Hibru 10:25 - mzwDBL

²⁵ ásɛ dɛ bɛ chema yaa dɛ cheme saŋ bɛlbwa la ɡel, kɛŋɔ bane aa ɡela la. Waa bwa jaɡa tɔpere la dɛ tel, anomanta, hɛ́ɛ do dɔŋa ɡbemba.

Hibru 10:25 ပူးပေါင်းရင်းမြစ်များ

Matiu 10:15

Kasinteŋ, awola Korowii aa ba pa nomɛlbwa bole la, waa Sodom ne Gomoora tena aa naa la ɡba ɛɛ bɔ a ɡɛ bwɛɛ la tena waa.”

Matiu 18:20

dɛkalkɛ bela nɛra banɛ kɛɛ batoro aa kpɔ nyopɛo cheme n sɔn ta la, dɛ n ja ba nɛ.”

Amanesoma Jɔn Aa Chwera Tɔn 12:48

Kɛ nɛn waa vɛh n ne n waa maa dɛ bol la ɛɛ di bolchɔɡee. N waa maa dɛ bol nɔɔ dɛ́ pao bolchɔɡe tɔpere bwa jaɡa wee.

We-ɛɛla 16:16

Awola bɛl, ya dɛ la Korowii soŋebɔr moo nyoa bela dɛ ka na bitolo bɛl. Dɛ nɛra bane yomii, asɛ kwaa ɡe ɛɛ ir o nɛ, asɛ o yon dɛɛ voɡɛ. Dɛ o voɡa la ɡelɔ nɛra baa dɔɔ la ɛɛ dɔ suuɡa taeh.

We-ɛɛla 2:1

Ba tɔpejen baa dɛ yerɔ Pɛntekɔs la telo, asɛ ba bwa cheme bobeŋkpoŋ.

We-ɛɛla 2:42

A ɡɛ nɛra la balɔ dɛ baa hweli Korowii waa Yeesu toroma la be warawara. Dɛ ba ne Yeesu toroma laanee pɛa dɛɛ ɛ wobɛlbwa, dɛɛ di kwaa dɛɛ tomɛ Korowii.

We-ɛɛla 20:7

Memene wee jɔmɔra ne la, ya asɔre tena la chemo dɛ di kondikwaa ya Dɔɔ aa kpɔa ja yaa ŋɔ yá kpɔ dɛɛ lii o waa la, asɛ Pɔɔl bol Korowii Waa dɛɛ baɡle yaa. Dɛ o fe dɛ nyin kɛŋɔ tɔɔ peraa ó kaa, anomanta, o bol waa ka tel harambaŋa.

Tɔn Pɔɔl Aa Chwerɛ Rom Tena 12:8

Dɛ nɛra ɡbemba doe kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ dɔŋa kwaa kɛɛ kpeɡrii o tɛɛ naa, a chɛ kɛ hɛɛ ɛa bambile bwa ne. Dɛ waa sie tɔe kpeɡrii o tɛɛ naa, a chɛ kɛ hɛɛ ɛa tea bwa ne. Dɛ wedɛɛɡa ɛɛ kpeɡrii o tɛɛ naa, a chɛ kɛ hɛɛ ɛa tepoŋ ne.

1 Kɔrent 11:20

Gɛ he yon cheme dɛɛ di kwaa ya Dɔɔ Yeesu sɔn ta dɛɛ lii o waa la, o waa laa hɛɛ lii ɡɛ la.

1 Kɔrent 14:23

Dɛ asɔre tena chemo, asɛ bɛlbwa ɛɛ bol wobofale, asɛ nɛra baa wola yarada dɛ ɛ nɛmpɛɛne ba ja he nɛ aa, baa ŋɔ he dɛ we choɡla aa?

1 Kɔrent 14:3

Naate waa cheɡɛ Korowii Domadɛɛɡe la ta, dɛɛ bol waa la te bolɔ dɛɛ baɡle nɛra dɛɛ cha ba bá jemɛ Korowii Wa. O dɛ do ba ɡbemba dɛɛ larawe ba bwara.

