Hibru 10:24 - mzwDBL

²⁴ Hé ɡel ya lii ɡɛ yaa ɛ, dɛ́ won dɛɛ do dɔŋa ɡbemba, ne dɔŋa nyina ne wedɛɛɡa ɛɛ ta,

Hibru 10:24 ပူးပေါင်းရင်းမြစ်များ

Yela 41:1

Nɛra baa dɛ dawɛ nyaara waa la, ba na som, wenaale puu ba aa, Korowii lɛɛ ba dɛɛ le a nyoa.

Sɛɡla 29:7

Nɛn o wa aa toɡra la jemɛ waa aa wera tɛ nyaa, kɛ nɛnchɔɡe te waane laa o wa.

We-ɛɛla 11:29

Belaa Yeesu habɔteŋra la ŋɔ baa pu siee ta suuɡa ɡɛ ba bɛlbwa aa wona laanee, dɛ́ ka tɛ ba bala asɔre tena baa lɔ Juda harɛ la mɔɔ lɔr la ba.

Tɔn Pɔɔl Aa Chwerɛ Rom Tena 11:4

Ɛrɛɛ Korowii chaŋe Elaeja ɔ? O chaŋo ŋɔ, “N ta dɔ nɛra kaɡboŋa banuanɛ bane ba do le dɛ ɛ n nɛra baa wola voɡ Baal ɡuŋe bwa.”

Tɔn Pɔɔl Aa Chwerɛ Rom Tena 12:15

Nɛra lɔ silɛɛ bini naa, hé puu ba he ne ba lɛ sie. Ba dɛ wi ɡe aa, hé ne ba wi.

1 Kɔrent 10:33

Gɛɛ mɛɛ ɛ, ásɛ n waa lɛ nomɛlbwa sie. N ɡbo waa laa hiah mɛ. Nomɛlbwa ɡe waa hiah mɛ, ɡɛ maa ɛ dɛ́ won dɔɔ ba tɛ Korowii ó lɛɛ ba.

1 Kɔrent 9:22

Dɛ n kaa koo nɛra bini, dɛ ba yarada aa kanɛ Yeesu Kristo waa ta naa, n ɡe dɛ ɛ n te kɛŋɔ ba bini bɛl, ásɛ dɛ won dɔɔ ba. Gɛ nomɛlbwa aa doa la, ɡɛɛ mɛɛ ɛ n te, ásɛ dɛ che ŋwɛnɛ bɛl ta, dɛ́ won dɔ bane, ásɛ Korowii lɛɛ ba.

2 Kɔrent 8:8

N ta bolɛ dɛɛ bil a ɛ lao kɛŋɔ hɛ́ɛ kɛ. N dɛ nyin n jemɛ kɛŋɔ he nɛnnyin la ɛ nɛnnyin kasinteŋ. A waa n baɡle ɡɛ bane siwi aa swɛɛ kwaa kɛɛ ta la.

2 Kɔrent 9:2

N jemɔ kɛŋɔ he te dɛ nyin ba chae. Anomanta, n kpɔ heyaa maŋkura n te Makidoonia tena be taeh. N ŋɔ ba be ŋɔ, “Bena ken bwaa yabala baa lɔ Akaya harɛ la swɛɛ siwi dɛɛ nyin nɛra chae.” He siwi aa swɛɛra hɛɛ nyin nɛra chae la, a ɡelɔ ba kɛrɛdɛ ɡee nyin nɛra chae.

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Galaasia 6:1

Yabala, dɛ he lawɛ he bini bɛl wechɔɡa bɛlbwa ta naa, he banɔ la haa dɔ Korowii Domadɛɛɡe la kɛrɛdɛ la, hé toɡro. Kɛ he bɛ o nɛɛ nyɛɡ te, hé toɡro sipwɛra ne. He ɡbaɡba ɡe la, a chɛ kɛ hɛɛ nyiŋi kɛrɛdɛ, ásɛ Bɔnsam bɛ heyaa ba neɡre do wechɔɡa ta.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

1 Tesalonika 1:3

Gɛɛ tɔpere bɛlbwa ɡe yaa bol N Naa Korowii waa bera ɛ ya Mɛɛ la be he yarada haa yaradao dɛ won kpɔ dɛɛ ɛ o toma, ne he nyina haa dɛ nyinu dɛ ɡel he sie beɡre o toma ta, ne hwɛɡa haa dɔa ya Dɔɔ Yeesu Kristo be dɛ won dɛɛ lawɛ bambile wobɛlbwa ta la.

1 Tesalonika 5:11

Anomanta, hɛ́ɛ do dɔŋa ɡbemba dɛɛ cha dɔŋa, ɡɛ haa dɛ ɛ nɔ.

2 Tesalonika 3:9

Yaa ɛ ɡɛ nɔ, a ta ɛɛ kɛŋɔ ya ta ŋwɛnɛ dɔe kɛ ya lɛ ɡɛ kwaa nɔ le he be. Ya dɔ ŋwɛnɛ, kɛ ya ɛ ɡɛ dɛ kpɔ baɡle heyaa ásɛ hɛɛ teŋɛ a ta.

1 Timoti 6:18

Ŋɔ ba be báa ɛ wedɛɛɡa, ásɛ wedɛɛɡa berɛ ba kondɔɔh, bá won ba tea tae dɛɛ kɛ nɛra bwa kwa.

Taetos 2:4

Dɛ ba dɛ ɛ ɡɛ naa, anee dɛ́ baɡle han-yala báa nyin ba jaranar ne ba bii,

Taetos 3:8

Waa nɔ bwa ɛ kpela. Anomanta, dɛɛ berɛ a baɡla ɔma, ásɛ nɛra baa no Korowii waa dɛ yarada la swɛɛ siwi dɛɛ ɛ wedɛɛɡa. Gɛɛ wera dɛ dɔ tɔnɔ tɛ nomɛlbwa.

Hibru 13:1

He nya biirii dɔŋa Yeesu Kristo waa nɔ ta, anomanta, hɛ́ɛ nyin dɔŋa saŋ bɛlbwa.

Hibru 13:3

Hɛ́ɛ lii nɛra baa do ba dea waa kɛŋɔ he ne banee ba do dea ken. Hɛ́ɛ lii nɛra baa dɛ ɛɛ ba hɔhɔrɔwa ɡe waa kɛŋɔ he ɡe aa dɛ na weweele la bɛl ken.

Hibru 3:13

Anomanta, hɛ́ɛ ja dɔŋa tɔperee bwa mɔɔ tɔpere la o Domadɛɛɡe aa bol o waa dɛ ŋɔ “fini” la ɡarɛ, ásɛ wechɔɡa bɛ heyaa ba neɡre, he deŋne ba do kpeɡri.

1 Jɔn 3:18

N bidɛɛɡa, he bɛ ɡel ya kpɔ wobol ne nyotor berɛ dɔŋa nyina. Kɛ hé ɡel ya we-ɛɛla baɡle kɛŋɔ ya nɛnnyin ɛ kasinteŋ nyina.