Hibru 10:5 - mzwDBL

⁵ A waa Yeesu aa dɛ ba harɛ ta bala la, o ŋɔ Korowii be ŋɔ, “Konaatena ne koŋkwaa baa kpɔa ɛ saraha dɛɛ tɛɛ la, he sie aa a ta lɛ. Kɛ he ɛ bwadabii bɛl tɛ mɛ.

Hibru 10:5 ပူးပေါင်းရင်းမြစ်များ

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Aesaya 1:11

O ŋɔ, “Bɔkwaa kwaa haa dɛ kpoo kohona dɛ kpɔ ɛ saraha dɛɛ tɛ mɛ la ɛɛ baɡleɔ? Kwaa haa kpoora dɛ fuah dɛ kpɔ dɛɛ jam mɛ, pebala, ne ola noorare pe mɛ, nae ne pebiiri ne boohna chale aa men pɛla dɔ.

Aesaya 40:16

Daa aa lɔ Lɛbanɔn kɔr bini aa kanɛ dɛ won fuh jam kwaa Korowii saraha kon ta, n baa bol ola aa lɔ o ta ba kpoora dɛ fuh dɛɛ tɛo wa.

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Jeremia 31:22

Nɛra he wa aa wola kasinteŋ dɔe, saŋ besoo hɛɛ ba he ɡaaɡe bala nɔ ɡela ɔ? He fa do kɛ bitolo o wa aa wola kasinteŋ dɔe. Mɛɛ beɡre wobɛlbwa anfalaa harɛ nɔ bwa taa, kɛŋɔ haah aa kpɔ nɔn dɛɛ tɔ o jaa nɛɛ la ken.”

Jeremia 6:20

N waane laa daawiile baa le ane Seeba harɛ dɛɛ ba, kɛɛ kalamus a sɔɔh aa soma baa le a ne bojaŋ harɛ ta dɛɛ ba la. Maa saraha kwaa haa dɛ fuah la nyin, n sie aa kwaa haa kpoora dɛɛ tɛ mɛ ta lɛ.

Matiu 11:3

ŋɔ bá ka pɛɛro ŋɔ, “Henee nɛn Korowii aa baɡɛ nyoa ŋɔ wɛɛ ɡeloo o ba la aa, kɛɛ he laa, ásɛ yaa nyiŋi naate habɔɔ?”

Amanesoma Luk Aa Chwera Tɔn 1:35

Belaa nyundua torome la ŋɔ, “Korowii Domadɛɛɡe ɛɛ ba he bee, ásɛ Nemenɛ Korowii kpeɡri tɔ he nɛ, ásɛ he kpoŋe tea. Anɔ taa aa ba cheɡa bie haa dɛ ba lola la ɛ nɛn o wa aa do ɡoroŋ, ásɛ baa yerɔ Korowii Bie.

Amanesoma Luk Aa Chwera Tɔn 7:19

Asɛ o yerɛ ba bini banɛ, dɛ tom ba Yeesu be ŋɔ bá ka bɔɔro ŋɔ onee nɛn Korowii aa baɡɛ nyoa ŋɔ wɛɛ ɡeloo o ba la aa, kɛɛ o laa ɔ, ásɛ baa nyiŋi naate habɔɔ?

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Galaasia 4:4

Korowii Tɔpere La aa tela la, o tomɛ o ɡbaɡba Bie, asɛ nɛŋhaah lolɔ harɛ nɔ ta, asɛ o ɛ nɛra baa dɛ teŋɛ Mosis Mmara ta la bɛl.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Hibru 1:6

Korowii aa dɛ ba o Bie waa lɔ o be loɡla la harɛ ta toma la, o bolɔ ŋɔ, “A chɛ kɛ nyundua toroma bwa ɛɛ tomɔ.”

Hibru 10:10

Yeesu Kristo aa ɛ Korowii tetoowaa dɛ kpɔ o bwadabii ɛ saraha kerabeŋkpoŋ a den tonɛ la nomanta, o laa ya bwa wechɔɡa kpɔ ya nɛ, dɛ ɡel ya ɛ Korowii nɛra.

Hibru 10:7

Belaa n ŋɔ, ‘N Naa Korowii, menee la. N balɔ dɛ́ ba ɛ he tetoowaa ɡɛ baa chwerɛ n waa Mmara tɔn la bini la.’ ”

Hibru 10:8

Anɔ la aa tɔ sie la, o baɡlɔ kɛŋɔ konaatena ne koŋkwaare baa kpɔa ɛ saraha dɛɛ tɛ Korowii la ta o sie lɛɛ. O siwi ta konaatena baa fuah dɛ ɛ saraha dɛɛ tɛo, ne saraha baa ɛa dɛ kpɔ dɛɛ soŋe wechɔɡa la sui, kɛ dɛ Mosis Mmara ɡe fe baɡle a bwa.

Hibru 2:14

Nɛra Yeesu aa dɛ yer ba bechale la, baa ɛ nɛwɛnyina dɛ dɔ bwadabii ne chal nomanta la, o ɡbabir baa berɛ nɛwɛnyini dɛ do kɛ ban, dɛ dɔ bwadabii ne chal. O ɛ ɡɛ, ásɛ dɛ won che o seo waa dɛ ba sewa ta dɛ chɔɡ naate seo aa tɛo kpeɡri nɛra nɛɛ la. Onee Bɔnsam.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.

Hibru 8:3

Sɔfonomoa bɛlbwa tomaa kɛŋɔ wɛɛ fuh kwaa dɛɛ tɛ Korowii, dɛɛ ɛ saraha ɡe. Anomanta, a hiaoh kɛŋɔ ya Sɔfonomoa nɔ ɡe dɔ kwaa waa kpɔ dɛɛ tɛ Korowii.

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

2 Jɔn 1:7

Nyosonteŋna tenten balɔ taraken. Banee wola yarada kɛŋɔ Yeesu Kristo ba harɛ nɔ ta kɛŋɔ nɛwɛnyini la. Nomɛlbwa waa wola ɡɛ yarada la, o ɛ nyosonteŋni dɛ ɛ Yeesu Kristo dɔm.