Hibru 10:29 - mzwDBL

²⁹ Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

Hibru 10:29 ပူးပေါင်းရင်းမြစ်များ

2 Koranar 9:33

Anee Kooro Jehu ŋɔ ba be ŋɔ, “Hé lawɔ dɛ́ kpɔɔ viɡri harɛ.” Asɛ ba lawɛ Jɛsɛbɛl viɡri harɛ, o chal yaɡre danjwɛɛ ne jaɡre la, asɛ a tiɡru do harɛ.

Yela 143:10

Henee Korowii maa dɛ tomɛ. Baɡ mɛ mɛɛ ɛ waa haa dɛ nyin. Nyiŋi n nɛɛ kɛrɛdɛ, dɛ́ ɡel mɛɛ kpɔ ŋwɛnɛdɛɛɡe ta.

Yela 91:13

Hɛɛ tiɡri nyujentena ne harɛkwaare nɛɛ, nyujentena aa ɔma ne domkpuli nɛɛ.

Kaala 24:8

Belaa o berɛ kpɔ chal la merɛ nɛra la nɛ dɛ ŋɔ, “Chal nɔɔ ɡela fɔo he ne Korowii aa fɔwa dɛ ŋɔ hɛɛ dɛɛ teŋɛ o Mmarare ta la won che tɛ heya.”

Aesaya 14:19

Kɛ he te, ba kpɔe viɡri kɛŋɔ baa teŋe daa ta ken, ba ta hen huɡe. Nɛra baa ka laa ta la lalaa tɔ he nɛ, ba kpɔ he ne ba bwa ta bwebɔɔ bini dɛ tiɡri he nɛ.

Aesaya 28:3

Israel sitɔɔla, baa ɛ sennyɔɔra kooɡbɛrɛre baa kpɔa dɛɛ maŋkura ba te la, baa tiɡraa do harɛ.

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

Jeremia 1:5

“N tɔ sie lee cheɡ dɛ tɛɛ mkpa, mɔɔ ba lolɛ la, dɛ n lee cheɡ, menee lee ŋɔ hé ɛ n keame harɛre nɛra bwa nɛ.”

Wiile 1:15

Korowii vɛh n banyoola bwa, dɛ ɡel laa tena ba yo n bonɔɔna, dɛ chɔɡ ba kɛŋɔ ba yon tiɡri ɡrepo nɔna dɛɛ kpɔ a nee la ken.

Ɛsekeɛl 16:6

Belaa n teŋe baa kaa dɛ nae kɛ haa chɔ chal ta dɛɛ ta nakpale. He taa chɔ chal ta bela la, n ŋɔ he be ŋɔ, dɔ́ he nyu dɛ́ so.

Daneɛl 8:13

Asɛ n no kɛŋɔ nyundua torome bɛl aa dɛ bɔɔ o dɔŋ ŋɔ, “Saŋ besoo waa baa naa wepila la ta ɛɛ ba a jaɡa bala ɔ? Bɛweeree wechɔɡa aa do ɔma dɛ ba chiɡ tɔpere bɛlbwa sarahare naa ta nɔ ɛɛ ba ɡela ɔ? Saŋ besoo bá tiɡri Korowii dɔm baa wara ne Korowii Dea nɛɛ ka tel ɔ?”

Maeka 7:10

Belaa ya dɔma ɛɛ ba a nae ásɛ sihiih kpo ba. Banee fa muɡli ya baah ŋɔ, “Leperaa Korowii haa dɛ tomɔ la dɔɔ tenɔ?” Yaa soo dɛ́ na ba chola, baa tiɡri ba nɛɛ kɛŋɔ baa dɛ tiɡri kpechɛɡre ta ken fɔɡbaahna.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Matiu 26:28

Sen nɔɔ cheɡa tɛ n chal maa dɛ ba nɛra kɛrɛdɛ waa koeh dɛ́ fuɡe ta ásɛ Korowii che a ta dɛ́ kpɔ ba wechɔɡa kɛ ba. Á ɛ fɔo dɛ́ chɔ Korowii ne nɛwɛnyini baah ta.

Matiu 7:6

Dɛ hé dɛ bol Korowii Amanesoma dɛɛ baɡle nɛra, asɛ baa no dɛ ɛa kɛ wesalee yaa, hé ɡel ba, dɛkalkɛŋɔ he kpɔ kondɛɛɡa tɛ nyootena aa, aa wola a waa jemɛ la, aa ɡelaa dɛ́ ba dorome. He kpɔ kondɛɛɡa ta parakooni ɡe aa, aa tiɡri a taa dɛ́ laa chɔɡ.”

Amanesoma Mak Aa Chwera Tɔn 7:2

Farisii tena la ne ba dɔŋa Juu tena la bwa ta ba nɔɔra samɛ ŋwɛnɛ saŋ la tena la aa baɡla la ta naa, baa kwaa di, dɛkalkɛŋɔ ba kii.

Amanesoma Luk Aa Chwera Tɔn 12:10

Nomɛlbwa waa bol waa yaɡɛ Men Nɛn Bie la, Korowii ɛɛ kpɔɔ kɛo, kɛ naate waa ɛ Korowii Domadɛɛɡe la nɛnhɛla la te, Korowii aa o wechɔɡaa kpɔ kɛo.

Amanesoma Jɔn Aa Chwera Tɔn 10:36

dɛ men n Mɛɛ Korowii aa lee mɛ dɛ tom mɛ harɛ nɔ ta la ŋɔ Korowii Biee men aa, ɛrɛɛ he ŋɔ n dɛ bol musu waa nɔɔ?