1 Kɔrent 3:13

Dɛ Korowii Tɔpere waa dɛ ba nɛra bwa waa bola dɛ́ pa bole la telaa, belaa baa ba nae ɡɛ bɛlbwa toma aa doa. Awola tɔpere la, niinii dɛɛ ba toma nomɛlbwa aa ɛa la wer bini baɡla.

1 Kɔrent 5:4

Dɛ he baa cheme ya Dɔɔ Yeesu sɔn ta, o kpeɡri do he nɛ, n ɡe liire do he bini naa,

Felepae 4:5

Hé ɡel nomɛlbwa jemɛ he waa kɛ he pwɛre. Ya Dɔɔ bala la pu yaa tonɛ.

1 Tesalonika 4:18

Anomanta, hé kpɔ waa nɔ dɛɛ larawe dɔŋa bwara.

1 Tesalonika 5:11

Anomanta, hɛ́ɛ do dɔŋa ɡbemba dɛɛ cha dɔŋa, ɡɛ haa dɛ ɛ nɔ.

Hibru 10:24

Hé ɡel ya lii ɡɛ yaa ɛ, dɛ́ won dɛɛ do dɔŋa ɡbemba, ne dɔŋa nyina ne wedɛɛɡa ɛɛ ta,

Hibru 10:37

Anee Korowii Tɔn baɡle la. “A ka tamaa ken ásɛ naate waa dɛ ba bala la ba. Waa biɡra ba.

Hibru 13:22

Yabala, n dɛ soŋe heyaa kɛŋɔ he lawɛ bambile, dɛ́ no waa nɔ maa chwera dɛ kpɔ dɛɛ ja heyaa nɔ. He nyiŋo na naa, tɔn nɔ maa chwerɛ heyaa nɔ aa jaŋɛ bɛlbwa.

Hibru 3:13

Anomanta, hɛ́ɛ ja dɔŋa tɔperee bwa mɔɔ tɔpere la o Domadɛɛɡe aa bol o waa dɛ ŋɔ “fini” la ɡarɛ, ásɛ wechɔɡa bɛ heyaa ba neɡre, he deŋne ba do kpeɡri.

Jems 5:8

Gɛ tentenee chɛ kɛŋɔ he ɡe lawɛ bambile dɛ́ che kiŋkiŋ, dɛkalkɛŋɔ he Dɔɔ la bala telo.

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

2 Pita 3:11

Kwaa nɔ bwa aa dɛ ba fuih ken nɔ, dɛ ɛrɛɛ chɛ kɛ he doɔ? A chɛ kɛ he do ɡoroŋ he soɡa bini, dɛ́ kpɔ he te tɛ Korowii,

2 Pita 3:14

Anomanta, n dandɛɛɡa, haa dɛ kpa awola tɔpere la, hé swɛɛ siwi kɛŋɔ hɛɛ do ɡoroŋee dɛ bɛ wechɔɡa bɛlbwa dɔ Korowii sie, ásɛ he ne o baah do wer.

2 Pita 3:9

Korowii aa o nyobaɡa ta too, ɡɛ bane aa dɛ lii kɛŋɔ Korowii biɡri o nyobaɡa waa baɡa ŋɔ ya Dɔɔ Yeesu ɛɛ bao la. Bambilee o dɔ tɛ heya, dɛkalkɛ waa nyin kɛ nomɛlbwa chɔɡ ta. O dɛ nyin kɛ nɛra bwa charɛ ba liire dɛ́ le ba wechɔɡa ta mɔɔ o ba.

Tɔn Jud Aa Chwera 1:19

A ɡɛ nɛra nɔɔ ɡela he ne he asɔre tena dɔŋa baah ɛɛ peɡri la. Harɛ bonɔ som lɛ ba liire bwa. Korowii Domadɛɛɡe la toole ba nɛɛ kwaraa.