Hibru 10:20 - mzwDBL

²⁰ Yeesu pili ŋwɛnɛfale mkpa aa lɔ o ta tɛ yaa, asɛ ya won jo Korowii Boɡoroŋ la ta. O bwadabii ɛo kɛŋɔ pateesanjen o fa aa tɔ Korowii Boɡoroŋ Tenten la ŋwɛnɛ la. Waa sewa la, ŋwɛnɛ pilo tɛ yaa.

Hibru 10:20 ပူးပေါင်းရင်းမြစ်များ

Lewi Dea Tena 16:15

A habɔɔ la, ó kpɔ booh la, dɛ́ kpo ɛ wechɔɡa kpɔe dɛ kɛ saraha tɛ nɛra la, dɛ́ kpɔ o chal la ba pateesan la habɔɔ, dɛ́ ɛa ɡɛ tenten waa ɛ nao la chal la. Ó merɛ ane N Ne Nɛwɛnyina Fɔo Daka tɔ la ta, dɛ́ merɛ ane ɡe o sie bela.

Lewi Dea Tena 16:2

O ŋɔ, “Ŋɔ he dɔɔ Arɔn be kɛŋɔ, o bɛ pateesan waa tɔ Boɡoroŋ Tenten la habɔɔ jo kaa bela N Ne Nɛwɛnyina Fɔo Daka tɔ la aa lole la warawara, dɛ́ ba sewɛ. Dɛkalkɛ Daka la tɔ doa belaa n che dɛɛ ba he be bam ta.

Lewi Dea Tena 21:23

kɛ o kirihiah dii nomanta, a ta chɛ kɛŋɔ ó suuh tel pateesan la á ba ɛ kɛŋɔ wɛɛ bɛne saraha kon laanee, dɛ́ ba kpɔ doŋa kah o bɔr waa do ɡoroŋ la. Korowiirii ɡela a do ɡoroŋ.

Matiu 27:51

Waa sewa la, ate dɛ yal waa teŋe Korowii Dea la baah ta la pere anɛ le nyundua ba ta harɛ. Harɛ jiɡro, asɛ bwetala bini peɡri,

Amanesoma Mak Aa Chwera Tɔn 15:38

Asɛ yal waa teŋe Korowii Dea baah ta la pere anɛ le nyundua ba ta harɛ.

Amanesoma Luk Aa Chwera Tɔn 23:45

asɛ yal baa kpɔa teŋe Korowii Dea bini la baah pere anɛ.

Amanesoma Jɔn Aa Chwera Tɔn 10:7

Yeesu berɔ ŋɔ ba be ja ŋɔ, “Kasinteŋ, n dɛ ŋɔ he be, n do kɛŋɔ peera leɡ doonyoa la.

Amanesoma Jɔn Aa Chwera Tɔn 10:9

Menee doonyoa la, ɡɛ peera aa cheɡɛ doonyoa dɛ jo dɛɛ le, dɛ dɔ kwaa dɛɛ di la, ɡɛɛ nomɛlbwa waa yarada mɛ la ɛɛ ba mkpa dɔe.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Ɛfesos 2:15

O ɡbaɡba bwadabii o kpɔ ɛ ɡɛ dɛ sewɛ dɛ laa Mosis Mmara la laa kpɔ ya nɛ, ásɛ banɔ la baa dɛ teŋɛ a ta la bɛ ba te pere le banɔ la baa wola a ta teŋɛ la nɛ. Onee wona kpɔ ya bwa pɛ, dɛ beɡre yaa ya ɛ nɛmbeŋkpoŋ, dɛkalkɛŋɔ ya bwa ne onee pɛa. Gɛɛ o ɛ dɛ ɡel ya dɔ nyopɛo.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Hibru 6:19

A ɡɛ hwɛɡa nɔɔ dɛ ɡel ya bambile won che bobeŋkpoŋ, ásɛ ya che kɛrɛdɛ. Hwɛɡa nɔ nomanta, a kaa ɛ kɛŋɔ yaa won jo Korowii Dea la bini tenten, bela pateesan fa aa tɔa nɛmpɛɛne aa wola bela jo la.

Hibru 9:3

Asɛ bela baa dɛ yerɛ Boɡoroŋ Tenten la ɡe do pateesan nɛɛte la habɔɔ.

Hibru 9:8

Korowii Domadɛɛɡe dɛ baɡle yaa waa dɛ le ɡɛ waa nɔ ta kɛŋɔ, dɛ Korowii Tɛnte Dea la ta lole naa, Boɡoroŋ Tenten la ŋwɛnɛ ta pile mɔɔ.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

1 Jɔn 4:2

Ŋwɛnɛ nɔ taa hɛɛ ba cheɡa, dɛ́ jemɛ nɛra baa dɔ Korowii Domadɛɛɡe la. Nomɛlbwa waa dɛ baɡle Yeesu waa ɛ Kristo Korowii aa tomɔ ó ba lɛ yaa la waa kɛŋɔ o baa ɛ nɛwɛnyini la, o dɔ Domadɛɛɡe waa le Korowii be la.

2 Jɔn 1:7

Nyosonteŋna tenten balɔ taraken. Banee wola yarada kɛŋɔ Yeesu Kristo ba harɛ nɔ ta kɛŋɔ nɛwɛnyini la. Nomɛlbwa waa wola ɡɛ yarada la, o ɛ nyosonteŋni dɛ ɛ Yeesu Kristo dɔm.