɔrent 9:4

Makidoonia harɛ tena teŋɛ n nɛɛ ba dɛ ba na kɛŋɔ he ta he te kpɔe mɔɔ naa, dɛ sihiih ta he te kpoe yaa, sihiih ɛɛ kpo ya tenee, dɛ le ɡɛ yaa dɛ maŋkura heyaa la nomanta.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Hibru 10:39

Ya ta nɛra baa dɛ le habɔɔ dɛɛ nyoɡre la ɛɛ. Nɛra baa dɛ yarada dɛɛ dɔ mkpa laanee yan.

Hibru 11:13

Korowii yaradae taa a ɡɛ nɛra nɔ bwa do dɛ ba serewe, dɛ ba ta waa Korowii aa baɡɛ nyoa la nae siwi ne. Kɛ ba yarada nomanta, ba naa bojaŋ ba sie lɛ kɛŋɔ haa na hɔɔhra bojaŋ baa ba he sie lɛ la. Ba sɛoh kɛŋɔ ba ɛ hɔɔhra harɛ nɔ ta.

Hibru 11:27

Waa dɛ yarada Korowii la waa waa wola Ijipt kooro bandia ɔmɛ dɛ le bela, a do kɛŋɔ waa dɛ na Korowii baa wola on na la ken, o ta habɔɔ berɛ.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Hibru 3:14

Gɛ ya yarada aa doa le mumpar la, dɛ ya wono che ɡɛ kiŋkiŋ ka tel wobɛlbwa jaɡa aa, dɛ ya ne Yeesu Kristo pɛo wobɛlbwa ta.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Hibru 6:12

Yaa nyin kɛ he bwara hwah heya. Ya dɛ nyin he kpɔ nɛra baa lawɛ bambile dɛɛ yarada Korowii, ásɛ o tɛɛ ba kwaa waa baɡ ba nyoa la.

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.