Hibru 10:26 - mzwDBL

²⁶ Korowii aa pili ya sie ya jemɛ o kasinteŋ nɔ, dɛ ya ta saahnɔ do wechɔɡa ta dɛɛ ɛ aa, saraha bɛlbwa toole bobɛlbwa dɛ fee ya wechɔɡa ya nɛɛ kpa.

Hibru 10:26 ပူးပေါင်းရင်းမြစ်များ

Lewi Dea Tena 4:13

Dɛ Israel tena bwa ɛ wechɔɡa, dɛ jo waa maa do ba ŋɔ ba bɛ ɛ la bini bɛlbwa ta dɛ ba laa saahna, hale dɛ ba ta ɡɛ waa la nae yaa, dɛ ba di bolchɔɡe.

Lewi Dea Tena 4:2

ó ŋɔ Israel tena be ŋɔ, “Dɛ nomɛlbwa ɛ wechɔɡa dɛ jo waa maa do ba ŋɔ ba bɛ ɛ la bini bɛlbwa ta dɛ o laa saahnaa, waa aa chɛ kɛ o ɛ laanee nɔ.

Amanesoma Luk Aa Chwera Tɔn 12:47

Bonɔɔ waa jemɛ ɡɛ o dɔɔ aa dɛ nyin, kɛ dɛ vɛh o te kpɔe dɛ ɛ ɡɛ tɛo la, o dɔɔ ɛɛ ɡeloo ba lɔɔro taeh.

Amanesoma Jɔn Aa Chwera Tɔn 13:17

Dɛ he jemɛ ɡɛ waa nɔ dɛɛ ɛa ɡe te naa, hɛɛ na somee.

Amanesoma Jɔn Aa Chwera Tɔn 9:41

Anee Yeesu chaŋe ŋɔ, “Dɛ he fe sɛoh kɛŋɔ he ɛ nyoŋa kwaraa naa, wechɔɡa fe toole he nɛ, kɛ haa ŋɔa he dɛ na nomanta, he ta lɔ wechɔɡa ta.”

Mmarare 17:12

Dɛ nomɛl baah suu o ta waa nɛn waa dɛ pa bole kɛɛ sɔfo waa cheɡɛ Korowii haa dɛ tomɔ la naa ta waa ta teŋaa, kpoe chɛ kɛŋɔ bá kpoo. Gɛ ŋwɛnɛ nɔ taa hɛɛ ba cheɡa, dɛ́ le ɡɛ wechɔɡa la ne Israel harɛ ta.

2 Tesalonika 2:10

dɛɛ ɛ wechɔɡa bwa soo siwi aa lole, dɛ́ won dɛɛ neɡre nɛra baa nyoɡra dɛɛ ba chɔɡa la. Korowii ɛɛ chɔɡ baa, dɛkalkɛŋɔ ba vɛh kasinteŋ waa aa dɛ ba wona lɛɛ ba la, ba ta o waa nyine.

1 Timoti 1:13

A lole kɛ n fa dɛ ɛ Yeesu Kristo la nɛnhɛla, dɛɛ ɛo hɔhɔrɔwa, n siwi sao mɛɛ yoo. Kɛ Korowii na n sum, dɛkalkɛ maa wola Korowii yarada dɔe n bini la, dɛ maa jemɛ ɡɛ maa dɛ ɛ.

1 Timoti 2:4

O te dɛ nyin kɛŋɔ nomɛlbwa dɔ o nyu, ásɛ dɛ ba jemɛ kasinteŋ waa la.

Jems 4:17

Anomanta, nomɛlbwa waa jemɛ waa aa wera kɛŋɔ o ɛ, dɛ vɛh ɛɛ la, dɛ o ɛ wechɔɡa.

1 Jɔn 5:16

Dɛ he na he dɔŋ wɛɛ ɛ wechɔɡa aa, soŋe Korowii tɛo. Wɛɛ tɛo mkpaa. N ŋɔ ɡɛ naa, banɔ la baa wola seo wechɔɡa ɛɛ laanee n ŋɔ hé soŋe tɛ. Wechɔɡa ane lole, dɛ he ɛa aa, a chɛ kɛŋɔ hé sewɛ. N ta ŋɔe ŋɔ hé soŋe Korowii tɛ nɛn a te bɔr.

1 Samoɛl 2:25

Nɛn ɛ o dɔŋ wechɔɡa aa, Korowiirii dɛ́ won kwaa ba baah. Kɛ dɛ nɛn ɛ Korowii wechɔɡa aa, nɛn toole dɛ́ cha naate kpa.” Bii la ta ba mɛɛ kaeh waa kah ba la noɛ, dɛ Korowiirii ɛa ɡɛ dɛ́ kpoo ba.