Amanesoma Jɔn Aa Chwera Tɔn 17:19

Ba nomanta, n kpɔ n te tɛɛ dɛ ɛ he ɡbosoroo nɛn ásɛ ba ɡe ɡba won berɛ he ɡbosoroo nɛra, teŋa baa dɛ teŋɛ he kasinteŋ la ta nomanta.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

Tɔn Pɔɔl Aa Chwerɛ Rom Tena 16:20

Korowii waa dɛ tɛ yaa deŋnesɔɔhna la aa biɡri chɔɡ Bɔnsam ne o toma, ásɛ he tiɡri o nɛ. Yá Dɔɔ Yeesu Kristo cha heya.

1 Kɔrent 11:27

Anomanta, nomɛlbwa waa di ɡɛ paanoo nɔ, dɛ kpɔ numol nɔ nyɔ sen nɔ, waa wola an aŋwɛnɛ ta ɛɛ la, dɛ Yeesu bo-ol ne o chalee o kpɔ doŋa dɛɛ leɡe la.

1 Kɔrent 11:29

Dɛ nomɛlbwa dɛ di ɡɛ kwaa nɔ o ta liire kɛŋɔ ya Dɔɔ bo-olii yaa, amɔ dɛ o dɛ muɡli Korowii baah dɛɛ do o te wahala ta.

1 Kɔrent 15:25

Yeesu Kristo chɛ kɛŋɔ ó di kpeɡri komɛlbwa waa lɔ harɛ nɔ ta nɛɛ ka tel kɛŋɔ waa pɔ o dɔma bwa nɛ.

1 Kɔrent 15:27

Ba chwerɛ Korowii Tɔn bini ŋɔ, “Korowii ɡelɔ o dɔ komɛlbwa kpeɡri.” Dɛ ba ŋɔ, “O ɡelɔ o dɔ komɛlbwa kpeɡri” aa, a ta baɡlɛ kɛŋɔ o dɔ o Korowii waa dɔ kpeɡri la dɛ kpɔ tɛo o di la ɡe kpeɡri.

1 Kɔrent 6:11

He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

Ɛfesos 4:30

He bɛ ɡel Korowii Domadɛɛɡe la tea bini chɔɡ. Korowiirii kpɔɔ do heyaa nso dɛ́ won jemɛ he banɔ la waa dɛ ba lɛɛ o lɛɛ tɔpere la.

Ɛfesos 5:26

O sewɔ tɛɛ ba, dɛ́ ɡel ba won ɛ o nɛra, ásɛ ba doŋa bwa won le ba nɛ, o waa baa noa ne Korowii nee baa sɔ ba nomanta.

Hibru 10:10

Yeesu Kristo aa ɛ Korowii tetoowaa dɛ kpɔ o bwadabii ɛ saraha kerabeŋkpoŋ a den tonɛ la nomanta, o laa ya bwa wechɔɡa kpɔ ya nɛ, dɛ ɡel ya ɛ Korowii nɛra.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Hibru 2:11

Yeesuu laa nɛwɛnyini doŋa dɛɛ kpɔ ba nɛɛ dɛ ɡel ba ɛ Korowii nɛra. O ne nɛra waa laa doŋa dɛɛ kpɔ ba nɛɛ la bwa Mɛɛ beŋkpoŋ. A waa aa wola on sihiih ɛ kɛŋɔ o yer ba o nimanar la.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Hibru 4:14

Ya dɔ Sɔfonomonjen waa wona la Korowii sie tenten. Onee Korowii Bie Yeesu la. Anomanta, hé ɡel ya lawɛ o waa la yaa dɛ yarada la bini kpoŋe kiŋkiŋ.

Hibru 6:4

Nɛra baa yarada Korowii waa ka la, ɛrɛɛ bá ɛ dɛ charɛ ba liire dɛ́ le ba wechɔɡa ta dɛ berɛ yaradao jaɔ? Korowii chaah ba sie o waa nɔ ta ka, asɛ ba na Korowii doa koŋkɛɛle la som la bɛl, asɛ dɛ tɛɛ ba o Domadɛɛɡe la ka.

Hibru 6:6

Anɔ bwa habɔɔ la, ba ɡel Korowii waa ba fa aa dɛ yarada la! A kpeɡri kɛ ba charɛ ba liire dɛ́ le ba wechɔɡa ta dɛ berɛ ba yaradao, dɛkalkɛŋɔ ba kaa ɛ kɛŋɔ baa kwaara kpaa Korowii Bie la dɛɛ pɛl o daɡaɡre ta, dɛ ɡel sihiih kpoo nɛra baah ta. Ba ɛo dawɛ ba nyu ta.

Hibru 9:13

Nɛn waa kah doŋa la, dɛ baa won kpɔ boohna ne nabala chal dɛ naloni tɔɔ kpɔe dɛ́ merɛ o nɛɛ ásɛ dɛ laa doŋa kpɔ o nɛ Korowii peraa,

Hibru 9:20

Waa kpɔa dɛɛ merɛ ba nɛɛ la, o ŋɔ, “Chal nɔɔ ɡela fɔo he ne Korowii aa fɔwa dɛ ŋɔ hɛɛ dɛɛ teŋɛ o Mmarare ta la ta, á ɛ danseɛ kɛŋɔ he sɛoh.”

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.